- Detalles
- Escrito por Alicentis
- Categoría: novas
- Visitas: 567
-
Un informe técnico desfavorable obriga a modificar o proxecto e proceso de expropiación de terreos vai durar un mínimo de oito meses
-
O alcalde e a primeira tenente de alcalde reúnense en Santiago coa responsable de Infraestruturas da Xunta
-
A obra non conta con financiamento para este ano, “polo que non se vai executar, como mínimo, ata finais de 2024”
O proxecto para mellorar a accesibilidade e a seguridade viaria no Seilán, cun itinerario peonil de 900 metros que a Xunta ía financiar cuns 360.000 euros, vaise retrasar polo menos un ano. Así llelo comunicou a conselleira de Infraestruturas e Mobilidade da Xunta Ethel Vázquez ao alcalde, José Antonio Pereira, e á concelleira Mónica González na reunión que mantiveron a pasada semana en Santiago.
“Estamos descontentos e frustrados. Unha obra moi importante para a veciñanza, que o Partido Popular anunciou a bombo e prato vai ter un retraso moi importante”, asegura José Antonio Pereira. Pola súa banda, a concelleira Mónica González lamenta que “a conselleira non aportase ningunha solución alternativa aos problemas de mobilidade expostos pola veciñanza de Seilán e de Ordoeste”.
O alcalde explica que, segundo lles trasladou a conselleira Ethel Vázquez, o proxecto redactado pola Xunta ten un informe técnico desfavorable e haberá que modificalo. A execución das obras require a expropiación de terreos, “un proceso que, xunto coa exposición pública, tardará un mínimo de oito meses. Ademais, a Xunta non ten asignada partida para financiar a obra este ano. A conselleira díxonos que vai tentar incluíla nos orzamentos do ano que vén”. Para José Antonio Pereira “isto implica que, no mellor dos casos, as obras non comezarán ata finais de 2024. Un ano de retraso, como mínimo”.
José Antonio Pereira lembra que foi a propia Xunta a que o pasado mes de febreiro anunciaba un investimento de preto de 360.000 euros para mellorar a accesibilidade e a seguridade na zona do Seilán. A consellería anunciou que nun tramo de 900 metros da AC-444, ata o límite con Negreira, íanse construír beirarrúas de dous metros de ancho e outras melloras. “Agora, dez meses despois, todo queda en papel mollado”, lamenta o alcalde.
Na reunión celebrada a pasada semana na sede da Consellería de Infraestruturas e Mobilidade, José Antonio Pereira e Mónica González tamén lle pediron a Ethel Vázquez algunhas actuacións na AC-546 para mellorar a seguridade peonil en Seoane, Ordoeste e Corneira, como pasos de peóns, entre outros. “A conselleira só deu evasivas e puxo pégas, non aportou ningunha solución”, asevera Mónica González, polo que “saímos moi descontentos da xuntanza”, conclúe o alcalde.
- Detalles
- Escrito por Alicentis
- Categoría: novas
- Visitas: 333
O Diario Oficial de Galicia publica na súa edición de hoxe, mércores 20 de setembro, a solicitude de declaración de utilidade pública do proxecto da infraestrutura de evacuación do parque eólico de Vilartoxo, no concello da Baña, coa necesidade urxente de ocupación que iso implica.
O anuncio inclúe a relación de bens e dereitos afectados, así como das persoas titulares dos mesmos, que poderán facer as observacións que consideren oportunas nun prazo de 30 días a contar a partir do día seguinte da publicación deste acordo no DOG; isto é, do 21 de setembro ao 3 de novembro de 2023 permanecerá aberto o prazo de alegacións.
O Concello da Baña ponse a disposición dos veciños e veciñas afectadas, que poderán resolver calquera dúbida dirixíndose ao servizo municipal de Urbanismo. O proxecto da infraestrutura de evacuación do parque eólico Vilartoxo (anteriormente nomeado solución de evacuación conxunta dos parques eólicos Barrosino e Vilartoxo), está promovido por Greenalia Wind Power, S.L.U.
A documentación relativa ao proxecto pode consultarse nas dependencias da Sección de Enerxía da Xefatura Territorial da Coruña da Consellería de Economía, Empresa e Innovación (rúa Vicente Ferrer, núm. 2-2º andar, 15071 A Coruña, teléfonos 981 18 49 83 e 981 18 49 82), de luns a venres, das 9.00 ás 14.00 horas, así como na casa do Concello da Baña. Ademais, tamén se poderá consultar no portal web da Consellería de Economía, Empresa e Innovación a través da seguinte ligazón:
https://economia.xunta.gal/transparencia/informacion-publica/en-tramitacion/instalacions-de-xeracion
 20-9-2023: Anuncio no DOG da solicitude de DUP (Vilartoxo) | [ ] | 533 kB |
- Detalles
- Escrito por Alicentis
- Categoría: novas
- Visitas: 889
-
As reivindicacións do goberno local foron atendidas pola xerente da área sanitaria de Santiago e Barbanza
-
O alcalde José Antonio Pereira, a concelleira Mónica González e varios facultativos reuníronse este luns con Eloína Núñez
-
A responsable do Sergas amosou a súa disposición a tratar de mellorar o servizo de Pediatría no municipio
- Detalles
- Escrito por Alicentis
- Categoría: novas
- Visitas: 841
O orzamento total da actuación ascende a 250.000 euros dos que a institución provincial aportará o 80% ||
Con esta obra mellorarase a circulación e a seguridade viaria dunha estrada moi transitada pola veciñanza ||
O alcalde da Baña, José Antonio Pereira, e o presidente da Deputación da Coruña, Valentín González Formoso, asinaron esta mañá na sede da institución provincial o convenio para cofinanciar as obras de arranxo da pavimentación das vías públicas entre Vilar da Torre e Lañas.
O acto da sinatura contou tamén coa asistencia do deputado Antonio Leira.
A Deputación destinará 200.000 euros do investimento, que supón o 80 % do orzamento total, para unhas obras que teñen como obxectivo mellorar a circulación e a seguridade viaria no tramo que transcorre entre Vilar da Torre e Páramos.
Trátase dunha estrada moi transitada e moi empregada por toda a veciñanza da comarca, polo que as melloras executaranse en dous prazos: primeiro levarase a cabo a explanación e o rasanteo do firme, así como a limpeza e o perfilado de beiravías; para a continuación estenderse unha base de macadam de 15 cm. de grosor, ademais de colocar un rego de penetración e un rego superficial para completar a obra.
Con esta nova acción mellorarase unha infraestrutura de carácter básico e moi utilizada para o Concello da Baña, mellorando o día a día tanto da súa veciñanza como a dos habitantes da comarca.
- Detalles
- Escrito por Alicentis
- Categoría: novas
- Visitas: 632
O alcalde, José Antonio Pereira Gil, remitiu un escrito no que expón que no municipio superáse o prazo de 5 días hábiles acordado pola administración ||
O alcalde da Baña, José Antonio Pereira Gil, remitiu á Concellería de Medio Rural e a Seaga un escrito no que esixe a retirada dos niños de vespas velutinas no municipio segundo os prazos estipulados pola propia administración.
O Concello da Baña expón as numerosas queixas recibidas por parte dos veciños e veciñas pola tardanza na retirada de niños de vespas velutinas no municipio, con prazos superiores ao mes, cando se trata de domicilios particulares. Esta circunstancia supón un grave risco para as persoas.
Na nota, recordar que a Dirección Xeral de Administración Local, con data 18 de xaneiro, indicaba que o convenio de retirada de vespas velutinas coa empresa Seaga implicaba que a retirada de ditos niños, unha vez recibida a alerta no servizo 012, tería un prazo medio de 5 días hábiles. No Concello da Baña este compromiso non se está a cumprir.
Deste xeito, o Concello insiste na súa esixencia de que se tomen as medidas oportunas para o cumprimento de ditos prazos de retirada de niños de vespas velutinas.