Raquel Estévez e Pablo Villa gañaron esta mañá o Trail da Baña no percorrido longo de 28 quilómetros
- Detalles
- Escrito por Alicentis
- Categoría: Deportes
- Visitas: 175
-
Laura Saavedra e Mario Rodríguez impuxéronse no trail curto, de 16 km.
-
Eva Formoso foi a vencedora do trail promesa, ao chegar a meta un minuto antes que Roi Mourón, que se xogou a vitoria ao pedra, papel, tesoira co seu amigo Alex Tajes
-
Por equipos, os vencedores foron a SD Barbantia Roda, o Dubra Team e o Running Arteixo, por esta orde
Pablo Villa González foi esta mañá o vencedor absoluto do Trail da Baña, tras facer os 28 quilómetros de percorrido en pouco máis de dúas horas e media (2:33:41). Na categoría feminina a vencedora foi Raquel Estévez Alonso, cun tempo de 3:38:14. No trail curto, de 16 km, Laura Saavedra (2:18:30) e Mario Rodríguez (1:42:45) foron os vencedores. (Ver clasificacións oficiais neste enlace).
As mulleres foron as máis rápidas na categoría promesa, ao rematar os 8 quilómetros dep percorrido en menos dunha hora, un minuto menos que os primeiros homes. Eva Formoso Recarey, do Triki Team, fixo un tempo 0:59:26, chegando un minuto antes que Roi Mourón (1:00:48). Precisamente, Roi rematou o percorrido xunto co seu amigo Alex Tajes, e entre os dous se xogaron a vitoria ao pedra, papel, tesoira xusto antes de cruzar a liña de meta, que pasou en primeiro lugar Roi Mourón. O podio nesta categoría estivo formado por Eva Formoso, Rocío Riveiro (0:59:43) e Sabela Tuñas (59:59) na categoría feminina e por Roi Mourón e Alex Tajes (1:00:33) e Brais Agra Sánchez (1:00:45), na categoría masculina.
Nunha xornada na que a choiva foi a protagonista, preto de 300 persoas tomaron a saída nas diferentes categorías do Trail da Baña. Medio cento participaron na proba longa, cun percorrido de 28 quilómetros polos montes da Baña e un desnivel acumulado de mil metros. Nesta categoría, os vencedores foron Pablo Villa (2:33:41), Jaime García (2:41:03) e Rubén Martínez Mayo (2:51:34). As tres primeiras mulleres en cruzar a meta foron Raquel Estévez (3:38:14), Laura Felípez (3:41:53) e Kenia Estrada (3:46:20).
O mini trail, cun percorrido de 16 quilómetros e 800 metros de desnivel, foi o que contou con maior número de persoas participantes, con máis dun cento de atletas tomando a saída. Os vencedores nesta categoría foron Mario Rodríguez (1:42.45), Roberto Galado (1:42:51) e Felipe Corral (1:42:53), mentres que as atletas máis rápidas foron Laura Saavedra (2:18:30), Paola Estrada (2:21:57) e Maite Salgado (2:45:35).
A xornada contou tamén cunha andaina non competitiva de 10 quilómetros, na que participaron unhas 80 persoas.
Organizada polo Concello da Baña, esta sétima edición do Trail da Baña estivo controlada polo comité técnico de árbitros da Federación Galega de Atletismo e forma parte do calendario galego oficial de trail running.
A proba contou co patrocinio oficial de Ternera Galega, que ofreceu unha degustación gratuíta de produtos para que todas as persoas participantes puidesen repoñer forzas ao rematar o percorrido.
Clasificacións
O alcalde da Baña, José Antonio Pereira, e a concelleira de Deportes, Ana Pensado, entregaron os trofeos aos gañadores das diferentes categorías acompañados por José Ramón Gómez, representante de Ternera Gallega.
Os podios nas diferentes categorías quedaron do seguinte xeito.
Trail longo (28 km)
Categoría absoluta: Raquel Estévez, Laura Felípez e Kenia Estrada; e Pablo Villa, Jaime García e Rubén Martínez.
Sénior: Adrian Abelenda, Jorge González e José Martinón.
Máster 1: Vanessa Varela e Lorenzo Lourido, José Manuel García e Agustín Crespo.
Máster 2: Roberto Riobó, César Rodríguez e Jorge Manuel García.
Trail curto (16 km)
Categoría absoluta: Laura Saavedra, Paola Estrada e Maite Salgado; e Mario Rodríguez, Roberto Galego e Felipe Corral.
Sénior: Thalía Troitiño, Rosa Ana Gómez e Rebeca Sesto; e Miguel Montero ,David Seage e Ramón González.
Máster 1: Lali Aguilera, Melina Martínez e Noa Caramés; e Alberto González, Pablo Fadeville e Santi Pazos.
Máster 2: Tina Formoso e Carmen Rios; e Carlos Lado, Juan Manuel Calvo e Rubén Laria.
Primeiros atletas locais: Pablo Fadeville, Carlos Martínez e Antonio Barreiro.
Trail promesa (8 km)
Categoría absoluta: Eva Formoso, Rocío Riveiro e Sabela Tuñas, e Roi Mourón, Alex Tajes e Brais Agra.
Sub-16: Irene Balado, Ana Ézara e Paula Rodríguez, e Miguel Ángel Castro.
Sub-18: Lucas Ribó, Brais García e Jesús García.
Sénior/máster: Eva González, Patricia González e Ana Isabel López, e Alberto Agra, José Manuel Rodríguez e José Manuel Blanco.
Clasificación por clubes:
Sociedade Deportiva Barbantia Roda (40 puntos), Dubra Team (47) e Running Arteixo (50 puntos).
Clubes con máis participación:
Trasdeza Trail&Run, Asociación BJ Running Team e Dubra Team.
- Detalles
- Escrito por Alicentis
- Categoría: Deportes
- Visitas: 220
-
A proba forma parte do calendario galego de trail running, sendo puntuable para o ranking absoluto, máster, Sub 23, Sub 20, Sub 18 e Sub 16 //
-
O grupo máis numeroso, de 111 persoas, estará formado polos atletas que compitan no minitrail de 16 quilómetros //
-
A andaina tivo tamén gran aceptación con 81 apuntados //
Un total de 300 persoas tomarán a saída o vindeiro domingo, 6 de outubro, no Trail da Baña, marcando un récord de participación nunha proba que por primeira vez forma parte do calendario galego oficial de trail running e, polo tanto, é puntuable para o ranking absoluto, máster, Sub 23, Sub 20, Sub 18 e Sub 16.
O Trail da Baña 2024, aberto a atletas de 12 anos en adiante, conta con catro modalidades: un trail de 28 quilómetros cun desnivel acumulado de 1.000 metros, un minitrail de 16 quilómetros cun desnivel de 650 metros, un trail promesa de 8 quilómetros e unha andaina non competitiva de 10 quilómetros.
As clasificacións específicas para as categorías Sub 16 e Sub 18 son outra das novidades da presente edición do trail. Estas persoas mozas competirán na proba de 8 quilómetros, na que participarán tamén todas aquelas persoas adultas que o desexen.
As distancias de trail longo contarán coas categorías sénior (dende 2006), máster 1 (persoas nadas entre 1989 e 1979), máster 2 (persoas nadas en 1978 e anos anteriores) e absoluta. No trail curto eastablécense as categorías Sub 20, Sub 18, Sub 12, sénior e absoluta. Haberá premios para os tres primeiros homes e as tres primeiras mulleres de cada categoría, así como para os tres primeiros clubs clasificados, os tres clubs con maior participación e os mellores atletas locais.
Puntuarán para o ranking galego as probas de trail longo de 28 quilómetros nas categorías Classic Sub 23, absoluto e máster. Na proba curta, de 8 quilómetros, quedarán rexistradas as marcas en Preclassic Sub 20, Sub 18 e Sub 16.
A saída efectuarase dende o pavillón de San Vicenzo a partir das 9.45 horas, cando comecen a correr os participantes no trail. Sairán logo o minitrail, ás 9.55 horas; e o trail promesas, ás 10.00h. A andaina poñerase en marcha cinco minutos despois, ás 10.05h.
O grupo máis numeroso, con 111 inscricións, constituirano os atletas que compitan no minitrail. A andaina contará, pola súa parte, con 81 participantes. No trail promesa tomarán a saída 58 persoas e serán 50 as que o fagan na proba absoluta.
Degustación con Ternera Gallega
Os dorsais, tanto para as distintas modalidades do trail como para a andaina, recolleranse o mesmo domingo na praza do Concello da Baña a partir das 8.15 horas. Ao finalizar a proba, todas as persoas participantes poderán desfrutar dunha degustación con produtos de Ternera Gallega, patrocinador oficial do Trail da Baña 2024.
O Concello da Baña recorda que, para garantir a seguridade e a boa marcha do trail, efectuaranse cortes puntuais nalgúns cruces durante o transcurso da proba e prégalle precaución a condutores e peóns que vaian transitar pola zona durante a mañá.
As persoas participantes no trail terán á súa disposición unha guía na que se recollen os distintos percorridos e os puntos de abastecemento, ademais dalgúns lugares de interese para visitar se queren prolongar a súa estadía na Baña. A guía pode descargarse tamén no documento adxunto.
 Guía de participante Trail da Baña 2024 | [ ] | 1905 kB |
- Detalles
- Escrito por Alicentis
- Categoría: Deportes
- Visitas: 303
-
A temporada de verán prolongarase ata o domingo 15 de setembro
-
A entrada diaria custará 2 euros e será gratuíta para os menores de 14 anos
-
Hai bonos quincenais de 15 euros e mensuais de 25 euros para unha persoa e de 45 euros para familias
O Concello da Baña anuncia a apertura da piscina municipal de Agra de Chans para o próximo sábado 22 de xuño. A instalación estará operativa ata o 15 de setembro, brindando a veciñanza e visitantes a oportunidade de gozar das súas instalacións durante o verán.
A piscina abrirá de luns a venres cun horario especial: de 10:00 a 14:00 horas estará reservada para campamentos e cursos, mentres que de 15:00 a 21:00 horas estará dispoñible para o público en xeral. As fins de semana, a piscina abrirá ás 12:00 horas, mantendo o peche ás 21:00 horas. A partir de setembro, o horario de peche será ás 20:30 horas.
Canto ás tarifas, os menores de 14 anos poderán acceder de forma gratuíta. A entrada individual terá un custo de 2 euros. Ademais, existen varias opcións de bonos: o bono mensual custará 25 euros, o bono quincenal 15 euros e o bono familiar mensual terá un prezo de 45 euros. Para aqueles menores que desexen participar nos cursos de natación, o custo será de 30 euros, cunha duración de media hora ao día, de luns a venres.
As persoas interesadas en adquirir os abonos ou en obter máis información poden dirixirse ao departamento de Deportes nas oficinas da casa consistorial ou chamar ao número de teléfono 981 886 501.
- Detalles
- Escrito por Alicentis
- Categoría: Deportes
- Visitas: 1249
-
inscricións xa están abertas na páxina www.carreirasgalegas.com //
-
Conta cunha carreira absoluta de 28 quilómetros, un minitrail de 16Km, un trial promesa de 8Km e unha andaina non competitiva //
-
Poden participar todas as persoas que o desexen, federadas ou non //
O Trail da Baña chegará o domingo 6 de outubro á súa sétima edición, a primeira na que será puntuable para o ranking do Circuíto Galicia Trail Running Series, dependente da Federación Galega de Atletismo. O presidente deste organismo, Iván Sanmartín, acompañou ao alcalde da Baña, José Antonio Pereira, e a concelleira de Deportes, Ana Pensado, na presentación da proba. Tamén participou no acto Borja Collar, responsable deJ Trainers&co., a empresa encargada da organización.
Ademais de entrar no Circuíto Galicia Trail Running Series, o VII Trail da Baña contará como novidade con clasificacións específicas para as categorías Sub 16 e Sub 18. Estas persoas mozas correrán na proba de 8 quilómetros, aberta tamén a todas as persoas adultas que queiran participar.
O Trail da Baña terá un total de catro modalidades: un trail de 28 quilómetros cun desnivel acumulado de 1.000 metros, un minitrail de 16 quilómetros cun desnivel de 650 metros, un trail promesa de 8 quilómetros e unha andaina non competitiva de 10 quilómetros. A idade mínima de participación é de 12 anos. Os menores deberán ir obrigatoriamente na compaña dunha persoa maior de idade.
As distancias de trail longo contarán coas categorías sénior (dende 2006), máster 1 (persoas nadas entre 1989 e 1979), máster 2 (persoas nadas en 1978 e anos anteriores) e absoluta. No trail curto eastablécense as categorías Sub 20, Sub 18, Sub 12, sénior e absoluta. Haberá premios para os tres primeiros homes e as tres primeiras mulleres de cada categoría, así como para os tres primeiros clubs clasificados, os tres clubs con maior participación e os mellores atletas locais.
Puntuarán para o ranking galego as probas de trail longo de 28 quilómetros nas categorías Classic Sub 23, absoluto e máster. Na proba curta, de 8 quilómetros, quedarán rexistradas as marcas en Preclassic Sub 20, Sub 18 e Sub 16.
A saída efectuarase dende o pavillón de San Vicenzo a partir das 9.45 horas, cando comecen a correr os participantes no trail. Sairán logo o minitrail, ás 9.55 horas; e o trail promesas, ás 10.00h. A andaina poñerase en marcha cinco minutos despois, ás 10.05h.
As inscricións quedarán abertas dende o martes 6 de agosto ao martes 1 de outubro na páxina www.carreirasgalegas.com. O prezo é de 18€ para o trail, 15€ para o minitrail, 12€ para o trail promesas e 9€ para a andaina. Todas as persoas participantes recibirán un agasallo, contarán con varios puntos de abastecemento ao longo do percorrido e poderán gozar dun catering final, no que tamén terán a oportunidade de coñecer e saborear as tradicionais filloas da pedra da Baña.
Probas que combinan deporte e natureza
Durante a presentación, o alcalde da Baña destacou a aposta do Concello da Baña por este tipo de probas que combinan deporte e aventura co contacto coa natureza. José Antonio Pereira incidiu en que o percorrido permitirá coñecer e desfrutar de fermosas paraxes, comezando polo treito á beira do río Alvariña, e animou á participación co obxectivo de superar as preto de 300 persoas que se deron cita na pasada edición.
Na mesma liña se manifestou a concelleira de Deportes, Ana Pensado, quen se referiu ao Trail da Baña como unha proba de referencia na comarca do Val do Barcala.
Iván Sanmartín, pola súa parte, destacou a normativa ecolóxica que se aplica no Circuíto Galicia Trail Running Series, que, entre outras medidas, supón a utilización dunha cinta reutilizable para marcar o percorrido ou que obriga ás persoas participantes a levar un recipiente para ir reenchendo de agua coa fin de evitar os envases de plástico.
As bases do trail poden consultarse no arquivo adxunto.
| 7-8-2024: Regulamento do Trail da Baña 2024 | [ ] | 413 kB |
- Detalles
- Escrito por Alicentis
- Categoría: Deportes
- Visitas: 349
O Concello da Baña organiza un campus deportivo para axudar ás familias a conciliar durante as vacacións de Semana Santa. A actividade é gratuíta e vai destinada a nenos e nenas de idades comprendidas entre os 3 e os 14 anos.
O campus desenvolverase os días 25, 26, 27 de marzo e 1 de abril, en horario de 9.00 a 14.00 horas. As sesións realizaranse nas instalacións deportivas municipais, adaptándose ao lugar máis axeitado tendo en conta as características das actividades e as condicións meteorolóxicas previstas.
As inscricións poderán formalizarse chamando aos teléfonos 981 886 501 e 669 368 413, desde o luns 11 ata o 18 de marzo. A partir do martes 19 de marzo, procederase a contactar coas familias dos participantes para proporcionarlles toda a información necesaria.
Este campus deportivo ofrécelle a oportunidade a nenas e nenos de gozar dunha Semana Santa activa e saudable, participando en diversas actividades deportivas e lúdicas baixo a supervisión de monitorado cualificado. Está organizado polo Concello da Baña en colaboración coa Sociedade Deportiva A Baña e coa Deputación da Coruña.
As bases poden consultarse no arquivo adxunto ou premendo nesta ligazón.
| Bases do campus deportivo da Baña 2024 | [ ] | 58 kB |