O tribunal seleccionador para a brigada de vixilancia e defensa contra incendios forestais acaba de propoñer aos candidatos/as para a realización das probas físicas e médicas, como se pode comprobar no documento adxunto

20180622 venecia

Convocatoria de Prazas para asistir a un Intercambio Xuvenil a Venecia (Italia), enmarcado dentro das relacións bilaterais que mantén o Concello da Baña con distainas entidades doutros países

 

Obxectivo: Facilitar o coñecemento doutras realidades socioculturais, e lingüísticas para a comprensión da diversidade cultural, e favorecer e potenciar a adquisición de habilidades e competencias non formais que faciliten o desenvolvemento persoal da mocidade

 

Datas de realización do intercambio: do 2 ao 9 de setembro de  2018. 

 

Número de prazas: 10 (acompañados/as de varios coordinadores).

 

Lugar de realización do intercambio: na cidade de Venecia (Italia).

Persoas destinatarias: mozos e mozas residentes na Baña con idades comprendidas entre os 16 e 30 anos de idade no momento de celebrarse o intercambio. Os/as menores de 18 anos poderán participar co permiso do pai/da nai/ ou titor/a legal.

 

Prazo de inscrición: do 21 ao 28 de xuño de 2018.

 

Fai click aquí para cubrir o FORMULARIO DE SOLICITUDE

 

Cobertura do intercambio:

  • Aloxamento en réxime de pensión completa en cuarto de uso múltiple.

  • Transporte local no ámbito do intercambio.

  • Actividades organizadas pola entidade de acollida: Coñecemento da entidade.

  • Percorrido cultural polos principais monumentos e museos de Venecia etc.

 

Serán a cargo do/a participante:

  • Os gastos de desprazamento dende Galicia ata o lugar do intercambio.
  • A obtención da Tarxeta Sanitaria Europea ou seguro médico que dea cobertura equivalente durante a realización do intercambio.

 

Recomendación do aeroporto máis cercano: 

  • Aeroporto Internacional Marco Polo.
  • Aeroporto de Venecia-Treviso (TSF).

 

Inscrición: mediante envío do formulario electrónico dentro do prazo establecido. Só se admitirá unha solicitude por participante.

Os erros nos datos facilitados na solicitude de participación ou a omisión dalgún deles pode ocasionar a desestimación da mesma.

 

Admisión: no caso de haber máis solicitantes que prazas dispoñibles realizarase un sorteo público.

Realizarase unha lista de agarda para os casos de renuncia á praza.

As persoas seleccionadas recibirán un correo electrónico de confirmación da praza. De non recibir comunicación de confirmación da praza antes do día 30 de xuño (inclusive), entenderase que non obtivo praza para o intercambio.

 

Confirmada a praza, nos 5 días (naturais) seguintes, as persoas seleccionadas deberán remitir a documentación que a continuación se indica ao correo  Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo., indicando no asunto: documentación para intercambio a Venecia 2018:

  • Unha copia do billete de transporte adquirido para desprazarse ata o aeroporto máis próximo da cidade do país do intercambio. Non é documento válido a reserva de voo.

  • Unha copia da Tarxeta Sanitaria Europea.

  • Copia do DNI.

 

A non remisión destes documentos no prazo establecido supón a perda da praza no intercambio.
De darse baixas despois de ter sido adxudicadas as prazas, ofertaránselle ás seguintes persoas da lista de espera, tendo que presentar estas os billetes e a documentación nos 3 días (naturais) seguintes da comunicación.

No suposto caso de que o billete de transporte adquirido fose anulado con posterioridade á súa remisión, anulará a praza e será considerada non adxudicada.

Recibida correctamente a documentación, convocarase ás  persoas seleccionadas a unha reunión informativa complementaria sobre o intercambio, do lugar e a hora de encontro e o nome do aloxamento de celebración do mesmo.

Realizarase o intercambio se existe un mínimo da metade máis unha das prazas convocadas.

Máis de 250 persoas apostan hoxe na Baña polas actividades saudables e facer deporte, participando activamente na primeira edición do Día do Deporte na rúa, unha iniciativa da Concellaría de Xuventude e Deportes e na que os asistentes puideron practicar baloncesto, tenis de mesa, badminton, fútbol sala, atletismo, practicar xogos populares, zumba, step, jumping ou facer un circuíto de traning, entre outras modalidades.
O bo tempo axudou a que a participaron fose importante dende primeira hora da mañá. Nas pistas habilitadas diante do concello, uns 80 nenos e nenas participaron dende as dez no torneo de baloncesto, mentres que outros optaron polo tenis de mesa ou o bádminton, facer un circuíto de training ou as actividades dirixidas ao ritmo da música. Os inchables fixeron gozar aos máis cativos, que estaban seguido baixando polo tobogán.
Pola tarde organizaronse torneos de fútbol sala, atletismo e tiro con arco, nunha xornada na que veciños de Baña e doutros concellos da contorna se animaron a practicar deporte.

Máis fotos no facebook do Concello da Baña

20180519 ALI1756

O vindeiro luns, día 25 de xuño, o Concello da Baña abrirá a piscina municipal, na que veciños e visitantes poderán gozar durante a época estival. A instalación estará aberta ata o 15 de setembro, en xullo e agosto de 15.30 a 21.00 horas e, en setembro, de 15.30 a 20.30 horas.

Durante o mes de xullo haberá cursos de natación para aquelas persoas que se inscriban antes do 28 de xuño. Establécense diferentes prezos para os abonos, mentres que por día solto o acceso custa 2 euros. Para poder bañarse é imprescindible levar gorro e chanclas.

O Concello da Baña conta coa colaboración da Deputación da Coruña, da Consellería de Economía, Emprego e Industria e da Dirección Xeral de Xuventude, Participación e Voluntariado da Consellería de Política Social. 

Os prezos e condicións para poder gozar da piscina son os seguintes:

 Cursos de natación:

- Datas: do 2 ao 31 de xullo, de luns a venres

 - Horario: a primeira semana estableceranse os grupos

- Destinatarios/as: nenos/as a partir de 4 anos cumpridos na data de inscrición

- Prazas: 60

 -Inscrición: ata o 28 de xuño

Prezos:   

  1. Abono por mes: 25,00 €
  2. Abono por 15 días: 15,00 €
  3. Abono familiar por mes: 45,00 €
  4. Sen abono (sen límite de tempo/día): 2,00 €
  5. Curso de natación: 30,00 €.
  6. Menores de 14 anos: entrada gratuíta

Máis información: Concellería de Cultura do Concello da Baña.

Inscrición

Para inscribirte tes que cubrir os documentos adxuntos. Pódelos cubrir directamente dende o ordenador e despois imprimilos

Piscina 2018

O alcalde da Baña acaba de asinar un bando informándolle a todos os propietarios de terrenos e soares, da súa obriga de mantelos limpos antes do 31 de maio, como medida para evitar os incendios forestais. As labores de limpeza son especialmente urxentes nas proximidades de núcleos de poboación e casas.
No bando, Andrés García Cardeso comunícalle a todos os propietarios e propietarias a súa obriga de manter os soares e terreos de monte nas debidas condicións de limpeza, salubridade e ornato público, procedendo, se é preciso, a limpamos de maleza, retirar residuos que poidan atopar neles e, en especial, os restos que supoñan un risco de incendio.
A lexislación galega establece unha franxa de seguridad de 50 metros de separación entre as vivendas e os eucaliptos, pinos e acacias. Esta distancia pode ser de 15 metros cando as árboles sexan frondosas (Carballos, castaños, etc).
A lexislación que establece estas e outras medidas para loitar contra os incendios forestais e a Lei 3/2007 de Prevención edefesna contra incendios forestais de Galicia, modificada pola do 28 de xuño, Lei 7/2012 de Montes de Galicia.
A Xunta ten publicado un folleto informativo no que se recollen estas distancias e outras medidas para loitar contra os incendios forestais, que podes atopar neste enlace