Detalles

Escrito por Alicentis

Categoría: Deportes

Published: 31 Xullo 2018

Visitas: 1158

As nenas e nenos que participaron no campamento lúdico-deportivo que organizou o Concello da Baña durante o mes de xullo despedíronse o pasado martes dunha actividade coa que puideron gozar durante todo o mes. O 31 de xullo fixeron unha visita á piscina, onde recibiron os correspondente diplomas por asistir ao curso de natación que se organizou en xullo. Despois o mago Cayetano Lledó sorprendeu aos participantes do seu espectáculo de maxia. A degustación dun pequeno piscolabis puxo o punto e final a varias semanas de xogos e diversión.

Detalles

Escrito por Alicentis

Categoría: Deportes

Published: 03 Xullo 2018

Visitas: 2126

O Concello da Baña organiza un ano máis un campamento de verán no albergue de Cabana de Bergantiños no que poderán participar 45 nenos e nenas que teñan entre 8 e 15 anos de idade. Esta actividade desenvolverase do 3 ao 10 de agosto próximos.

Os interesados en participar deberán inscribirse antes do 24 de xullo na Concellería de Cultura e aboar 100 euros. A adxudicación de prazas farase por orde de inscrición e terán preferencia os solicitantes que estean empadroados na Baña.

A ficha de inscrición pódese descargar no documento adxunto a esta nova. 

Na imaxe que ilustra esta información, os asistentes ao campamento do ano pasado

Attachments:

Ficha inscrición campamento Cabana Berngantiños 2018

[ ]

76 kB

Detalles

Escrito por Concello

Categoría: Deportes

Published: 23 Xullo 2018

Visitas: 1754

Reunión Campamento de Verán en Cabana de Bergantiños 2018

Data: 27/07/2018

Hora: 21.00 horas

Lugar: Casa da Cultura do Concello da Baña

O prazo de inscricións remata o 24/07/2018

Documentación a presentar:

    - Ficha de inscrición

    - Dni do/a menor ou libro de familia

    - Dni do/a pai/nai/titor/a legal do/a menor

    - Tarxeta sanitaria

    - Informe médico (de ser o caso)

    - Xustificante de pagamento (*)

  (*) O pagamento realizarase nas seguintes contas bancarias e o xustificante entregarase no Concello:

Banco Pastor : ES26 0238 8191 8806 6000 1061
ABANCA: ES92 2080 0326 1731 1000 0035

Importe:

    - 100 € por persoa

    - 75 €//2º fillo

    - 50 €/3º fillo

Attachments:

Campamento de Verán.png	[ ]	183 kB
Ficha de inscrición	[ ]	76 kB

Detalles

Escrito por Alicentis

Categoría: Deportes

Published: 31 Mai 2018

Visitas: 1551

A Deputación da Coruña vén de abrir o prazo de inscrición para participar nos Campamentos Deportivos de Verán 2018. Están dirixidos a rapaces e rapazas de entre 9 e 14 anos e celebraranse nas instalacións do Centro Calvo Sotelo, na Coruña. Ao Concello da Baña concedéronlle 3 prazas na quenda que vai do 15 ao 20 de xullo. As inscricións están abertas ata o 15 de xuño na casa do concello.

CAMPAMENTOS DEPORTIVOS DE VERÁN 2018

• Lugar: Instalacións do centro Calvo Sotelo, rúa Archer Milton Huntington, 24, A Coruña.
• Datas: do 15 ao 20 de xullo de 2018
• Destinatarios: rapaces/as de entre 9 e 14 anos, cumpridos no presente ano
• Actividades: actividades náuticas, equitación, tenis, sendeirismo, así como a práctica do fútbol, tenis, voleipraia, baloncesto, aeróbic, baile… e doutras actividades culturais, veladas nocturnas; realizaranse actividades e xogos que teñan elementos que fomenten a comunicación, o intercambio de experiencias, a convivencia e o respecto polos demais; visitas a centros de interese cultural na comarca e na cidade da Coruña.
• Prezo: 85 €
• Inclúe: transporte interno, estadía e manutención en residencia e todo gasto que ocasionen as actividades programadas
• Núm. de prazas: 3 (*)

(*)Teñen preferencia os/as rapaces/as que non participasen no campamento deportivo da Deputación en edicións anteriores. O Concello realizará un sorteo público diante do secretario, despois de rematar o prazo de inscrición, no caso de ter máis solicitudes que prazas asignadas pola Deputación.

• Inscrición: no Concello da Baña ata o 15 de xuño de 2018
• Información: https://www.dacoruna.gal/deportes
• Documentación que se entregará:

1. A ficha de inscrición debidamente cuberta e asinada polos pais ou titores do solicitante.
2. Unha foto tipo carné.
3. A fotocopia da tarxeta sanitaria.
4. A fotocopia do libro de familia ou carné de identidade.
5. A copia de aboamento da cota de inscrición (Posterior á confirmación da praza por parte do concello).
6. No suposto de que a/o nena/o necesitase ter un tratamento específico ou tivese unha doenza que se deba ter en conta, o xustificante médico asinado polo facultativo pertinente. IMPORTANTE facer constar as alerxias alimentarias ou de calquera outro tipo.

Organiza: Deputación Provincial da Coruña

Colabora: Concello da Baña

Attachments:

Tríptico e Ficha de Inscrición Campamentos deportivos 2018.pdf

[ ]

648 kB