- Detalles
- Escrito por Alicentis
- Categoría: Deportes
- Visitas: 1217
A Deputación da Coruña vén de abrir o prazo de inscrición para participar nos Campamentos Deportivos de Verán 2018. Están dirixidos a rapaces e rapazas de entre 9 e 14 anos e celebraranse nas instalacións do Centro Calvo Sotelo, na Coruña. Ao Concello da Baña concedéronlle 3 prazas na quenda que vai do 15 ao 20 de xullo. As inscricións están abertas ata o 15 de xuño na casa do concello.
CAMPAMENTOS DEPORTIVOS DE VERÁN 2018
- Lugar: Instalacións do centro Calvo Sotelo, rúa Archer Milton Huntington, 24, A Coruña.
- Datas: do 15 ao 20 de xullo de 2018
- Destinatarios: rapaces/as de entre 9 e 14 anos, cumpridos no presente ano
- Actividades: actividades náuticas, equitación, tenis, sendeirismo, así como a práctica do fútbol, tenis, voleipraia, baloncesto, aeróbic, baile… e doutras actividades culturais, veladas nocturnas; realizaranse actividades e xogos que teñan elementos que fomenten a comunicación, o intercambio de experiencias, a convivencia e o respecto polos demais; visitas a centros de interese cultural na comarca e na cidade da Coruña.
- Prezo: 85 €
- Inclúe: transporte interno, estadía e manutención en residencia e todo gasto que ocasionen as actividades programadas
- Núm. de prazas: 3 (*)
(*)Teñen preferencia os/as rapaces/as que non participasen no campamento deportivo da Deputación en edicións anteriores. O Concello realizará un sorteo público diante do secretario, despois de rematar o prazo de inscrición, no caso de ter máis solicitudes que prazas asignadas pola Deputación.
- Inscrición: no Concello da Baña ata o 15 de xuño de 2018
- Información: https://www.dacoruna.gal/deportes
- Documentación que se entregará:
- A ficha de inscrición debidamente cuberta e asinada polos pais ou titores do solicitante.
- Unha foto tipo carné.
- A fotocopia da tarxeta sanitaria.
- A fotocopia do libro de familia ou carné de identidade.
- A copia de aboamento da cota de inscrición (Posterior á confirmación da praza por parte do concello).
- No suposto de que a/o nena/o necesitase ter un tratamento específico ou tivese unha doenza que se deba ter en conta, o xustificante médico asinado polo facultativo pertinente. IMPORTANTE facer constar as alerxias alimentarias ou de calquera outro tipo.
Organiza: Deputación Provincial da Coruña
Colabora: Concello da Baña
 Tríptico e Ficha de Inscrición Campamentos deportivos 2018.pdf | [ ] | 648 kB |
- Detalles
- Escrito por Alicentis
- Categoría: Deportes
- Visitas: 1785
A Baña celebra o Día do Deporte o vindeiro sábado 19 de maio, un evento participativo e non competitivo que vai dirixido a persoas de todas as idades. Dende as dez da mañá e ata as oito da tarde, a Praza do Concello e as rúas do centro de San Vicenzo concentrarán unha ampla oferta de actividades que van dende o baloncesto ou o fútbol sala ata os xogos tradicionais, pasando polos deportes de raqueta ou un circuíto funcional, entre outras. O obxectivo da xornada, organizada pola Concellaría de Xuventude e Deportes da Baña, é fomentar a práctica do deporte e dar a coñecer todo tipo de disciplinas.
O Día do Deporte está pensado para o goce de toda a familia: haberá actividades para nenos e nenas, outras para adultos e outras dirixidas a deportistas de calquera idade. Todas elas estarán coordinadas por monitores especializados. Ademais, os participantes contarán cun carné ou pasaporte que deberán ir selando para obter un agasallo.
A oferta da mañá inclúe torneos de baloncesto, probas de atletismo, circuíto de patinaxe, tiro con arco e xogos tradicionais. Xa pola tarde, celebraranse os torneos de fútbol sala 3x3 e os deportes de raqueta, como pádel/tenis, bádminton e tenis de mesa. Ademais, tanto pola mañá como pola tarde poderase realizar o circuíto funcional ou cross training e tomar clases de step, jumping, zumba ou pilates.
Para participar nos torneos, tanto de baloncesto como de fútbol sala, é preciso inscribirse media hora antes do seu inicio no punto de información que estará fronte á casa do concello. En fútbol sala distribuiranse os partidos por idades: para maiores de 16 anos e, entre os menores de 16, por grupos de idade.
HORARIOS
MAÑÁ
ZONA TORNEOS BALONCESTO:
10:00 - 14:00 torneo baloncesto. 2 campos ao tempo (PREMINIS e MINIS)
ZONA ATLETISMO: 11:00 -13.00 ATLETISMO (Carreiras, saltos, lonxitude, lanzamentos, etc)
ZONA PATINAXE: 12:00 - 14:00 Circuíto de patinaxe
CIRCUÍTO FUNCIONAL: 11:30 14:00
ZONA TIRO CON ARCO: 11:30-14:00
ZONA ACTIVIDADES DIRIXIDAS:
11:30-12:10 clase step
12:10-12:40 jumping
12:40-13:10 clase zumba
13:10 -13:40 pilates
XOGOS TRADICIONAIS: 11:30 14:00
TARDE
ZONA FUTSAL:
16:30 – 20:00 Torneo fútbol 3 por 3.
2 categorías (de 6 a 9 anos e de 10 a 12 anos)
ZONA ACTIVIDADES DIRIXIDAS:
17:00-17:30 clase step
17:30-18:00 jumping
18:00-18:30 clase zumba
18:30-19:00 pilates
ZONA DEPORTES RAQUETA:
17:00-19:30 Pádel/tenis, bádminton, tenis mesa.
CIRCUÍTO FUNCIONAL: 17:00-20:00
- Detalles
- Escrito por Alicentis
- Categoría: Deportes
- Visitas: 1312
Os equipos do CPI A Baña acadaron unha boa clasificación na concentración de tenis de mesa que se celebrou o sábado 3 de marzo nas instalacións do CPI San Vicenzo. O equipo infantil masculino quedou primeiro na súa categoría, mentres que en benxamín mixto, conseguiron a segunda e terceira praza.
Neste encontro participaron 30 equipos dos colexios e concellos da Baña, Cee, Mazaricos, Vimianzo, Zas, Noia, Outes e Santa Comba. En total foron 70 deportistas os que competiron durante toda a tarde.
O próximo encontro celebrarase na Picota (Mazaricos) o vindeiro 7 de abril, tamén pola tarde. A fase intercomarcal será en Zas o 28 de abril e, con toda probabilidade, o 12 de maio celebrarse o campionato provincial escolar de tenis de mesa.
As clasificacións da concentración da Baña foron as seguintes:
Benxamín mixto: Cee, A Baña ‘A’, A Baña ‘B’
Alevín feminino: Zas, Mazaricos, Vimianzo, A Baña
Alevín masculino: Zas, Vimianzo, A Baña ‘A’, Cee, A Baña ‘C’, A Baña ‘B’
Infantil masculino: A Baña, Vimianzo ‘A’, Outes, Vimianzo ‘B’
Cadete masculino: Zas, Mazaricos, Liceo ‘B’, Liceo ‘A’, Outes
Infantil feminino-Cadete feminino: Zas ‘A’, Zas ‘B’, A Baña cadete, A Baña infantil
Podes ver o album de fotos no facebook do Concello, neste enlace
- Detalles
- Escrito por Alicentis
- Categoría: Deportes
- Visitas: 1510
Fomentar a práctica do deporte e dar a coñecer todo tipo de disciplinas e actividades deportivas. Estes son os principais obxectivos do Día do Deporte, que se celebrará o vindeiro sábado 19 de maio. A xornada desenvolverase entre as dez da mañá e as oito e media da tarde na Praza do Concello da Baña e nas rúas do centro de San Vicenzo.
O Día do Deporte está pensado para o goce de toda a familia: haberá actividades para nenos e nenas, outras para adultos e outras dirixidas a deportistas de calquera idade. Todas elas estarán coordinadas por monitorado especializado.
A oferta inclúe torneos de fútbol sala 3x3 e baloncesto, deportes de raqueta —pádel/tenis, tenis de mesa e bádminton—, atletismo, xogos populares, tiro con arco e actividades dirixidas como zumba, jumping, step, funcional training e pilates.
HORARIOS
MAÑÁ
ZONA TORNEOS BALONCESTO:
10:00 - 14:00 torneo baloncesto. 2 campos ao tempo (PREMINIS e MINIS)
ZONA ATLETISMO: 11:00 -12.00 ATLETISMO (Carreiras, saltos, lonxitude, lanzamentos, etc)
ZONA PATINAXE: 12:00 - 13:00 Circuíto de patinaxe
ZONA CROSS TRAINING:
Circuíto: 11:30 13:00
ZONA TIRO CON ARCO: 12:00-13:30
ZONA ACTIVIDADES DIRIXIDAS:
11:00-11:30 clase zumba
11:30-12:10 clase step
12:10-12:40 jumping
12:40 -13:10 pilates
TARDE
ZONA FUTSAL:
17:00 – 20:30 Torneo fútbol 3 por 3.
2 categorias (de 6 a 9 anos e de 10 a 12 anos)
ZONA DEPORTES POPULARES.
ZONA ACTIVIDADES DIRIXIDAS:
17:30-18:00 clase zumba
18:00-18:30 clase step
18:30-19:00 jumping
19:00 -19:30 pilates
ZONA DEPORTES RAQUETA:
17:30-19:30 Deportes raqueta: Pádel/tenis, bádminton, tenis mesa.
ZONA CROSS TRAINING:
18:00-20:00 clase funcional-training
