- Detalles
- Escrito por Alicentis
- Categoría: Cultura e educación
- Visto: 843
Na Aula de Informática do Concello da Baña preparamos unha breve escolma de páxinas web nas que se ofrecen de xeito gratuíto pasatempos en liña e outras actividades entretidas para adultos.
-
ePasatiempos: https://www.epasatiempos.es/
Con sopas de letras, encrucillados, xogos das diferenzas, quebracabezas, sudokus, xogos de concentración...
Recomendamos hoxe este xogo de buscar diferenzas, no que poderedes traballar a memoria, a percepción e a atención: https://www.epasatiempos.es/buscar-diferencias.php
- Tarkus: https://www.tarkus.info/
Con crucigramas, autodefinidos e outros pasatempos en liña de balde.Para os/as máis maiores, atrevédevos con este xogo de lóxica: https://www.tarkus.info/logica/logica.php?logica=%20yTnpeTi2v1WpN2Tl2I/THC%20tISOhBk0V0bkPwUCo8k=
- Buscapalabras: https://buscapalabras.com.ar/
A través desta ligazón poderemos practicar a conxugación de verbos, buscar sinónimos e antónimos, buscar rimas...
Propoñémosche este xogo, baseado no clásico do aforcado: https://buscapalabras.com.ar/ahorcadito/
- ogalego.eu: https://www.ogalego.eu/
Elaborado por Vitoria Ogando e Anxo González, que recibiron en 2018 o premio Xoan Manuel Pintos ao Compromiso coa Lingua.
Aquí terás exames de ABAU de anteriores convocatorias, exercicios, cantigas populares, lecturas recomendadas por idades...
Para as persoas que estades a preparar a selectividade: https://www.ogalego.eu/exercicios_de_lingua/exercicios/linguagalega2bach.html
- Detalles
- Escrito por Alicentis
- Categoría: Cultura e educación
- Visto: 1263
O 23 de abril celebramos o Día do Libro. Este ano, como ben sabedes, é un ano especial por todo o que estamos vivindo. A celebración do Día do Libro será distinta a outros anos, non asistiremos a contacontos, non nos regalaremos libros, non faremos grupos de lectura...
Queremos propoñervos que fagades un muíño de vento, recordando o protagonista do noso libro más universal. O Quixote loitaba contra muíños de vento que el consideraba xigantes. Nós temos tamén un xigante contra o que loitar, pero a diferenza do Quixote imos vencer. O noso muíño vai ser símbolo de loita, de enerxía, de esperanza e de unión.
Propoñemos que vós, a veciñanza da Baña, fagades os vosos muíños de vento, que os poñades nas fiestras e nos mandedes fotos nas que aparezades con eles. Tamén podedes mandar as fotos dos muíños simplemente, como cada quen queira. As fotos recibidas publicaranse na páxina web do Concello da Baña.
Animádevos a participar.
As fotos realizadas podedes mandalas ao seguinte correo: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.
COMO FACER UN MUÍÑO DE VENTO
- Necesitamos tesoiras, cartolina (se non temos, un folio), unha palliña e un alfinete ou chatola.
- Cortamos un cadrado na cartolina de 10cm x 10cm
- Dobramos polas dúas diagonais
- Recortamos polas marcas que se fixeron ao dobrar as diagonais sen chegar do todo ao centro, deixando unha distancia de 1cm ao centro sen recortar.
- Unimos a primeira punta de cada triángulo co centro e atravesamos co alfinete ou chatola furando tamén a palliña por atrás.
Actualización. Enlace ao álbum de fotos #MuíñosDeEsperanza na Baña polo #DíaDoLibro:
https://www.facebook.com/pg/ConcellodaBana/photos/?tab=album&album_id=3471620256187801
 Como facer un muíño de vento en imaxes | [Como facer un muíño de vento en imaxes] | 135 kB |
| Pasos a seguir para facer un muíño de vento | [Pasos a seguir para facer un muíño de vento] | 96 kB |
- Detalles
- Escrito por Alicentis
- Categoría: Cultura e educación
- Visto: 1215
A Aula de Informática da Baña comparte unhas ligazóns útiles para que quen queira e poida siga practicando desde a casa informática e mecanografía. Esta listaxe inclúe propostas didácticas e xogos educativos online e gratuítos cos que poderemos mellorar as nosas habilidades ao teclado.
- aulaClic: Cursos de informática gratuítos online.
- AulaFacil: Cursos gratis online de idiomas, informática, Internet, manualidades, autoaxuda, emprsea, cociña, ciencia, saúde, beleza, bricolaxe, etc.
- Cursomeca: Curso de mecanografía gratis.
- Sense-lang: Programa gratis de mecanografía, con versión en español.
- FastFingers: Test de mecanografía para aumentar a túa velocidade ao teclado.
- ARTypist: Cursos de mecanografía e test de velocidade.
- Vedoque: Cursos e xogos educativos de mecanografía.
- Detalles
- Escrito por Alicentis
- Categoría: Cultura e educación
- Visto: 735
Seguindo co programa de actividades que está a desenvolver a Axencia de Lectura da Baña desde o inicio do estado de alarma, hoxe chega unha nova proposta: 'O libro de...', unha actividade á que invita a participar a toda a veciñanza. Trátase de construír entre todos e todas o relato colectivo desdes días de corentena, utilizando para iso as experiencias narradas polos veciños e veciñas e acompañadas, se se quere, de debuxos ou fotografías.
A idea é xuntar todas estas contribucións e darlles forma de libro. Unha vez que se recupere a normalidade, o volume ocupará un lugar especial na Axencia de Lectura.
Velaquí as indicacións de como participar:
O LIBRO DE...
O libro de Ana, o libro de Paula, o libro de Álvaro, de Laura..., o libro de cada un de vós.
Escribide o que queirades sobre vós, podedes centrarvos nestas últimas semanas de corentena e contarnos como estades a vivilas, como pasades os días, contando anécdotas e momentos curiosos, incluíndo debuxos, fotos, que cousas vos gustan menos e cales aceptades dun xeito más doado.
Podedes escribilo á man ou no ordenador se dispoñedes del. Suxerímosvos que empreguedes un tamaño DIN-A4, en horizontal e dobrado pola metade, pensade na forma dun libro collede tantos papeis como historias queirades contar e... mans á obra!
Cando todo isto acabe, e volvamos á normalidade, podemos darlle forma dende a Aula de Informática, ou dende a Axencia de Lectura, onde lles dedicaremos un lugar moi especial aos vosos escritos.
Animádevos a participar!
- Detalles
- Escrito por Alicentis
- Categoría: Cultura e educación
- Visto: 706
A Axencia de Lectura da Baña fai as súas propostas lúdico-educativas para estes días de confinamento, uns xogos de elaboración caseira e sinxela cos que poderemos manter a mente activa ao tempo que nos entretemos. As actividades baséanse en xogos clásicos e van dirixidas ás familias, dado que teñen un nivel de dificultade adaptado a todo tipo de persoas.
O dominó caseiro e o xogo de memoria memo-memo son as primeiras propostas. Están elaborados con materiais que están ao alcance de todos e todas e permítennos poñer en práctica as nosas dotes creativas durante o proceso de creación do xogo.
Podes descargar os tutoriais detallados de cada xogo nos arquivos adxuntos a esta nova.
Memo-memo
- Necesitamos cartolina, tesoiras, regra e lapis de cores.
- Recortamos pezas dunha cartolina dun tamaño aproximado de 6cm x 6cm. Facemos o mesmo debuxo cada dúas pezas. Tamén podemos baixar imaxes da Internet e inserilas nun documento.
- Despois, poñemos as pezas boca abaixo sobre unha mesa e imos destapando por quendas de dúas en dúas ata que logremos facer unha parella; se non facemos a parella, vólvense a poñer boca abaixo e intentámolo de novo cando chegue a nosa quenda.
- Gaña quen consegue facer máis parellas.
Dominó
- Necesitamos cartolina, tesoiras, regra, lapis de cores e 28 pezas de 8cm x 4cm recortadas na cartolina, coas que faremos as pezas do dominó.
- Podemos poñer os puntos tradicionais ou facelo con distintos debuxos que os máis pequenos e pequenas poidan pintar.
- Para iso colleremos seis debuxos distintos e faremos patróns como os do dominó numérico.
| Dominó caseiro | [Dominó caseiro] | 168 kB |
| Xogo de memoria | [Xogo de memoria] | 54 kB |