- Detalles
- Escrito por Alicentis
- Categoría: Cultura e educación
- Visitas: 730
Veciñas e veciños da Baña sumáronse onte á concentración para Romper coa espiral da violencia de xénero e animáronse a facerse fotos con carteis alusivos ao lema promovido polo Concello e en defensa das mulleres. O acto, previsto inicialmente na praza do concello, trasladouse ao centro social debido ao mal tempo.
Aquí, dende o alcalde, ata concelleiros e concelleiras da Corporación, veciños e veciñas fixéronse fotos diante do mural con mensaxes alusivos ao Día Internacional contra a Violencia de Xénero e que tiñan como nexo común o rexeitamento á normalizar a violencia contra as mulleres.
Un rotundo NON aos piropos ofensivos, aos insultos, á violencia psicolóxica, ao control desmesurado sobre as mulleres, aos desprezos, ás agresións física foron algunhas das mensaxes que se podían ler nos carteis. Todos os veciños e veciñas da Baña están en contra de normalizar a violencia contra as mulleres e así o manifestado neste acto promovido dende o Concello.
A actividade coincidiu con talleres para os máis novos e un magosto contra a violencia, que permitiu a todos os asistentes degustar castañas.
Coincidindo con esta celebración, Isabel Risco, Pedro Brandariz e Fran Rei representaron a obra de teatro ‘Falar sen cancelas’, que fixo rir a pequenos e maiores. A obra forma parte da Rede Cultural da Deputación.
Pódese ver un album de fotografías no facebook do Concello da Baña (preme neste enlace).
- Detalles
- Escrito por Alicentis
- Categoría: Cultura e educación
- Visitas: 840
O Concello da Baña celebrará este domingo o Día Mundial contra a Violencia de Xénero con actos para público de todas as idades no centro social e da terceira idade. Obradoiros para os máis novos, teatro, un magosto e un photocall contra a violencia de xénero desenvolveranse a partir das cinco da tarde.
O acto principal será unha concentración de quince minutos na praza do concello en repulsa contra a violencia de xénero na que participarán representantes da Corporación municipal e veciñanza a partir das 17.45 horas.
Antes do acto central desenvolveranse os obradoiros infantís (17.00 horas). A xornada rematará cun magosto que comezará ás sete da tarde. Os asistentes poderán degustar castañas e facerse fotografías no photocall contra a violencia de xénero.
Coincidindo con esta conmemoración, o Concello da Baña programou unha obra de teatro, dentro do programa da Rede Cultural da Deputación da Coruña. A partir das seis da tarde, Isabel Risco, Pedro Brandariz e Fran Rei representarán ‘Falar sen cancelas’.
- Detalles
- Escrito por Alicentis
- Categoría: Cultura e educación
- Visitas: 630
Os rapaces e rapazas da Baña gozaron, xunto cos seus familiares, do mago Pedro Bugarín que levou ata o centro social e da terceira idade o seu espectáculo ‘Mundo Máxico 3.0’, con motivo da celebración do Samaín. Unha actuación que estivo chea de risas e moito humor, na que non só xogaron os cativos e cativas senón que os seus pais e nais tamén foron os primeiros en animarse a participar. E é que ‘Mundo Máxico 3.0’ é un espectáculo versátil en clave de humor, no que a maxia xoga un papel moi importante, pero mesturada coas novas tecnoloxías.
A convocatoria superou as expectativas, xa que ademais do público do propio centro da terceira idade e as familias da Baña, tamén acudiu público de Negreira.
Para rematar a tarde nada mellor que unha merenda a base das tradicionais chulas de crema que, dado o éxito da convocatoria, apenas chegaron para repetir.
Esta actividade enmárcase no programa Ler conta Moito da Xunta de Galicia.
- Detalles
- Escrito por Alicentis
- Categoría: Cultura e educación
- Visitas: 922
Alcaldes, concelleiros ou representantes de entidades de sete países europeos asinaron esta mañá no pazo de Cores, na Baña, o documento de irmandamento polo que se comprometen a seguir estreitando vínculos para “avanzar na construcción da Europa dos cidadáns”. O Concello da Baña foi o municipio anfitrión e quen presentou o programa que foi aprobado pola Unión Europea coa finalidade de “unir pobos e cidades”, como recoñeceu na súa intervención o alcalde da Baña, Andrés García Cardeso, unha unión que, engadiu, servirá “tamén para erradicar a lacra da violencia de xénero”.
Nesta iniciativa participaron os concellos da Baña, Pinhel (Portugal), Fodachelli Fantina (Sicilia-Italia), Saint Vincent (Italia), Holloko (Hungría), Raunas (Letonia) e a Fundación of Pi Porlith (Lituania) e a Asociación Iran (Eslovaquia). No acto de onte estaban tamén presentes os alcaldes e alcaldesas de Santa Comba, Melide, A Laracha e Rodeiro, e concelleiros da Corua, Boqueixón, Negreira e Teo, a demáis da deputada provincial Mariel Padín.
A vicealcaldesa do concello de Pinhel, Daniela Capela, destacou na súa intervención en español e inglés “a importancia de que a globalización non sexa só económica, senón tamén das persoas, para o que é preciso coñecernos todos un pouco máis”.
O programa Europa para os Cidadáns pretende reforzar os lazos culturais entre veciños de pozos e cidades europeas a través da convivencia e o coñecemento recíproco. É unha aposta decidida da Comisión Europea para unir pobos e establecer lazos de diálogo para a cooperación en materia de xuventude, cultura e economía. Dende o ano 2014 participaron neste programa os concellos galegos da Baña, A Laracha, Padrón, Curtis, Santa Comba e Dodro, convertendo a Galicia nunha das comunicades autónomas máis activas neste programa.
As delegacións dos seis países, que levan na Baña dende o pasado martes, día 13, e que marcharán mañá, domingo, visitaron o Parlamento de Galicia, a Dirección Xeral de Xuventude, a Deputación da Coruña, o Ézaro e Fisterra (en costa da Morte), A Coruña e Santiago.
Nas intervencións, varios dos participantes agradeceron o traballo realizado por Cristina Pazos e Rocío Fraga (redactoras do proxecto aprobado ao Concello da Baña), así coo de José Manuel Neira, un dos grandes promotores dos intercambios europeos da Dirección Xeral de Xuventude.
Ao remate do acto protocolario, as diferentes delegacións intercambiaron regalos institucionais de recordo e participaron nun xantar no que cada unha delas aportou pratos típicos dos seus país. As filloas da Pedra da Baña foron tamén protagonistas nesta ocasión, ao igual que As Pandeireteiras da Baña, que amenizaron o acto con música tradicional galega.
El proyecto «Intercultural coexistence, strength Europe» ha sido financiado por la Unión Europea en el marco del programa "Europa con los ciudadanos"
Album de toso no Facebook do Concello da Baña (preme neste enlace)
 El proyecto «Intercultural coexistence, strength Europe» ha sido financiado por | [El proyecto «Intercultural coexistence, strength Europe» ha sido financiado por la Unión Europea en el marco del programa "Europa con los ciudadanos"] | 85 kB |
- Detalles
- Escrito por Alicentis
- Categoría: Cultura e educación
- Visitas: 830
O mago Pedro Bugarín levará esta martes ata A Baña o seu espectáculo ‘Mundo Máxico 3.0’, co que pretende facer gozar a grandes e pequenos, sexa cal sexa a súa idade. Será a forma de celebrar o Samaín no centro social e da terceira idade da Baña a partir das 17.00 horas do día 30. E ao rematar, sobre as seis da t arde, todos os asistentes poderán degustar as tradicionais chulas de crema.
‘Mundo Máxico 3.0’ é un espectáculo versátil en clave de humor, na que a maxia xoga un papel moi importante, pero mesturada coas novas tecnoloxías. Pedro Bugarín mestura o máis místico da literatura clásica e o máis moderno das tecnoloxías nun espectáculo interactivo no que se require, en moitas ocasión, a participación do público.
Esta actividade enmárcase no programa Ler conta Moito da Xunta de Galicia.