- Detalles
- Escrito por Alicentis
- Categoría: Cultura e educación
- Visitas: 1069
Os máis novos e as máis novas da Baña gozaron onte co taller de intelixencia emocional e coas aventuras do Monstro de Cores, que Carla e Loreto lles foron contanto aos ‘Maimiños’, nenos e nenas menores de seis anos que, acompañados das súas nais, pais ou aboas, se achegaron ata a casa da cultura da Baña.
Primeiro puideron coñecer como funciona a biblioteca municipal, e houbo ata quen se fixo socio. Logo Patricia Torreira leulles varios contos, e, despois de merendar, todas e todos estiveron moi atentos ao que lles contaban Carla e Loreto, de Donde viven los cuentos. Pedagoga e psicóloga, as dúas utilizaron o conto de O monstro de cores “porque amosa a xestión das emocións”, unha actividade recomendada para toda a familia.
Estas actividades promovidas polo concello organizáronse para conmemorar a semana da Biblioteca (no caso das visita e os contacontos) e, e taller de intelixencia emocional co patrocinio do programa da Consellería de Educación Ler conta Moito. Así todos e todas puideron pasar unha tarde divertida.
- Detalles
- Escrito por Concello
- Categoría: Cultura e educación
- Visitas: 586
 Curso de pandeireta 2017.18.pdf | [ ] | 190 kB |
| FICHA DE INSCRICIÓN PANDEIRETA ADULTOS 2017.18.pdf | [ ] | 54 kB |
| FICHA DE INSCRICIÓN PANDEIRETA INFANTIL 2017.18.pdf | [ ] | 57 kB |
- Detalles
- Escrito por Alicentis
- Categoría: Cultura e educación
- Visitas: 703
O programa Redecinema 2018, chega á Baña coa proxección do filme Pérez, o ratiño dos teus soños, na Praza do Concello, o venres 28 de setembro ás 21.30 h. O Concello da Baña recibe esta actividade, impulsada desde a Secretaría Xeral de Política Lingüística, como entidade que participa na Rede de Dinamización Lingüística da Xunta de Galicia.
O filme Pérez, o ratiño dos teus soños está dirixido a un público familiar no que encadra perfectamente o formado pola comunidade de Apego. Resultou premiado cun Goya á mellor película de animación de 2006, foi a película galega de maior recadación en 2006 e tamén unha das máis vistas en todo o Estado.
Sinopse: Lucía e a súa familia axudarán o intrépido Ratiño Pérez a desbaratar os sinistros plans de Fugaz e Pipo, dous malvados ratos que desexan acabar con Pérez. Queren roubar os dentes de todos os nenos do mundo, convertelos en perlas e así facerse ricos.
- Detalles
- Escrito por Alicentis
- Categoría: Cultura e educación
- Visitas: 1123
A Escola Tradicional de Música da Baña ofertará neste curso 2018-2019 as especialidades de pandeireta, gaita e baile tradicional galego. As clases están destinadas a menores a partir de 6 anos e persoas adultas, e teñen un custe de 30€ por tempada/instrumento.
O curso comezará o martes 2 de outubro e as clases impartiranse no centro social e da terceira idade, os martes, cos seguintes horarios:
PANDEIRETA
de 18:30 a 19:30 h modalidade infantil
de 19:00 a 20:00 h iniciación adultos
de 20:00 a 21:00 h perfeccionamento
GAITA
de 17:30 a 18:30 h infantil
de 21:00 a 22:00 h adultos
BAILE TRADICIONAL GALEGO
de 19:30 a 20:30 h infantil
de 21:00 a 22:00 h adultos
Ademais, o ensaio dos grupos de gaita terá lugar os sábados.
As inscricións poden realizarse na concellería de Cultura ata o 28 de setembro. Para formar os grupos, será preciso que haxa un mínimo de 8 participantes en cada un deles.
- Detalles
- Escrito por Alicentis
- Categoría: Cultura e educación
- Visitas: 804
Ofértanse nove instrumentos, solfexo e unha materia de música e movemento para os máis pequenos | As clases comezan o luns 1 de outubro
A Escola Municipal de Música da Baña mantén aberto ata o 28 de setembro o prazo de inscrición para todas aquelas persoas que desexen formarse en materia instrumental. O prezo é de 20 euros ao mes por instrumento e hai descontos para familias. As clases comezarán o luns 1 de outubro.
Entre os instrumentos que se ofertan atópanse batería, saxofón, frauta, clarinete, trombón, trompeta, piano, guitarra e acordeón. Tamén se imparte a materia de música e movemento, que está dirixida a nenos e nenas de 3 a 6 anos. O solfexo está incluído con cada instrumento.
A inscrición deberá realizarse na concellería de Cultura antes do 28 de setembro de 2018. Os formularios para anotarse, así como a orde de domiciliación de recibos, están adxuntos nesta nova.
Máis información no teléfono 645 935 720 (Ramón).