8-06-2026
O Concello da Baña aproba a listaxe provisional de persoas admitidas e excluídas no proceso selectivo para a constitución dunha bolsa de persoal de apoio destinada á Escola Infantil Municipal, en réxime de persoal laboral temporal.
As persoas aspirantes que figuren como excluídas dispoñen dun prazo de dez días hábiles para emendar os defectos que motivaron a súa exclusión ou presentar as reclamacións que consideren oportunas.
A resolución completa coa relación provisional de aspirantes pode consultarse no taboleiro de anuncios da sede electrónica municipal, nesta ligazón, e no arquivo adxunto a esta nova.
19-5-2026
O Concello da Baña publicará nos próximos días no Boletín Oficial da Provincia da Coruña a convocatoria para a creación dunha bolsa de persoal temporal de apoio á Escola Infantil Municipal, unha necesidade derivada do cambio de categoría do Punto de Atención á Infancia (PAI) á actual Escola Infantil.
Co obxectivo de facilitar a preparación da documentación e do temario ás persoas interesadas en participar no proceso selectivo, o Concello adianta xa as bases e a convocatoria a través da sede electrónica municipal.
O sistema de selección será o de concurso-oposición e o prazo para presentar as instancias será de dez días hábiles contados a partir do día seguinte ao da publicación do anuncio da convocatoria no BOP da Coruña.
As persoas interesadas poden consultar toda a información na sede electrónica do Concello da Baña, nesta ligazón, e no arquivo adxunto a esta nova.
