- Detalles
- Escrito por Alicentis
- Categoría: Desenvolvemento local
- Visitas: 1846
Este venres, 27 de setembro, vai ter lugar unha reunión explicativa sobre a instalación dun parque eólico que afectará as parroquias de Lañas, Fiopáns e Monte. O encontro terá lugar no local social de Lañas ás 21.00 horas. Green Capital Power será a empresa encargada de xestionar o tema, dar toda a información pertinente e contestar as preguntas que puidesen xurdir.
- Detalles
- Escrito por Alicentis
- Categoría: Desenvolvemento local
- Visitas: 1425
A Consellería de Educación, Universidade e Formación Profesional convoca cursos de linguaxe administrativa (presenciais e en liña) e cursos preparatorios do Celga nas escolas oficiais de idiomas de Galicia.
Os cursos impartiranse entre outubro de 2019 e maio de 2020 en horario de mañá, ou de tarde.
O prazo para presentar as solicitudes abrangue desde o día 2 ata o 11 de setembro de 2019, para os cursos do primeiro cuadrimestre (outubro-xaneiro); e desde o 30 de decembro de 2019 ata o 10 de xaneiro de 2020, para os cursos do segundo cuadrimestre (febreiro-maio).
A continuación atópase a resolución do Diario Oficial de Galicia que recolle a convocatoria dos devanditos cursos.
 DOG-Cursos-linguaxe-administrativo-celga | [ ] | 532 kB |
- Detalles
- Escrito por Alicentis
- Categoría: Desenvolvemento local
- Visitas: 3100
-
Con 60 horas de duración, desenvolverase de luns a venres de 09.00 a 14.00 horas
A Oficina Municipal de Información Xuvenil (OMIX) da Baña organiza un curso gratuíto de fotografía dirixido a mozos e mozas de 14 a 30 anos de idade. Baixo o titulo ‘A Baña dixital’, os asistentes recibirán formación básica sobre fotografía, as cámaras estenopeicas, a reportaxe fotográfica e a toma e montaxe de vídeo.
O curso terá 60 horas de duración e desenvolverase de luns a venres de 09.00 a 14.00 horas. Promovido polo Concello da Baña en colaboración coa Consellería de Política Social da Xunta, os interesados deberán inscribirse na Axencia de Desenvolvemento Local da Baña, nos teléfonos 981 886 777 ou 682 859 367.
- Detalles
- Escrito por Alicentis
- Categoría: Desenvolvemento local
- Visitas: 2014
O Concello da Baña organiza o vindeiro 2 de outubro un curso de formación sobre a Sede electrónica do municipio. Neste taller ensinaráselles aos participantes o funcionamento desta páxina web na que se pode solicitar subvencións, pedir licenzas, consultar e facer xestións durante as 24 horas do día coas diferentes administracións públicas e dente calquera dispositivo (ordenador, tablet ou teléfono).
A participación é gratuíta e celebrarase o día 2 de outubro (mércores), de 10.00 a 12.00 horas nas dependencias municipais.
Podes pedir máis información e inscribirte nas dependencias municipais ou nos teléfonos 981 886 777 e 682 859 367.
- Detalles
- Escrito por Alicentis
- Categoría: Desenvolvemento local
- Visitas: 1548
O Concello da Baña promove unha charla sobre a transformación de alimentos e o sacrificio de animais, principalmente aves e coellos, das granxas familiares. O evento, que garda relación coa creación de dous iniciativas colaborativas no centro comercial de Montebalado en Brión, celebrarase o xoves 27 de xuño ás 10.30 horas nas escolas vellas da Baña.
Recentemente creáronse dous espazos colaborativos no centro comercial de Montebalado: un para a transformación de alimentos, como unha cociña para zumes, conservas con vexetais e froitas ou para facilitar a elaboración de masas con cereais; e o outro como matadoiro móbil para aves e coellos das granxas familiares. Para que as persoas interesadas dos arredores poidan darlle uso a estes dous servizos, o concello da Baña organiza esta charla que informará sobre os dous proxectos.
O evento informativo terá unha duración aproximada dunha hora e estará dirixido por membros da asociación Daquidarredor. Pódese obter máis información no departamento de desenvolvemento local do concello da Baña e nos teléfonos 981 886 777 e 682 859 367.