- Detalles
- Escrito por Alicentis
- Categoría: Desenvolvemento local
- Visto: 2215
-
Con 60 horas de duración, desenvolverase de luns a venres de 09.00 a 14.00 horas
A Oficina Municipal de Información Xuvenil (OMIX) da Baña organiza un curso gratuíto de fotografía dirixido a mozos e mozas de 14 a 30 anos de idade. Baixo o titulo ‘A Baña dixital’, os asistentes recibirán formación básica sobre fotografía, as cámaras estenopeicas, a reportaxe fotográfica e a toma e montaxe de vídeo.
O curso terá 60 horas de duración e desenvolverase de luns a venres de 09.00 a 14.00 horas. Promovido polo Concello da Baña en colaboración coa Consellería de Política Social da Xunta, os interesados deberán inscribirse na Axencia de Desenvolvemento Local da Baña, nos teléfonos 981 886 777 ou 682 859 367.
- Detalles
- Escrito por Alicentis
- Categoría: Desenvolvemento local
- Visto: 932
O Concello da Baña promove unha charla sobre a transformación de alimentos e o sacrificio de animais, principalmente aves e coellos, das granxas familiares. O evento, que garda relación coa creación de dous iniciativas colaborativas no centro comercial de Montebalado en Brión, celebrarase o xoves 27 de xuño ás 10.30 horas nas escolas vellas da Baña.
Recentemente creáronse dous espazos colaborativos no centro comercial de Montebalado: un para a transformación de alimentos, como unha cociña para zumes, conservas con vexetais e froitas ou para facilitar a elaboración de masas con cereais; e o outro como matadoiro móbil para aves e coellos das granxas familiares. Para que as persoas interesadas dos arredores poidan darlle uso a estes dous servizos, o concello da Baña organiza esta charla que informará sobre os dous proxectos.
O evento informativo terá unha duración aproximada dunha hora e estará dirixido por membros da asociación Daquidarredor. Pódese obter máis información no departamento de desenvolvemento local do concello da Baña e nos teléfonos 981 886 777 e 682 859 367.
- Detalles
- Escrito por Alicentis
- Categoría: Desenvolvemento local
- Visto: 945
A Xunta de Galicia convoca un total de 700 prazas para participar no programa de Benestar en balnearios. Esta acción está destinada a persoas de máis de 60 anos, ou de 55 que reúnan a condición de pensionista do sistema da Seguridade Social. O programa inclúe estadía, aloxamento, manutención en réxime de pensión completa, tratamentos termais, actividades de animación sociocultural e unha póliza colectiva de seguro turístico. As solicitudes presentaranse preferiblemente por vía electrónica antes do día 3 de maio.
O programa de Benestar en balnearios dirixido a nauires de 60 ofrece 700 prazas para a estancia de 10 días e 9 noites en algún dos 14 centros termais que forman parte da iniciativa. As persoas beneficiarias do programa serán aquelas que superen os 60 anos, ou os 55 se son pensionista, que estean empadroadas nalgún concello galego, que non padezan alteracións do comportamento que podan afectar á normal convivencia e que carezan de contraindicación médica para a recepción dos tratamentos termais.
Os servizos e prestacións inclúen estadía durante algún dos periodos ofertados polos balnearios repartidos por toda Galicia, aloxamento, manutención en réxime de pensión completa, tratamentos termais, programas de actividades socioculturais e póliza colectiva de seguro turístico
O prazo de presentación de solicitudes é ata o día 2 de maio e a adxudicación de prazas terase en conta un baremo no que se teñen en conta a idade e os ingresos económicos dos solicitantes.
As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal, e para a súa tramitación, haberá que presentar a documentación que se especifica no documento que se adxunta ao pe de páxina. No documento tamén aparece a oferta de centros termais e as quendas das estancias.
 Programa_Completo_Benestar_Balnearios.pdf | [ ] | 375 kB |
- Detalles
- Escrito por Alicentis
- Categoría: Desenvolvemento local
- Visto: 967
A Baña é un dos vinte concellos que se beneficiará dunha subvención da Unión Europea (UE) de 15.000 euros para instalar wifi gratuíta en espazos públicos dentro do programa marco Wifi4EU (Wifi para la UE). Esta iniciativa de Bruselas vai beneficiar a uns 3.400 concellos en toda a Unión Europea, dos que 510 son españois. Os municipios que participan neste programa deberán poñer conexións wifi de alta velocidade en espazos públicos como prazas, bibliotecas, centros de saúde ou locais sociais.
O Concello da Baña disporá de 18 meses para definir o seu proxecto e seleccionar a compañía que se encargará da instalación, ademais de elixir o operador que prestará este servizo durante tres anos cunha velocidade mínima de 300 megas. O Concello deberá asumir os custos de mantemento.
Na contorna de Santiago, ademáis da Baña, tamén foron seleccionados os concellos de Ordes, Porto do Son, Ribeira, Vedra e Vimianzo.
Esta semana, a Comisión Europea anunciou o nome dun total de 3.400 municipios europeos (510 en España) que recibirán estas subvencións, que se enmarcan dentro do programa Wifi4 EU (Wifi para a UE, en inglés), co que a UE quere apoiar a instalación de conexións de alta velocidade para entre 6.000 e 8.000 municipios en todo o bloque comunitario, grazas a un orzamento que rolda os 120 millóns de euros para o período 2018-2020.
A convocatoria para solicitar estas axudas estivo aberta apenas dous días (do 4 ao 5 de abril) e responderon á chamada ao redor de 10.000 concellos. Segundo Bruxelas, o 98 % dos municipios presentaron a súa solicitude no primeiro minuto tras a apertura da convocatoria, na que se reparten os bonos por orde de inscrición.
España sitúase, xunto a Italia e Francia, á cabeza dos países onde máis concellos beneficiaranse da segunda convocatoria deste tipo de axudas que convoca. Nos tres casos contan con 510 localidades seleccionadas, o que supón un 15 % para cada un do orzamento previsto para esta convocatoria, que é o teito que fixan as normas. Bruxelas aínda convocará outras dúas licitacións de aquí a que conclúa o proxecto, unha delas antes de que acabe este ano.
- Detalles
- Escrito por Alicentis
- Categoría: Desenvolvemento local
- Visto: 1108
O Obradorio de Emprego Xallas-Barcala-Dubra V, promovido polo Concello de Santa Comba en colaboración cos Concellos da Baña, Negreira e Val do Dubra, interveu no municipio bañense para limpar, desbrozar, sanear e repoboar a finca da Airoa. Con esta e con outras actividades, o taller promove a ocupabilidade de dezaseis alumnos traballadores da comarca que conseguen cualificación profesional e adquiren experiencia laboral mediante a realización de obras e prestación de servizos de utilidade pública, ou interese social.
O obxectivo da intervención na Baña consistiu na limpeza, desbroce, saneamento e repobación na finca Airoa, cun alcance que abarcou máis de 5.000 metros cadrados de superficie. A actuación desenvolveuse en catro fases: a eliminación do residuo acumulado dentro da área de actuación que impedía a limpeza e acondicionamento da mesma, o desbroce de vexetación (toxos, silvas, fentos, pequenas arbores e arbustos) que en case todo o espazo superaba os 2 metros de altura, a tala de varias unidades de eucaliptos que impedían o acceso ás zonas de desbroce, o movemento de terra para acondicionar o terreo e por último, a repobación de especies autóctonas na área periférica á mesma.
A axilidade na execución da execución, estivo favorecida polas condicións climatolóxicas deste inverno e pola colaboración de todos os entes implicados que cederon a maquinaria pesada necesaria para facer o movemento de terras, e o desbroce mecánico. Tamén hai que salientar a colaboración de todos os entes implicados, así como a motivación do alumnado-traballador.