- Detalles
- Escrito por Alicentis
- Categoría: novas
- Visto: 315
-
Unha unidade móbil instalarase diante do pavillón polideportivo do 19 ao 21 de outubro
-
As persoas interesadas deben concertar cita previa nos teléfonos 622 748 283 ou 623 546 992
Coidados porta a porta, programa da Xunta de Galicia que presta asistencia ás persoas maiores do rural coa fin de previr a dependencia, prestará os seus servizos na Baña a principios de setembro. Desde o martes 18 ata o venres 21 unha unidade móbil instalarase diante do pavillón polideportivo para desenvolver exercicios de estimulación da memoria e coidados de podoloxía e audioloxía. Para asegurar que a veciñanza coñeza os detalles deste servizo o alcalde, Andrés García Cardeso, dirixiu unha carta informativa a todos os habitantes maiores de 55 anos.
Coidados porta a porta percorre os concellos do rural galego para achegarse ás persoas maiores na súa contorna e ofrecerlles tres tipos de servizos: estimulación da memoria, podoloxía e audoloxía. A actuación no ámbito da estimulación da memoria busca retrasar e aminorar o proceso de deterioro cognitivo e céntrase nos ámbitos cognitivo e funcional vencellándoos a hábitos de vida saudables e a promoción do envellecemento activo como xeito de evitar a dependencia.
No servizo de podoloxía, os profesionais valorarán o estado xeral do pé das persoas usuarias, ademais de cortarlles e limparlles as unllas e eliminar durezas, calosidades e helomas. Por último, os maiores poderán someterse a unha exploración gratuíta do oído para comprar os seus niveis de audición e frear a perda auditiva.
Para poder gozar destes servizos, as persoas interesadas deberán concertar cita previa chamando aos teléfonos 622 748 283 ou 623 546 992. Tamén se pode obter máis información no enderezo electrónico Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..
- Detalles
- Escrito por Alicentis
- Categoría: novas
- Visto: 303
-
Poden participar nenos e nenas empadroados na Baña de 3 a 14 anos //
-
É preciso anotarse antes das 15.00 horas deste sábado 3 de setembro, chamando ao teléfono 626 80 06 73 ou enviando un wasthapp //
O Concello da Baña vén de abrir as inscricións para o programa de conciliación que se desenvolverá os días 5, 6 e 7 de setembro, de 8.30 a 14.30 horas. Está dirixido a nenos e nenas de 3 a 14 anos empadroados na Baña. O programa levarase a cabo na Axencia de Lectura, en horario de 8.30 a 14.30 horas. As prazas son limitadas e concederanse por orde de inscrición.
As familias que desexen facer uso deste programa deberán formalizar a súa inscrición ata ás 15.00 horas deste sábado, 3 de setembro, chamando ao teléfono 626 80 06 73 ou enviando un wasthapp ao devandito número. Na mensaxe deberá figurar o nome e apelido da nena ou do neno que vai participar, a idade e o horario elixido.
- Detalles
- Escrito por Alicentis
- Categoría: novas
- Visto: 503
-
A DOG publicou o luns o anuncio de exposición pública do proxecto da liña de evacuación de 220 Kv entre Mazaricos e Santiago
-
O proxecto da empresa Villar Mir Energía está en proceso de exposición pública e poderán presentarse suxestións ata o 4 de outubro
-
A veciñanza da Baña pode consultar cos técnicos municipais as súas dúbidas e recibir asesoramento
O Concello da Baña está a traballar na elaboración dun modelo tipo de alegación para que aquelas persoas que o consideren necesario poidan presentar suxestións ou alegar contra o proxecto de construción da liña aero-subterránea de alta tensión de 220 Kv que servirá de evacuación ao parque eólico da Picota e que chegará ata Santiago, pasando polos municipios de Mazaricos, A Baña, Negreira, Ames e Santiago. O prazo para presentar alegacións remata o 4 de outubro (30 días naturais dende o 23 de agosto).
O DOG publicou o pasado luns, día 22, o anuncio de exposición pública da construción, estudio de impacto ambiental e o proxecto de interese autonómico do proxecto desta liña de evacuación entre o parque eólico da Picota e Santiago de Compostela, que solicitou a empresa Villar Mir Energía, que ten un orzamento de execución material de 9 millóns de euros e un prazo de execución de 15 meses. No DOG aparece publicada a relación de bens e dereitos afectados por esta liña de alta tensión.
Nada máis ter noticia deste proceso de exposición pública, o equipo de goberno da Baña encargoulle aos técnicos e asesores municipais que elaboren un documento tipo de alegación que lle poida servir de orientación á veciñanza que desexe presentar alegacións durante este proceso. Segundo informou o tenente de alcalde, César Ramos, o Concello agarda ter este documento listo “na primeira semana de setembro”.
Así mesmo, os técnicos municipais atenderán as persoas que desexen obter máis información sobre este procedemento e recibir asesoramento sobre a forma de presentar alegacións.
As persoas interesadas poden consultar a documentación sobre este proxecto no propio Concello da Baña ou nas dependencias da sección de Enerxía da Xefatura Territorial da Coruña da Vicepresidencia Primeira e Consellería de Economía, Industria e Innovación (rúa Vicente Ferrer, núm. 2, 2º andar, 15071 A Coruña, teléfonos 981 18 49 83 e 18 49 17), de luns a venres, das 9.00 as 14.00 horas
Toda a documentación relativa a este proceso de exposición pública tamén se pode consultar nos seguintes enlaces:
Publicación do anuncio no DOG:
https://www.xunta.gal/.../AnuncioV0653-090822-0001_gl.html
O proxecto técnico (xuño 2022-visado 30/06/2022):
http://descargas.xunta.es/c9f6aec2-6832-468b-903d-f836d46fc5a51660723782451
Plano xeral do proxecto:
http://descargas.xunta.es/a5f4091d-c226-41a5-80af-7e4ceeefc4811660723990870
Planos individuais dos predios afectados polo proxecto:
http://descargas.xunta.es/223b03ec-df6f-4891-b778-7ea78561b47a1660724742115
Planos parcelarios por Concellos:
http://descargas.xunta.es/4f3da3b3-03bc-408d-b9b9-98dfbdbb11631660724017760
Estudo de impacto ambiental (EIA) (xuño 2021-asdo. 08/07/2022):
http://descargas.xunta.es/4eb2e02c-ff5f-428a-9ef1-0de3efe966701660724905160
E o Estudo ambiental do proxecto da SET Colectora Nova (que se esta a tramitar noutro expediente con nº IN408A 2020/166):
http://descargas.xunta.es/84da220c-7079-4ad1-addb-96d32a6f446a1660724946369
O Proxecto de interese autonómico (PIA) (xuño 2022-visado 30/06/2022):
http://descargas.xunta.es/2195730b-455b-4cd8-9916-0249ba3c0bd81660727783824
- Detalles
- Escrito por Alicentis
- Categoría: novas
- Visto: 365
-
A actuación, que combina música e teatro, meteuse ao público no peto //
-
O programa de conciliación manterá a súa actividade ata este venres, 2 de setembro //
A área recreativa de Agra de Chans acolleu hoxe o espectáculo Cantaxoga, a cargo da compañía Millagas Teatro. A actuación, que combinou música e teatro, serviu de despedida dos campamentos de verán na Baña.
María Campos e Carlos Yus levaron aos nenos, ás nenas e aos maiores nun singular percorrido polas cancións dos discos Canta connosco! E pan de millo, a través de chiscos e sktechs cómicos. Como acompañamento tiveron unha peculiar banda de pulgas e a colaboración do propio público presente que non dubidou en viaxar con eles ao espazo, lembrar os ósos dos corpo, resolver adiviñanzas ou mesmo recrear animais. Todo elo cunha única finalidade: divertirse, soñar, aprender e poñer en valor a lingua e a música tradicional galegas.
O espectáculo foi organizado polo Concello da Baña, en colaboración coa Deputación da Coruña e enmárcase dentro do programa da Rede Cultural do organismo provincial.
O Concello da Baña lembra que o campamento de verán manterá a súas actividades ata este venres, 2 de setembro, día no que finalizará este programa de conciliación.
- Detalles
- Escrito por Alicentis
- Categoría: novas
- Visto: 472
-
As contas foron aprobadas por unanimidade nun Pleno extraordinario
-
O investimento en saneamento, abastecemento e melloras culturais, sociais e medioambientais supera o 30% do orzamento
-
O Concello solicitará máis de 234.000 € para gasto corrente con cargo ao POS + Adicional da Deputación
-
O martes de Entroido e o 8 de setembro, día da Virxe do Bo Suceso en San Vicenzo, serán festivos locais en 2023
O Pleno municipal da Baña aprobou onte, xoves 11 de agosto, por unanimidade, un orzamento para o exercicio 2022 que ascende a 4.430.000 euros. No Pleno extraordinario a Corporación deulle luz verde tamén á solicitude de 234.000 euros para gasto corrente con cargo ao POS + Adicional para este exercicio; e fixou os días festivos locais de que poderá gozar a veciñanza en 2023: o martes de Entroido e o 8 de setembro.
Os orzamentos, os primeiros que aproba o Concello da Baña desde 2017, fan unha especial incidencia na partida dedicada a servizos sociais, favorecendo deste xeito a atención á calidade de vida da cidadanía bañense. A desagregación por programas mostra unha previsión de gasto social de 1.205.007,14€, máis da cuarta parte do total. Mentres, o investimento real en diferentes actuacións de saneamento e abastecemento, así como en melloras culturais, sociais e medioambientais, supera o 30% do orzamento do Concello para o presente exercicio. O mantemento da rede viaria tamén é unha das partidas con maior incidencia orzamentaria, cunha asignación de 859.210,13.
Para Andrés García Cardeso, "este orzamento vai permitir que A Baña recupere o pulso despois da pandemia. Este é un presuposto real, adecuado ás necesidades que ten un concello rural coma o noso". Mirando cara ao futuro, o alcalde da Baña apuntou que a aprobación do orzamento de 2022 significará "unha catapulta para elaborarmos xa o de 2023 e recuperarmos a normalidade, que é tan necesaria para o desenvolvemento".
Pola súa banda, o portavoz do PSdeG, José Antonio Pereira, razoou o voto favorable do seu grupo en que, ao seu xuízo, as contas "son as mesmas que nós presentamos en 2021", coa variación de capítulos coma "os incrementos salariais de persoal e a seguridade social. O que antes non valía, agora vale", afirmou Pereira, que xustificou a aprobación asegurando que "a diferenza de vostedes nós queremos o mellor para os veciños, gobernemos nós ou gobernen vostedes". O alcalde agradeceu o apoio dos socialistas ás contas municipais, aínda que declarou que "a diferenza entre as contas que presentaron en 2021 e as actuais é abismal: dos 3.600.000€ de entón pasamos a 4.430.000€". Para García Cardeso, aquelas contas e estas "pode que se parezan na letra, pero os números non son os mesmos".
Nunha análise por capítulos, a partida de investimentos reais suma 1.340.039,21 (o 30,24% do total). Entre as actuacións previstas de maior calado atópanse a ampliación de equipamentos sociais no centro cívico de San Vicenzo (332.492,26€) ou o saneamento de Liñares-San Salvador (177.843,57€) e de Xaxoso-Castiñeira (46.238,70€). Tamén figuran nos presupostos as obras de pavimentación no Cruceiro-Canle-Paraxó, Cores-Lameiro, Trarroeira e Trasbarcala a límite con Negreira ou de Lañas e Fiopáns.
Por outra banda, os gastos correntes en bens e servizos consomen o 34,20% do total do orzamento, cun importe asignado de 1.514.161,3€. Mentres, os gastos de persoal ascenden a 1.258.699,40€, á espera do remate da elaboración e negociación da Relación de Postos de Traballo (RPT) que se está a realizar. Este feito podería afectar á execución deste capítulo.
O equipo de goberno elaborou uns orzamentos equilibrados e sen déficit inicial. As principais fontes de ingreso son as transferencias correntes doutras administracións, que con 2.244.960,33€ supoñen máis da metade do presuposto. Tamén teñen gran peso as transferencias de capital, calculadas en base ás subvencións solicitadas, que suman un 25% do orzamentado.
POS + Adicional
Na sesión de onte tamén se aprobou solicitar 234.000,72€ para financiar o gasto corrente municipal con cargo ao POS + Adicional 2/2022. Nesta segunda fase do plan, a Deputación provincial ten asignado ao Concello da Baña un total de 412.001,29€, polo que os 177.843,57€ restantes se destinarán ao saneamento de Liñares-San Salvador. A proposta foi aprobada cos votos favorables do grupo de goberno (PP e Compromiso) e co voto en contra dos catro edís do PSdeG.
Festivos locais
Por outra banda, o Pleno da Baña aprobou tamén por unanimidade fixar como festivos locais para o vindeiro ano 2023 o martes de Entroido e o 8 de setembro, día no que se celebra a Virxe do Bo Suceso na parroquia de San Vicenzo. Malia que é costume declarar como días non laborables o 22 de xaneiro (San Vicenzo) e o 9 de setembro (Virxe das Dores), dáse a circunstancia de que estas datas coinciden en fin de semana.