• A Consellería de Medio Ambiente concedeulle ao Concello unha subvención de 38.562,81 euros no marco do Plan de Recuperación, transformación e resiliencia financiado pola Unión Europea NextGenerationEU

O Concello da Baña está a punto de rematar as obras de sectorización da rede de abastecemento de auga potable que teñen por finalidade reducir a perda de auga potable na traída municipal. 

Estas obras realizáronse cunha achega da Consellería de Medio Ambiente e Cambio Climático de 38.562,81 euros concedida a través de Augas de Galicia. Esta subvención enmárcase na convocatoria, en réxime de concorrencia competitiva, publicada no DOG o 28 de marzo deste ano, destinada a concellos cunha poboación menor de 20.000 habitantes, para a execución de actuacións para minimizar as perdas de augas en concellos galegos no marco do Plan de Recuperación, transformación e resiliencia, financiado pola Unión Europea - NextGenerationEu.

Con estas actuacións o Concello da Baña presentou no mes de maio un proxecto para facer más eficiente a traída municipal e reducir a perda de auga.