- Detalles
- Escrito por Alicentis
- Categoría: Emprego e Desenvolvemento INICIO
- Visto: 948
O delegado territorial da Xunta, Ovidio Rodeiro, participou este venres na apertura do obradoiro de emprego de Santa Comba, compartido coa Baña, Negreira e Val do Dubra que oferta 20 prazas para formar 10 alumnos en Actividades Auxiliares en Conservación e Mellora de Montes e a outros 10 en Instalación de Elementos de Carpintaría. As accións que se levarán a cabo no concello da Baña inclúen o acondicionamento do terreo de Eiroa e a fabricación de revestimentos de madeira para os contedores de residuos.
Os participantes neste taller de formación e emprego dual poderán combinar un contrato de formación e aprendizaxe durante nove meses, cun contrato en prácticas, de como mínimo tres meses máis, nunha empresa emprazada no mesmo ámbito territorial e cunha actividade vinculada ás materias do obradoiro.
Concretamente, en conservación e mellora de montes levaranse a cabo limpezas e acondicionamentos en terreos municipais, zonas verdes, áreas recreativas, pistas deportivas, masas comúns, campos de fútbol e camiños en todos os concellos participantes. Pola súa banda, o Concello da Baña gozará do acondicionamento do terreo de Eiroa e o revestimento de madeira de contedores de residuos, entre outras accións.
Ovidio Rodeiro destacou que “o obxectivo é seguir formando os desempregados dos concellos galegos para incrementar as súas posibilidades de atopar un emprego, especialmente nos do rural, adaptando a oferta formativa ás súas demandas e necesidades de contratación das empresas da contorna”.
Na súa intervención lembrou que “na comarca de Santiago está prevista a realización dun total de 8 talleres dos cales 5 deles son de carácter ordinario, onde participarán alumnos e alumnas de calquera idade e 3 de garantía xuvenil, para mozos e mozas menores de 30 anos. Mediante estas iniciativas a Consellería de Economía, Emprego e Industria investirá en políticas activas de emprego na comarca máis de 2,1 millóns de euros. O obradoiro ‘Mellora2019’ conta cun orzamento de 336.000 euros.
Os obradoiros duais son os de Ordes, compartido con Mesía e Frades; o de Touro, compartido con Boqueixón e Vedra; o de Ames, compartido con Brión; o de Santa Comba, compartido con Negreira, A Baña e Val do Dubra e o de Santiago de Compostela. Pola súa banda, os obradoiros de garantía xuvenil impartiranse en Santiago de Compostela; en Rois compartido con Padrón e Dodro e en Val do Dubra compartido coa Baña, Santa Comba e Negreira.
Estes obradoiros permitirán que un total de 142 persoas desempregadas se formen nun oficio mentres realizan tarefas en beneficio de espazos e instalacións públicas. Os participantes recibirán un certificado de profesionalidade con validez en todo o Estado. A duración dos obradoiros xerais serán de 9 meses e os de garantía xuvenil de 6 meses.
O alcalde do Concello da Baña, José Antonio Pereira Gil, e o portavoz do Partido Popular, Andrés García Cardeso, estiveron presentes no acto de apertura do obradoiro de emprego.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 1261
O Concello da Baña acaba de aprazar a celebración do Feirón da Re-Volta, previsto para este domingo na carballeira do Seilán dende as 11.00 horas. O equipo de goberno e os técnicos municipais adoptaron esta decisión ante a previsión de choiva para esta fin de semana e a situación na que se atopa a propia carballeira despois das fortes choivas destes días.
Aínda que non chega a estar asolagado, o terreo da carballeira do Seilán e os arredores están moi húmidos polas últimas choivas, e ante a previsión de máis precipitacións para esta fin de semana, o equipo de goberno tomou a decisión de pospoñer para outra data a celebración da Re-volta, que quere recuperar a tradición das feiras que se celebraban na comarca a mediados do século pasado.
A data na que se celebrará a terceira edición da Re-Volta anunciarase proximamente.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 2594
20 de setembro de 2019
Fanse públicas as puntuacións totais da selección de participantes para as prazas de alumnado, equipa directiva e docente do obradoiro de emprego Xóvenes 2019 promovido polo Concello de Val do Dubra e conveniado cos concellos de Negreira, Santa Comba e A Baña.
O prazo de reclamacións será os días 23 e 24 de setembro, en calquera dos catro concellos participantes, de 9.00 a 14.00 horas.
Os documentos pódense consultar nos arquivos adxuntos.
18 de setembro de 2019
Faise público o resultado das entrevistas ao equipo directivo e docente do obradoiro de emprego Xóvenes 2019 promovido polo Concello de Val do Dubra e conveniado cos concellos de Negreira, Santa Comba e A Baña.
O documento pódese consultar no arquivo adxunto.
16 de setembro de 2019
Faise público o resultado da entrevista de preselección de alumnado para realizar o obradoiro de emprego Xóvenes 2019 promovido polo Concello de Val do Dubra e conveniado cos concellos de Negreira, Santa Comba e A Baña.
O documento pódese consultar no arquivo adxunto.
26 de agosto de 2019
A Consellería de Economía, Emprego e Industria da Xunta de Galicia concedeulles unha subvención aos concellos da Baña, Negreira, Santa Comba e Val do Dubra para a posta en marcha do Obradoiro de emprego “XÓVENES2019” para formar a 16 persoas durante seis meses.
Os módulos formativos que se van impartir son:
- Agricultura ecolóxica de nivel 2
- Animación físico-deportiva e recreativa de nivel 3
As persoas beneficiarias son xente moza de dezaoito ou máis anos que non superen a idade máxima que estableza a normativa no momento da selección do alumnado (trinta) inscritas e en situación de beneficiarias no ficheiro do Sistema nacional de garantía xuvenil no ámbito da CC.AA. de Galicia.
A sede do obradoiro estará no Concello de Val do Dubra, que actúa como concello promotor.
Os interesados en participar deberán mandar un mail á Oficina de Emprego Santiago-Norte (Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.) hoxe día 10 de setembro ou mañán 11 de setembro de 2019 dicindo que cumpren os requisitos e que queren participar no proceso de selección do obradoiro. As entrevistas terán lugar o venres 13 de setembro de 2019.
 20190916_Resultado_entrevista_obradoiro_'Xovenes2019' | [20190916_Resultado_entrevista_obradoiro_'Xovenes2019'] | 340 kB |
| 20190918_resultado_entrevista_equipo_docente_directivo | [20190918_resultado_entrevista_equipo_docente_directivo] | 377 kB |
| 20190920_puntuacions_provisionais_alumnado_oe_xovenes2019 | [20190920_puntuacions_provisionais_alumnado_oe_xovenes2019] | 651 kB |
| 20190920_puntuacions_provisionais_equipa_docente_oe_xovenes2019 | [20190920_puntuacions_provisionais_equipa_docente_oe_xovenes2019] | 1558 kB |
| 20190826_Bases_Obradoiro_Emprego_Xovenes2019 | [ ] | 1100 kB |
- Detalles
- Escrito por Alicentis
- Categoría: Emprego e Desenvolvemento INICIO
- Visto: 1773
A carballeira do Seilán acollerá o domingo 20 de outubro a terceira edición do Feirón e Romaría de Re-Volta, unha celebración coa que se quere recrear o ambiente das antigas romarías dos anos cincuenta do século pasado. Este ano a troula contará cun entorno renovado despois de que o Concello eliminara o antigo palco por petición popular. As actividades, que inclúen música, mercadiño, demostración de oficios, catas e propostas culturais, comezarán ás 11 da mañá, como nas edicións anteriores.
O evento está organizado polo Concello da Baña e conta coa colaboración coa Deputación da Coruña. Desde pola mañá haberá postos de venda e exposición de produtos de época, ademais de mostras de oficios. Durante a xornada haberá diferentes postos de comida típica galega e unha exposición fotográfica con imaxes antigas facilitadas pola veciñanza.
A música comeza xa ás 12 do mediodía, coa actuación da Requinta da Laxeira, agrupación de música tradicional que está a celebrar os seus 15 anos traballando para recuperar a requinta, instrumento característico da zona da Ulla. Pola tarde será o turno do Mago Teto e o seu espectáculo ‘O Afiador’, que a partir das 16.00 horas animará a tarde cos seus trucos. Ás 17.30 horas Os Campantes da Baña continuarán coa música para sacar a todos os veciños e veciñas a bailar ata que o corpo aguante.
- Detalles
- Escrito por Alicentis
- Categoría: Emprego e Desenvolvemento INICIO
- Visto: 1004
O Concello da Baña inaugurou hoxe o seu primeiro paso de vaca permanente apoiando así a iniciativa da Casa Grande de Xanceda que ten como obxectivo reivindicar a figura deste animal e da industria leiteira en Galicia, dado que son fundamentais para a riqueza e o emprego no rural, xunto coa figura da vaca como icona da nosa paisaxe. Ademais da Baña, hoxe tamén inauguraron pasos de vacas permanentes os concellos de Mazaricos, Mesía e Santa Comba, catro municipios fortemente relacionados co sector leiteiro, que amplían unha proposta que comezou o ano pasado no centro da Coruña.
O alcalde da Baña, José Antonio Pereira, asegurou na rolda de prensa realizada esta mañá que “o sector leiteiro achega riqueza e axuda a desenvolver o rural. Iniciativas como o paso de vaca son fundamentais para reivindicalo e poñelo en valor”. Na presentación de hoxe na Casa Grande de Xanceda, o alcalde de Santa Comba, David Barbeira, asegurou que iniciativas como esta son moi necesarias xa que axudan “a que o rural non sexa abandonado”. Para Juan Blanco, alcalde de Mazaricos, supón un honor ser dos primeiros concellos en sumarse ao paso de vaca e agarda que sexan moitos máis os que apoien esta iniciativa.
Galicia é a maior produtora de leite en España e está entre as 10 primeiras da Unión Europea. Con todo, actualmente atravesa momentos delicados debido á baixada dos prezos e do consumo de produtos lácteos. Polo tanto, segue sendo unha boa ocasión para defender o sector lácteo, a vaca e a súa relevancia en Galicia.
Dende Casa Grande de Xanceda queren seguir impulsando esta iniciativa que tanto éxito tivo no 2018 coa inauguración do primeiro paso de vaca permanente no centro da Coruña e da que se fixeron eco tanto medios nacionais como no resto de Europa e incluso en América, informan os promotores. Unha maneira de reivindicar o rural galego e o sector leiteiro, que segue atravesando unha situación preocupante con variacións de prezos e unha diminución constante do consumo de produtos lácteos, o que afecta ás máis de 8.000 familias galegas que viven del. Galicia sofre un gran despoboamento, situación que se estende por todo o territorio rural español. O paso de vaca é unha chamada de atención para que na nosa cesta da compra escollamos produtos locais, que son os que axudan a manter vivo o noso rural.
