- Detalles
- Escrito por Alicentis
- Categoría: axudas e subvencions
- Visto: 1232
-
Deberán estar inscritos no Sistema Nacional de Garantía Xuvenil
-
As achegas son de 400 euros para o permiso B e de 650 para o C
A partir do 14 de agosto e ata o 14 de setembro, mozas e mozos de Galicia poderán solicitar axudas para sacar o carné de conducir de coche ou de camión. A convocatoria, publicada no DOG do 13 de agosto (consulta aquí), conta cun orzamento total de máis de 761.000 euros e está destinada a facilitar a inserción laboral da mocidade.
As persoas que queiran optar a estar axudas teñen que cumprir os seguintes requisitos: ter máis de 18 anos, levar alomenos un ano de empadroamento en Galicia e estar inscritas no Sistema Nacional de Garantía Xuvenil figurando como beneficiarias na comunidade galega. Tamén teñen que figurar matriculadas nunha autoescola galega ou ter un permiso B ou C obtido entre o 1 de xaneiro de 2021 e a data de presentación da solicitude.
O importe da axuda será de 400 euros para a obtención do permiso de condución de clase B e de 650 euros para o permiso de clase C. Poden acumularse no caso de sacar os dous carnés.
As solicitudes presentaranse obrigatoriamente de xeito telemático na sede electrónica da Xunta e o código de procedemento é o BS321A.
- Detalles
- Escrito por Alicentis
- Categoría: axudas e subvencions
- Visto: 1516
-
Destinaranse aos investimentos que se fagan durante o presente ano 2021 en construcións, maquinaria ou equipos informáticos
A Deputación da Coruña vén de establecer, coa súa publicación no BOP, as bases reguladoras de dúas liñas de axudas dirixidas, por un lado, a asociacións agrarias, labregas, gandeiras, forestais e de cazadores, e polo outro, a entidades sen ánimo de lucro como asociacións profesionais, de veciños ou mulleres do rural, ademais de cámaras de comercio e organismos de carácter comercial e empresarial. O orzamento total para ámbolos programas é de 418.000 euros.
As subvencións cubrirán entre o 20% e o 80% dos investimentos que se fagan durante o ano 2021 en construcións, maquinaria e útiles ou equipos informáticos. Quedan fóra da convocatoria as páxinas web.
As maiores achegas, dotadas de 300.000 euros, destinaranse as asociacións sen ánimo de lucro, que poderán percibir un mínimo de 1.200 euros e un máximo de 28.000.
As subvencións para colectivos labregos e de cazadores acadan os 118.000 euros. Cada entidade poderá recibir entre 1.000 e 24.000 euros.
As solicitudes deberán presentarse de xeito telemático na sede electrónica da Deputación da Coruña a través da plataforma Subtel. O prazo de presentación de solicitudes determinarase no anuncio da convocatoria que se publicará no BOP.
As bases publicadas hoxe no BOP pódense consultar premendo nesta ligazón (asociacións gandeiras, labregas, agrarias, forestais e de cazadores) e nestoutra (entidades sen ánimo de lucro).
- Detalles
- Escrito por Alicentis
- Categoría: axudas e subvencions
- Visto: 2151
A Secretaría Xeral de Igualdade, xunto co Fondo Social Europeo, abre o prazo de solicitude de subvencións para apoiar o emprendemento feminino ao abeiro do programa Emega. Esta iniciativa está composta dun conxunto de axudas dirixidas a respaldar a posta en marcha, a mellora e a reactivación de iniciativas empresariais constituidas por mulleres, entre outra accións complementarias. O prazo de presentación de solicitudes para as 5 liñas de axuda que compoñen o programa remata o vindeiro luns 5 de agosto.
Deste xeito, o programa Emega comprende as seguintes líneas de axuda:
- Liña Emprende: liña de axudas económicas mediante incentivos para promover a posta en marcha de novas iniciativas empresariais e a creación de emprego feminino estable por conta propia e allea. (De 8.000 a 20.000 euros)
- Liña Innova: liña de axudas económicas mediante incentivos para promover a implantación de medidas innovadoras para a mellora da competitividade en empresas constituídas por mulleres, e que impliquen a creación de emprego feminino vinculado ao proxecto de mellora. (De 12.000 a 20.000 euros)
- Liña Activa: liña de axudas económicas mediante incentivos para favorecer a reactivación e consolidación de empresas constituídas por mulleres, a través de medidas de renovación, implantación, ampliación ou cambio de localización da actividade dirixidas a paliar unha situación económica adversa, e que resulten necesarias para o mantemento do emprego por conta propia e por conta allea, así como para conseguir o necesario equilibrio empresarial e asegurar a súa pervivencia e consolidación no actual contexto económico. Ditas medidas non poderán supoñer, en ningún caso, destrución do emprego existente por conta propia e allea. (De 6.000 a 15.000 euros)
- Liña ITEF: liña de axudas económicas mediante incentivos para impulsar a implantación de iniciativas empresariais de carácter innovador, con contido científico ou con base tecnolóxica, promovidas por mulleres e que supoñan a creación de emprego feminino estable por conta propia e allea. (De 16.000 a 40.000 euros)
- Concilia: axuda complementaria das liñas Emprende, Innova, Activa e ITEF para promover a conciliación da vida persoal, familiar e laboral, nas súas dúas modalidades: Concilia-promotoras (3.00 euros) e e Concilia-persoas traballadoras por conta allea (De 1.000 a 5.000 euros).
Por conseguinte, as beneficiarias das axudas do programa Emega son mulleres que inicien a súa actividade, ou formalicen os seus plans Innova ou Activa, entre o 1 de agosto de 2018 e o fin do prazo de presentación de solicitudes ao amparo desta convocatoria (5 de agosto de 2019), sempre e cando cumpran todos os requisitos e condicións indicados nas bases do programa.
As interesadas poderán atopar toda a información detallada da convocatoria (documentación a entregar, bases do programa, prazos, cuantías económicas, anexos...) na páxina web da Secretaría Xeral da Igualdade da Xunta de Galicia.
- Detalles
- Escrito por Alicentis
- Categoría: axudas e subvencions
- Visto: 1504
-
As achegas están dirixidas á creación de novos negocios, a ampliación e o mantemento do persoal e a cubrir as cotas da seguridade social das persoas autónomas
-
As solicitudes presentaranse dende mañá na sede electrónica da Deputación da Coruña
A Deputación da Coruña vén de publicar no Boletín Oficial da Provincia unha nova convocatoria de axudas do Plan de Emprego Local (PEL 2021) dirixidas a pequenas empresas e persoas autónomas xa en activo coa fin de fortalecer consolidar e fortalecer o tecido empresarial dos municipios coruñeses.
As axudas, dotadas cun total de 4.260.000, desenvólvense a través de catro liñas diferentes: apoio á creación de novas empresas (2.260.000 euros), o pagamento de cotas da seguridade social para persoas autónomas nos periodos nos que non reciben axudas doutras administracións (500.000 euros); a ampliación de persoal (1.000.000); e o mantemento dos empregados (500.000) en microempresas, pequenas e medianas empresas.
O prazo para facer as solicitudes comprende dende o 11 de marzo ata as 14:00 horas do 15 de abril. Tanto as solicitudes como toda a tramitación relacionada con esta convocatoria realizarase por vía telemática a través da sede electrónica da Deputación da Coruña.
A convocatoria publicada hoxe no BOP pode consultarse premendo aquí.
As bases, publicadas no BOP o 25 de febreiro, poden consultarse premendo nesta outra ligazón.
- Detalles
- Escrito por Alicentis
- Categoría: axudas e subvencions
- Visto: 1770
A Deputación da Coruña convoca as seguintes liñas de axudas no marco do Plan de Emprego Local 2016-2019:
Convocatoria de axudas á consolidación do tecido empresarial nos concellos da provincia da Coruña a través do apoio á realización de actividades e/ou actuacións no desenvolvemento da iniciativa empresarial: Bases reguladoras e apertura de prazo.
Convocatoria de axudas á consolidación do tecido empresarial nos concellos da provincia da Coruña a través do apoio ao investimento en bens inventariables: Bases reguladoras e apertura de prazo.
Convocatoria de axudas ao mantemento do cadro de persoal de pequenas, medianas empresas e microempresas: Bases reguladoras e apertura de prazo.
Convocatoria das axudas á contratación para a creación e ampliación do cadro de persoal de pequenas, medianas empresas e microempresas: Bases reguladoras e apertura de prazo.
O prazo de solicitude comeza mañá, día 21 de marzo, e remata o 22 de abril de 2019 ás 14:00 horas. As solicitudes e trámites realizaranse por vía telemática empregando o certificado dixital ou DNI electrónico a través da plataforma SUBTEL.