5 de xuño de 2026
Publícase a listaxe definitiva de aspirantes para a contratación dun técnico de normalización lingüística en réxime de persoal laboral temporal ao abeiro da subvención FONL/2026, así como a composición do tribunal cualificador e a convocatoria da fase de oposición, que se realizará o venres 12 de xuño de 2026 a partir das 9.30 horas na casa consistorial do Concello da Baña.
A resolución pode consultarse na sede electrónica do Concello da Baña, nesta ligazón.
15 de maio de 2026
Faise pública a aprobación da listaxe provisional de aspirantes para a contratación dun técnico de normalización lingüística, vinculada á subvención FONL/2026 da Deputación da Coruña e ao convenio de colaboración asinado entre o Concello de Negreira e o Concello da Baña (promotor), como persoal laboral temporal.
As persoas aspirantes excluídos teñen un prazo de dez días hábiles no que poderán corrixir os defectos e formular as reclamacións á lista provisional.
As persoas interesadas poden comprobar a listaxe a través da sede electrónica do Concello premendo nesta ligazón.
14 de abril de 2026
O Concello da Baña fai públicas a convocatoria e as bases reguladoras para a creación dunha bolsa de emprego, mediante o sistema de concurso-oposición, para a cobertura dun posto de persoal técnico de normalización lingüística, vinculada á subvención FONL/2026 da Deputación da Coruña e ao convenio de colaboración asinado entre o Concello de Negreira e o Concello da Baña (promotor), como persoal laboral temporal.
As persoas interesadas poderán presentar a súa solicitude no prazo de 15 días hábiles, contados a partir do día seguinte á publicación do anuncio no Boletín Oficial da Provincia da Coruña (BOP).
As persoas interesadas poden inscribirse a través da sede electrónica do Concello premendo nesta ligazón.
No arquivo adxunto pode consultarse toda a información.
 14-4-2026: Convocatoria e bases. Persoal técnico de normalización lingüística | [ ] | 349 kB |