30 de xuño de 2020

Faise pública a proposta da alcaldía coa decisión da comisión seleccionadora de contratación dunha persoa socorridas, en réxime laboral tempora, por un período de 2 meses, segundo o programa de fomento do emprego e mellora da empregabilidade no ámbito de colaboración coas entidades locais da Consellería de Economía, Emprego e Industria.

A proposta pódese consultar no documento adxunto.

 

23 de xuño de 2020

Publícanse no Boletín Oficial da Provincia do 23 de xuño as bases para a contratación dunha persoa traballadora como socorrista, en réxime laboral temporal, por un período de 2 meses. O obxecto deste contrato é o desenvolvemento do servizo denominado Servizo de salvamento e socorrismo do Concello da Baña, a cargo da subvención para o fomento do emprego e mellora da empregabilidade no ámbito de colaboración coas entidades locais da Consellería de Economía, Emprego e Industria.

As persoas interesadas en participar neste proceso selectivo deberán ser desempregados/as inscritos/as na Oficina Pública de Emprego de Galicia.

As bases e o anuncio desta convocatoria pódense consultar nos documentos adxuntos.

Attachments:
Download this file (20200623_Anuncio_socorrista.pdf)Anuncio de contratación dunha persoa socorrista[Anuncio de contratación dunha persoa socorrista]39 kB
Download this file (20200623_Bases_socorrista.pdf)Bases de contratación dunha persoa socorrista[Bases de contratación dunha persoa socorrista]770 kB
Download this file (20200630_Proposta_contratacion_Socorrista.pdf)20200630_proposta_contratacion_socorrista[20200630_proposta_contratacion_socorrista]241 kB

O Concello da Baña e o GDR Asociación Terras de Compostela organizan o vindeiro xoves, 4 de xuño, un taller sobre medidas hixiénico sanitarias fronte ao covid-19 dirixido ao sector turístico.

O curso desenvolverase na aula de formación das Escolas Vella, en San Vicenzo, de 10.00 a 12.30 horas, e emitirase un certificado de asistencia.

Só están dispoñibles 20 prazas, e os interesados deberán inscribirse nos teléfonos do Concello da Baña 981 886 777 ou 682 859 367 ou a través do enderezo electrónico da Asociación Terras de Compostela, Este enderezo de correo está a ser protexido dos robots de correo lixo. Precisa activar o JavaScript para velo..

O curso está organizado polo Concello e o GDR Terras de Compostela, en colaboración con Agader, Ministerio de Agricultura, Pesca y Alimentación, a Consellería do Medio Rural e o plan Feader da Unión Europea.

Folleto A BANA webFolleto A BANA web

20200507 Cultivos COVID19 Baña

Consellería do Medio Rural publicou o pasado martes, 5 de maio, no Diario Oficial de Galicia unha Orde sobre a venda directa de produtos agrogandeiros nos mercados, a venda e produtos vexetais para a plantación en hortas de consumidores finais e o desprazamento de agricultores e viticultores para os efectos da realización de actividades agrarias.

Esta orde establece que aquelas persoas que se teñan que desprazar para coidar cultivos ou viñas de autoconsumo deberán levar consigo unha declaración responsable na que se identifique a parcela que se vai coidar e o tipo de cultivo que se realiza nela.

O Concello da Baña facilítalle á veciñanza un modelo de declaración responsable para que o poidan cubrir e levar consigo cando teñan que desprazarse para coidar estas leiras. 

A identificación da parcela deberá facerse, preferentemente, indicando o número de referencia catastral, que se atopa no recibo da contribución. En caso de non localizar este número poden chamar por teléfono ao Concello (981 886 501) para que llo faciliten.

Na situación actual da desescalada, permítese o desprazamento de dúas persoas para o coidado de cultivos para autoconsumo. A orde da Consellería do Medio Rural establece que estes traballos se levarán a cabo en todo caso polo tempo mínimo e imprescindible, e respectando as distancias de seguridade e demais protocolos de prevención establecidos pola autoridade sanitaria. Na declaración responsable deberá especificarse esta situación, sinalando en concreto o tipo de traballos ou cultivos ou, se é o caso, a causa xustificada de que se trate.

O desprazamento para o coidado de cultivos ou viñedos para autoconsumo pódese facer dentro do mesmo termo municipal no que se teña fixado o domicilio ou a un municipio adxacente.

O modelo de declaración responsable pode descargarse no arquivo adxunto.

Attachments:
Download this file (20200507_declaracion_responsable_cultivos_COVID19.doc)20200507_Declaracion_Responsable_Cultivos[20200507_Declaracion_Responsable_Cultivos]31 kB
  • sta senda circular de 9 quilómetros percorre a zona na que vivían as personaxes que Manuel Iglesias Turnes recolle no libro

  • O propio autor explica onde vivían os protagonistas

  • O Concello conmemora o Día das Letras Galegas con este documental, ao non poder organizar unha andaina co alumnado do CPI San Vicente e coa veciñanza pola crise da COVID-19

 

O Concello da Baña estrea hoxe un documental sobre a Ruta literaria As rapazas de Xan, que percorre a parroquia de Cabanas amosando os lugares onde vivían as personaxes que Manuel Iglesias Turnes recolleu no seu libro, do mesmo nome, editado por Xerais Narrativa en 2012. Con este vídeo, o Concello conmemora o Día das Letras Galegas dun xeito diferente, ao non poder organizar unha andaina prevista para hoxe co alumnado do CPI San Vicente e coa veciñanza para inaugurar esta ruta de sendeirismo. 

“Con este vídeo amosamos algunhas das paraxes que hai en Cabanas e animamos os amantes da natureza a que, en canto poidan, veñan camiñar por esta ruta e descubrir algúns dos segredos do libro”, afirma a concelleira de Cultura da Baña, Mónica González.

No vídeo, que se pode ver na web e na canle de Youtube do Concello da Baña, o propio autor da novela amosa algúns dos lugares nos que transcorre a trama de As rapazas de Xan, que narra unha historia de amor entre Manuel e Carmela que se sitúa durante os tempos da posguerra en Cabanelas (Cabanas) entre malla e malla. Manuel Iglesias Turnes amosa no vídeo algunhas das casas de Cabanas onde vivían as personaxes (as casa do Carreiro, de Roque, de Xan de María, de Bras, de Xirome), e tamén algúns dos lugares que se visitan durante a ruta e que son significativos na propia novela.

Dende Palleiros, comezo da ruta, hai unha visual xeral tanto de Cabanas (Cabanelas na novela) como da agra onde transcorre a novela. Sobredochán, o agro da Xesteira (onde Abel lle pega dous tiros a Sidoro, o violador da súa irmá), o Muíño do Medio, a carballeira do igrexario, a reitoral e o campo da festa de Cabanas son outros dos lugares que se poden ver no vídeo, producido por Alicentis SL con guión de Carme Pereiro, técnica de normalización lingüística do Agrupamento A Baña-Negreira.

RutaLiteraria RapazasDeXan web02

Manuel Iglesias Turnes describe na novela o complexo tecido de relacións que compoñen a vida na aldea de Cabanelas nos difíciles tempos da posguerra, marcada pola ausencia de futuro e coa emigración como unha das saídas máis favorables. O vídeo remata tamén no monte de Pedra Longa, dende onde Xan, cheo de amargura, viu marchar para Montevideo a súa filla e a súa neta.

Ademais de conmemorar o Día das Letras Galegas ao destacar as obras dos autores locais (Manuel Iglesias Turnes é natural de Cabanas), con este vídeo o Concello da Baña quere poñer en valor o rural como lugar para vivir, e resaltar a calidade de vida e excelentes paisaxes que se poden gozar nunha aldea como Cabanas. “En tempos como os que estamos a vivir axúdannos a valorar a importancia do que temos máis preto”, sinala Mónica González, quen anima a todos os amantes da natureza a facer esta ruta literaria por Cabanas en canto a situación o permita. 

20200515 RutaLiteraria AsRapazasDeXan

O Concello da Baña ten xeolocalizada esta ruta circular, que pasa por Cabanas e Guimaráns, de 8,76 km de lonxitude e con apenas desniveis (a altitude oscila entre os 138 e os 490 metros). Os tracks para facer o percorrido pódense descargar nos arquivos adxuntos.

Una vez descargado, o arquivo 'RutaRapazasXan_Cabanas.kml' pódese executar en Google Earth para facer a ruta. Google Earth pódese descargar neste enlace (preme aquí)

Attachments:
Download this file (RutaRapazasXan_Cabanas.gpx)RutaRapazasXan_Cabanas.gpx[ ]15 kB
Download this file (RutaRapazasXan_Cabanas.kml)RutaRapazasXan_Cabanas.kml[ ]7 kB
Download this file (Ruta_AsRapazasDeXan_Cabanas.pdf)PDF_rutaliteraria_AsRapazasDeXan[PDF_rutaliteraria_AsRapazasDeXan]259 kB

O Concello da Baña anuncia a contratación dunha (1) persoa para o posto de condutor tractorista baixo a modalidade de contrato temporal así como a creación dunha bolsa de emprego para cubrir prazas de condutor-tractorista.

Requisitos: os establecidos nas bases que regulan a convocatoria

Presentación de solicitudes: Cinco días hábiles contados a partir do seguinte ao da publicación no periódico, no Rexistro Xeral da casa do Concello de 9:00 a 14:00 horas de luns a venres, ou polos medios regulados na Lei 39/2015, conforme ao previsto nas bases.

As bases que regulan a convocatoria pódense consultar no arquivo adxunto.

Attachments:
Download this file (20200220_anuncio_contratacion_tractorista.pdf)20200220_Anuncio_contratacion_tractorista[20200220_Anuncio_contratacion_tractorista]85 kB
Download this file (20200220_Bases_convocatoria_tractorista.pdf)20200220_bases_convocatoria_contratacion_tractorista[20200220_bases_convocatoria_contratacion_tractorista]84 kB