Detalles

Escrito por Alicentis

Categoría: Emprego e Desenvolvemento INICIO

Published: 28 Xaneiro 2022

Visitas: 787

• Unha liña de achegas destínase aos traballadores por conta propia excluídos na anterior convocatoria por esgotamento de crédito

• Terán ata o luns 7 de febreiro para presentar as solicitudes

• Unha segunda convocatoria diríxese a paliar os efectos económicos derivados das restricións

O Concello da Baña abre mañá, sábado 29 de xaneiro, o prazo de presentación de solicitudes para que autónomos en pequenas empresas do municipio poidan solicitar novas axudas destinadas a paliar o impacto da crise socioeconómica causada pola pandemia da Covid-19.

As axudas, financiadas integramente con fondos propios do Concello da Baña, complementan as que xa outorgou o Concello da Baña atendendo a convocatoria que fixo en novembro de 2020 e presentan dúas liñas diferentes.

A primera liña está orientada a ampliar o programa PEL-Reactiva e diríxese a aquelas persoas autónomas e pemes que, cumprindo cos requisitos esixidos nas bases da convocatoria, quedaron fóra das axudas por esgotamento do crédito.

Poderán optar a estas achegas aqueles autónomos que tivesen que pechar ou visen reducida a súa facturación en polo menos un 75% no segundo trimestre fiscal de 2020. A contía das axudas oscila entre 1.500 euros para un autónomo sen traballadores ao seu cargo e 3.000 euros para aqueles autónomos que teñan entre 6 e 9 traballadores. As persoas interesadas terán un prazo de dez días naturais para presentar as solicitudes, dende o 29 de xaneiro ata o luns 7 de febreiro.

A segunda liña, pola súa banda, destínase a paliar os efectos económicos derivados das restricións impostas polas diferentes administracións públicas. O importe que se concederá é variable e destinarase a cubrir gastos como compra de material, arrendamentos ou subministracións de luz, auga e electricidade. Poderán pedila autónomos que non se beneficiaran do PEL-Reactiva nin da axuda da liña I e que dende o comezo da pandemia se visen obrigadas a pechar ou a acollerse a un ERTE. O prazo de presentación de solicitudes abrangue dende o 29 de xaneiro ata o 28 de febreiro.

As bases da convocatoria poden consultase no Boletín Oficial da Provincia (BOP) da Coruña do venres 28 de xaneiro e nesta ligazón.

A convocatoria e os formularios poden consultarse picando neste enlace.

Detalles

Escrito por Alicentis

Categoría: Emprego e Desenvolvemento INICIO

Published: 16 Agosto 2021

Visitas: 2003

Luns, 16 de agosto de 2021

Faise pública a resolución para a creación dunha bolsa de emprego para a brigada de incendios, composta por un/ha xefe de brigada, un/ha peón condutor e tres peóns de brigada.

A resolución pode consultarse na sede electrónica do Concello da Baña, neste enlace (preme aquí).

Venres, 2 de xullo de 2021

Faise pública a listaxe de admitidos, data e hora das probas para o proceso de contratación como persoal laboral temporal da brigada de incendios composta por un/ha xefe de brigada, un/ha peón condutor e tres peóns de brigada e creación dunha bolsa de emprego.

As probas celebraranse o día 8 de xullo.

O listado pode consultarse na sede electrónica do Concello da Baña, neste enlace (preme aquí).

Luns, 7 de xuño de 2021

Fanse públicas as bases reguladoras para a contratación como persoal laboral temporal da brigada de incendios composta por un/ha xefe de brigada, un/ha peón condutor e tres peóns de brigada e creación dunha bolsa de emprego.

As bases foron publicadas no Boletín Oficial da Provincia o 7 de xuño de 2021 (preme neste enlace) e poden consultar no arquivo adxunto

Tamén se inclúe o modelo de solicitude que deben cubrir as persoas interesadas en participar no proceso.

O prazo de presentación de solilcitudes é de cindo días hábiles e remata o luns 14 de xuño (debido a que o sábado 12 é día inhábil).

Attachments:

20210607_Bases_contratacion_brigada_incendios_2021	[ ]	120 kB
20210607_modelo_solicitude_brigada_incendios	[ ]	62 kB
20210816_Resolucion_bolsa_de_emprego_Brigada_de_incendios	[ ]	163 kB

Detalles

Escrito por Alicentis

Categoría: Emprego e Desenvolvemento INICIO

Published: 17 Agosto 2021

Visitas: 1140

17 de agosto de 2021

Faise pública a acta da comisión de selección dun/ha tractorista para a Brigada de Obras no Concello da Baña en réxime laboral temporal, ao abeiro do programa Aprol rural. A acta cos resultados da selección pode consultarse no arquivo adxunto.

30 de xuño de 2021

Iníciase o proceso para a contratación dunha persoa desempregada como tractorista en réxime laboral temporal. O decreto coas bases de contratación poden consultarse picando nesta ligazón ao taboleiro da sede electrónica do Concello da Baña e no arquivo adxunto.

Attachments:

20210630_bases_contratacion_tractorista.pdf	[ ]	245 kB
20210817_Acta_resultados_seleccion_tractorista	[ ]	152 kB

Detalles

Escrito por Alicentis

Categoría: Emprego e Desenvolvemento INICIO

Published: 10 Agosto 2021

Visitas: 719

• Persoas desempregadas poderán formarse en atención sociosanitaria, xestión de chamadas, dinamización comunitaria ou guía de montaña

• Inscricións ata o 3 de setembro na sede electrónica do Concello ou a Axencia de Desenvolvemento Local

O proxecto PEL Emprego Sustentable, promovido pola Deputación da Coruña e financiado nun 80% polo fondo Social Europeo, desenvolverá nos vindeiros meses catro novos itinerarios formativos coa finalidade de crear emprego no ámbito rural. O prazo de inscricións permanecerá aberto ata o 3 de setembro.

As formacións, dirixidas a persoas desempregadas, teñen carácter gratuíto e pode solicitarse tamén unha bolsa de desprazamento. Haberá catro modalidade:

1. Atención sociosanitaria a persoas en institucións. Terá unha duración de seis meses e impartirase en Ordes (data prevista de comezo o 17 de agosto), Cee (18 de agosto), Narón, Cambre, Culleredo e Ortigueira (13 de setembro nas catro localizacións).
2. Xestión de chamadas de teleasistencia. Realizarase un único curso en Arteixo, con data prevista de comezo o 13 de setembro. Prolongarase catro meses.
3. Dinamización comunitaria. Terá edicións en Ortigueira, Santa Comba e Ordes. Iniciarase o 10 de setembro e durará ao redor de 6 meses e medio.
4. Guía por itinerarios de baixa e media montaña. Haberá un curso en Teo (con comezo o 20 de setembro) e outro en Mazaricos (27 de setembro). A duración será de 7 meses.

As inscricións poderán realizarse a través da sede electrónica do Concello da Baña ou presenciamente na Axencia de Desenvolvemento Local.