As familias participantes do programa Apego na Baña están convidadas a participar este venres, 28 de febreiro, no contacontos teatral Riciños de ouro e os tres osos, a cargo de Trinketrinke Teatro.

A actividade, enfocada a público familiar, comezará ás 18.15 horas na casa da cultura da Baña. A entrada é libre ata completar o aforo.

Esta función, encadrada na programación do Apego, está organizada polo Concello da Baña, a través do Servizo de Normalización Lingüística; coa colaboración da Deputación da Coruña, por medio de Ler conta moito; e da Xunta de Galicia.