Ao abeiro da Orde do 16 de abril de 2018 pola que se regulan as bases das subvencións para entidades de acción voluntaria e entidades locais enmarcadas no programa Servizo de voluntariado xuvenil para o ano 2018 o Concello da Baña selecciona 8 voluntarios/as para apoiar as actividades do Campamento urbano nos meses de xullo e agosto do 2018.

Despois do éxito da experiencia destes anos, animamos ás mozas e mozos con idades comprendidas entre os 16 e 30 anos de idade, a que participen neste proxecto relacionado co tempo libre e que favorece a conciliación da vida familiar e laboral da veciñanza.

Cada participante obterá unha dotación de 6 euros por día que exerza como voluntaria/o para gastos de manutención e transporte (cun mínimo de 6 horas ao día e por un total de 60 días). Durante o tempo de execución do proxecto, as persoas voluntarias terán cobertura do seguro de responsabilidade civil e de accidentes.

Ao finalizaren os proxectos, as persoas voluntarias que participen neles obterán da Dirección Xeral de Xuventude, Participación e Voluntariado un certificado de educación non formal acreditativo da acción voluntaria des­envolvida.

 Valorarase ter formación ou coñecementos no ámbito relacionado coa actividade.

As persoas interesadas deberán enviar ao correo electrónico Este enderezo de correo está a ser protexido dos robots de correo lixo. Precisa activar o JavaScript para velo. ata o venres 29 de xuño de 2018, indicando no asunto: SOLICITUDE VOLUNTARIADO NA BAÑA 2018, os seguintes datos

Nome e apelidos________________________________________________________

DNI núm. _________________________,

data de nacemento __________________________

Teléfonos __________________________________ / _______________________

Enderezo electrónico ___________________________________________________   

e domicilio en _________________________________________________________

 

No caso dos/as menores de idade, será preciso autorización do/a pai/nai/titor/a legal.

Máis información nos teléfonos: 981 886 501

Convocatoria de Prazas para asistir a un Intercambio Xuvenil a Venecia (Italia), enmarcado dentro das relacións bilaterais que mantén o Concello da Baña con distainas entidades doutros países

 

Obxectivo: Facilitar o coñecemento doutras realidades socioculturais, e lingüísticas para a comprensión da diversidade cultural, e favorecer e potenciar a adquisición de habilidades e competencias non formais que faciliten o desenvolvemento persoal da mocidade

 

Datas de realización do intercambio: do 2 ao 9 de setembro de  2018. 

 

Número de prazas: 10 (acompañados/as de varios coordinadores).

 

Lugar de realización do intercambio: na cidade de Venecia (Italia).

Persoas destinatarias: mozos e mozas residentes na Baña con idades comprendidas entre os 16 e 30 anos de idade no momento de celebrarse o intercambio. Os/as menores de 18 anos poderán participar co permiso do pai/da nai/ ou titor/a legal.

 

Prazo de inscrición: do 21 ao 28 de xuño de 2018.

 

Fai click aquí para cubrir o FORMULARIO DE SOLICITUDE

 

Cobertura do intercambio:

  • Aloxamento en réxime de pensión completa en cuarto de uso múltiple.

  • Transporte local no ámbito do intercambio.

  • Actividades organizadas pola entidade de acollida: Coñecemento da entidade.

  • Percorrido cultural polos principais monumentos e museos de Venecia etc.

 

Serán a cargo do/a participante:

  • Os gastos de desprazamento dende Galicia ata o lugar do intercambio.
  • A obtención da Tarxeta Sanitaria Europea ou seguro médico que dea cobertura equivalente durante a realización do intercambio.

 

Recomendación do aeroporto máis cercano: 

  • Aeroporto Internacional Marco Polo.
  • Aeroporto de Venecia-Treviso (TSF).

 

Inscrición: mediante envío do formulario electrónico dentro do prazo establecido. Só se admitirá unha solicitude por participante.

Os erros nos datos facilitados na solicitude de participación ou a omisión dalgún deles pode ocasionar a desestimación da mesma.

 

Admisión: no caso de haber máis solicitantes que prazas dispoñibles realizarase un sorteo público.

Realizarase unha lista de agarda para os casos de renuncia á praza.

As persoas seleccionadas recibirán un correo electrónico de confirmación da praza. De non recibir comunicación de confirmación da praza antes do día 30 de xuño (inclusive), entenderase que non obtivo praza para o intercambio.

 

Confirmada a praza, nos 5 días (naturais) seguintes, as persoas seleccionadas deberán remitir a documentación que a continuación se indica ao correo  Este enderezo de correo está a ser protexido dos robots de correo lixo. Precisa activar o JavaScript para velo., indicando no asunto: documentación para intercambio a Venecia 2018:

  • Unha copia do billete de transporte adquirido para desprazarse ata o aeroporto máis próximo da cidade do país do intercambio. Non é documento válido a reserva de voo.

  • Unha copia da Tarxeta Sanitaria Europea.

  • Copia do DNI.

 

A non remisión destes documentos no prazo establecido supón a perda da praza no intercambio.
De darse baixas despois de ter sido adxudicadas as prazas, ofertaránselle ás seguintes persoas da lista de espera, tendo que presentar estas os billetes e a documentación nos 3 días (naturais) seguintes da comunicación.

No suposto caso de que o billete de transporte adquirido fose anulado con posterioridade á súa remisión, anulará a praza e será considerada non adxudicada.

Recibida correctamente a documentación, convocarase ás  persoas seleccionadas a unha reunión informativa complementaria sobre o intercambio, do lugar e a hora de encontro e o nome do aloxamento de celebración do mesmo.

Realizarase o intercambio se existe un mínimo da metade máis unha das prazas convocadas.

A Xunta pon en marcha as diferentes accións da Campaña de Verán, cunha ampla oferta de ocio e tempo libre dirixida á mocidade. Campamentos, campos de traballo e outras actividades suman preto de dez mil prazas.

Os obxectivos desta nova campaña de verán son favorecer a inclusión; promover o intercambio cultural, a interacción e a convivencia; así como facilitar a conciliación das familias galegas. Así mesmo, como vén sendo habitual resérvanse prazas para xente nova con discapacidade; nenos, nenas e adolescentes baixo tutela ou garda da Administración autonómica; para fillos e fillas de mulleres vítimas da violencia de xénero; e para descendentes de emigrantes galegos.

Podes consultar NESTE ENLACE toda a información.

20180620 Campamentos

O Concello da Baña programou para o verán de 2018 unha serie de actividades para facilitar á veciñanza o goce da temporada estival. Tres campamentos para a infancia e a mocidade e a apertura da piscina municipal, que terá lugar o próximo luns, son as accións estrela para facilitar o ocio e a conciliación nos meses de vacacións escolares.

Durante o mes de xullo celebrarase un campamento lúdico-deportivo na área recreativa de Agra de Chans, dirixido a nenos e nenas a partir de 4 anos. Para participar no mesmo hai que estar inscrito nos cursos de natación. O custe da actividade, incluíndo o curso de natación, é de 30 euros, o horario vai das 9:00 ás 14:00 horas e a inscrición pode realizarse ata o xoves 28 de xuño na Concellería de Cultura. Hai 60 prazas e, tanto para esta como para as outras actividades de conciliación de verán, teñen preferencia as persoas empadroadas na Baña e as familias que teñan necesidade de conciliación por residencia, estudos ou traballo no municipio. No caso de quedar prazas vacantes, poderán participar outras persoas interesadas, e realizarase un sorteo público se hai moita demanda.

Tamén na área de Agra de Chans desenvolverase o campamento urbano, destinado a nenos e nenas de 3 a 12 anos (incluídos), do 1 ao 31 de agosto, de 9:00 a 14:00 horas. O prezo é de 30 € por neno/a e de 20 € por irmán/á. Neste caso, o prazo de inscrición remata o 26 de xullo.

O Concello organiza tamén un campamento de verán no albergue de Cabana de Bergantiños para nenos e nenas con idades comprendidas entre os 8 e os 15 anos (incluídos). Esta actividade desenvolverase do 3 ao 10 de agosto e ten un custo de 100 euros. O prazo de inscrición estará aberto ata o 30 de xullo e hai 45 prazas. Ao igual que nos outros campamentos, teñen preferencia as persoas empadroadas na Baña.

Por outra banda, a partir do luns 25 de xuño e ata o 15 de setembro permanecerá aberta a piscina municipal en horario de 15:30 a 21:00 horas e, en setembro, de 15:30 a 20:30 horas. Establécense diferentes prezos para os abonos: 25€/mes, 15€/quincena e 45€ por familia ao mes. O acceso por día solto custa 2 euros. Para os menores de 14 anos a entrada é gratuíta. É imprescindible levar gorro e chanclas.

Festas de clausura

Os campamentos lúdico-deportivo e urbano terán cadansúa festa de clausura. O primeiro, que se celebra en xullo conxuntamente cos cursos de natación, pecharase co espectáculo Le cirque de Cayetano Lledó, nunha celebración familiar na área recreativa de Agra de Chans ás 12 do mediodía. No mesmo escenario e á mesma hora terá lugar o 31 de agosto o peche do campamento urbano, no que Celtia Figueiras presentará os seus Contos de verán.

Todas as actividades están organizadas polo Concello da Baña, en colaboración coa Dirección Xeral de Xuventude, da Consellería de Política Social, e coa Deputación da Coruña.

Podes cubrir o formulario interactivo de inscrición adxunto nesta nova ou descargalo.

O pagamento realizarase nas seguintes contas bancarias e o xustificante entregarase no Concello:
Banco Pastor : ES26 0238 8191 8806 6000 1061
ABANCA: ES92 2080 0326 1731 1000 0035

Acción de Verán. Campamentos da Xunta de Galicia. 

Para facilitar que os/as rapaces/as galegos a partir dos 9 anos (cumpridos ao inicio do campamento solicitado) poidan participar en actividades de tempo libre de calidade, a Consellería de Política Social, a través da Dirección Xeral de Xuventude, Participación e Voluntariado, oferta a programación de actividades para o ano 2017 que se detalla no anexo I da orde que poden descargar no seguinte enlace:

http://www.xunta.gal/dog/Publicados/2017/20170417/AnuncioG0425-070417-0008_gl.html

As diferentes actividades que integran esta programación levaranse a cabo en diferentes quendas de entre unha semana e quince días de duración durante os meses de xullo e agosto.

A información sobre a convocatoria desta campaña, así como de cada actividade e instalación xuvenil onde se desenvolverá, atoparase detallada na páxina web www.xuventude.net

Servizos ofertados.

1. A participación na oferta da Campaña de verán 2017 realizarase mediante inscrición individual ou múltiple (para os supostos de dous/dúas, tres ou catro irmáns/ás).

As persoas participantes disporán dos seguintes servizos:

a) Un programa de actividades de carácter sociocultural, recreativo, formativo e convivencial, que posibilite a participación do/a mozo/a.

b) Aloxamento en albergue xuvenil, residencia xuvenil ou campamento xuvenil.

c) Manutención en réxime de pensión completa.

d) O material necesario para a actividade.

e) Un equipo técnico de persoal especializado en animación sociocultural e actividades de tempo libre e actividades náuticas, de ser o caso. Así mesmo, e para o caso das persoas con necesidades especiais que por razón da súa discapacidade precisen apoio, disporase de persoal que conte con formación e experiencia para atender as súas necesidades.

f) Atención sanitaria de primeiros auxilios e seguro de accidentes.

g) Nas actividades desenvolvidas noutras comunidades autónomas inclúese o transporte desde Santiago de Compostela, ou lugar que se sinale como punto de saída, ata o lugar de destino, así como o retorno ata Santiago de Compostela.

Prazo presentación solicitudes: (18/04/2017 - 02/05/2017)