• A concelleira de Política Social pecha por este ano a serie de audiovisuais A Baña en feminino

  • Incide en que, tras a incorporación da muller ao mundo laboral, queda pendente a súa presenza en postos de responsabilidade

  • Chama a educar os escolares en igualdade para que a defendan no futuro

 

“A unha muller cústalle máis chegar a postos de responsabilidade e, por outro lado, as mulleres somos as encargadas do coidado dos nenos e das tarefas da casa”. Estas dúas, a xuízo da concelleira Mónica González, son as principais causas da desigualdade existente na Administración local da Baña, espello para ela do comportamento da sociedade. “Temos unha corporación bastante paritaria, con cinco mulleres e seis homes. A parte negativa é que os voceiros dos tres grupos con representación son homes e que os postos principais, como o de alcalde, sempre os ocuparon homes. Tamén hai diferenzas no ámbito de actuación; por exemplo, Urbanismo e Obras está dende sempre vencellada ao xénero masculino, mentres que o departamento de Cultura, o servizo de axuda a domicilio, o punto de atención á infancia, etc, dependen de mulleres”, explica.

Mónica Gónzalez Blanco é natural de Marcelle. Psicóloga e profesora, exerce dende hai dous anos como concelleira de Política Social, Emprego, Educación, Cultura e Deportes da Baña e protagoniza neste mes de decembro a última entrega do 2021 da serie de audiovisuais A Baña en feminino, unha das accións do goberno local encamiñadas a reivindicar o papel das mulleres e ofrecer referentes femininos no ámbito rural. Para superar a desigualdade, coida Mónica, “é prioritario promover a conciliación familiar, concienciar a sociedade do reparto da responsabilidades entre homes e mulleres e promover iniciativas como esta para visibilizar o labor das mulleres e abrir un espazo de reflexión”.

Ademais dos programas de concienciación, a concelleira salienta outras actuacións que se levan a cabo dende a Administración local. Cita os centros de información á muller ou as axudas económicas e fai énfase nas que se desenvolven nos centros escolares, “porque é onde están as novas xeracións e temos que preocuparnos de educalas en igualdade para que a defendan cando sexan adultos”.

Baña feminino 12 Monica Gonzalez Blanco ALF1901

A Baña en feminino

O vídeo de Mónica González, que pode verse na canle municipal de Youtube, pecha por este ano o proxecto ‘A Baña en feminino. Visibilizando a muller rural’. Trátase dunha iniciativa do concello bañense que, coa publicación dun audiovisual por mes ao longo do presente ano 2021, tivo como principal obxectivo convidar a reflexionar sobre o papel das mulleres na contorna rural e fomentar a igualdade dándolle voz a persoas do municipio que exercen en diversos eidos. As anteriores protagonistas foron:

  • Mónica Rial. A presidenta da ANPA do CEIP San Vicente instou, no Día do Neno, a fomentar nos colexios todas aquelas actividades en prol da equidade e a educar as fillas e fillos para que loiten por conseguir a máxima igualade de oportunidades posible.
  • Manuela Tojo. Veciña de Faílde de 89 anos, protagonizou o vídeo de outubro no Día da Muller Rural. Nel repasou unha traxectoria que non foi nada común porque, ao contrario do que adoitaba pasar cando ela era nova, sendo muller desenvolveuse laboralmente fóra da casa, desempeñou un oficio tradicionalmente masculino como era o de ferreira e foi tamén pioneira ao converterse na primeira bañense en sacar o carné de conducir.
  • Rosa Rodríguez, cantante do Dúo Rosán, radiografou o papel da muller na música no mes de setembro, coincidindo coa celebración das festas patronais de San Vicenzo da Baña. “Agora hai máis mulleres que levan a batuta e seguiremos avanzando”, subliñou, ademais de aconsellar “inculcar o respecto desde ben pequeniños” como fórmula para conseguir a igualdade entre homes e mulleres.
  • Noelia Castro, graduada en Educación Infantil e monitora de ocio e tempo libre, convidou a reflexionar sobre o cambio de mentalidade necesario para a igualdade. Fíxoo nun vídeo publicado no Día Internacional da Mocidade, no que esta veciña de Lañas de 22 anos salientou a importancia dos campamentos como “espazos idóneos para promover a igualdade desde a primeira infancia”.
  • Carme Liñares, avoa de cinco netos, protagonizou o vídeo publicado en xullo, con motivo do Día Internacional das Avoas e dos Avós. Esta veciña de Cabanas constataba o difícil que foi “chegar á liberdade de hoxe, porque antes a muller non tiña voto para nada” e convidaba a non dar pasos atrás.
  • Verónica Liñares, enxeñeira de Montes e veciña de Ordoeste, incidiu no mes de xuño na necesidade de dotar a sociedade de “referentes femininos para que desapareza a fenda de xénero existente nas ciencias e nas enxeñarías”.
  • A soldadora Nerea Vázquez protagonizou o vídeo que se publicou no Día do Traballo, no que falaba da presión que sentiu cando decidiu estudar para un oficio tradicionalmente masculino ou das dificultades laborais coas que se atopan as mulleres no sector do metal.
  • Coincidindo co Día do Libro o 23 de abril, a gañadora do premio Álvaro Cunqueiro de teatro Carme Varela avogaba por liberar as mulleres da carga dos coidados. “É un lastre que levamos de sempre, o de coidar primeiro dos nenos e despois dos maiores”, subliñaba a filóloga e escritora de Duomes de Arriba.
  • Xa en marzo, a ex perruqueira Isabel Giraut, promotora da Asociación de Mulleres na Baña, insistía na importancia de que dende pequenos rapaces e rapazas sexan educados para asumir idénticas responsabilidades no fogar.
  • En febreiro, o protagonista foi Carlos Sande, un mozo filloeiro que reclamaba “condicións idóneas” para que as mulleres conten coas mesmas oportunidades ca os homes en todos os eidos vitais, ao tempo que censuraba a existencia de “micromachismos que temos tan interiorizados que nin os cuestionamos”.
  • A mestra xubilada Dolores Allo inaugurou a serie ‘A Baña en feminino’ o pasado mes de xaneiro, co gallo do Día Internacional da Educación, falando das súas vivencias e dos avances que experimentou a sociedade nas últimas décadas de cara a acadar a igualdade.

Enlacedeo de Mónica González: https://youtu.be/nYoU_VuMQAM

  • Nenas e nenos recibiron a visita de Papá Noel e entregáronlles as cartas coas súas peticións

  • Animaron a tarde o grupo de pandereteiras e Os Campantes da Baña

mercar

Varios centos de veciñas e veciños visitaron o mercadiño de Nadal da Baña, que na súa sexta edición congregou onte no pavillón polideportivo de San Vicenzo postos de artesanía, comida, roupa ou libros e contou tamén con diversas actividades de animación que se desenvolveron ao longo do día. Un autobús percorreu as parroquias facendo o mesmo itinerario que os luns das feiras mensuais e non faltaron á cita nin a pulpería nin a churrería.

campantes

O mercadiño estivo aberto entre as doce da mañá e as oito da tarde. A sesión matinal contou con obradoiros de instrumentos musicais, artesanía en palla e papel, así como co espectáculo de maxia de Dani Polo. Xa pola tarde, o público familiar puido gozar coa sesión de teatro infantil ‘Debulendo lendas... galegas’ a cargo da compañía Tarabelos e tanto pequenos como maiores cantaron e bailaron coas animadas actuacións das pandereteiras e da agrupación local de música tradicional Os Campantes da Baña. A agardada visita de Papá Noel, a quen nenas e nenos puideron entregarlle as cartas coas súas peticións para Nadal, púxolle a guinda á xornada de festa.

uno

 

 

  • Son das Ideas fíxose co galardón de Canle grazas aos seus recursos e a súa creatividade

  • Tamén foron recoñecidos Neeumatiko, Pablo Rodríguez Vila, Toxío, AstroXabi, Cousas RarismASMR, Cousxs, Xacobo de Toro, Recuncho Gamer e Orgullo Galego

  • O servizo de normalización lingüística do Concello da Baña é un dos organizadores

premiados youtubeiras 2

Olaxonmario, que se impuxo nas categorías de Youtubeiro e Vídeo, converteuse no gran triunfador da última edicion dos Premios Youtubeiras, mentres que o outro gran galardón, o de Canle, recaeu no Son das Ideas. As persoas gañadoras deéronse a coñecer nunha gala que tivo lugar o pasado 26 de novembro na Casa de Cultura de Bertamiráns e que estivo conducida polo grupo Tanxugueiras.

O xurado, composto por Noemí García Rodríguez, Fernando Ramallo, Adrián Lede, Sonia Méndez, Esther Estévez e Conchi Cochón Rodríguez en calidade de secretaria, destacou a capacidade de Olaxsonmario para “conectar con moita xente dentro e fóra das nosas fronteiras”. Do seu vídeo galardoado, Por que é que non entendo o Portugués? Co @Portuguese With Leo, sinalou que se trata dun “dos vídeos en galego non musicais que está a ter maior repercusión dende o seu lanzamento en Youtube”. En canto a O Son das Ideas, o xurado incidiu en que “o seu contido triunfa por todos os recursos que emprega nos vídeos, pola súa facilidade de explicar temas complexos e a súa creatividade plasmada a través das animacións”. Esta tres categorías -Youtubeiro, Vídeo e Canle- son as de maior dotación económica con mil euros cada unha.

Polo que atinxe ao resto das categorías, o premio á Calidade Lingüística recoñeceu neste 2021 a Neeumatiko, de quen o xurado puxo en valor o seu “dominio formal tanto na dimensión gramatical coma léxica e fonética”. Pola súa banda, Toxío recolleu o galardón no apartado de Calidade Técnica polo seu coidado uso dos recursos audiovisuais e Pablo Rodríguez Vila levou o Premio Impacto, xa que a súa canle conta cunha media de 2.000 reproducións por vídeo.

O Premio Comunicación recaeu en AstroXabi, xa que en moi pouco tempo conseguiu facerse un oco e xerar unha comunidade arredor dunha temática especializada. A canle Cousas RarismASMR converteuse na gañadora do Premio Creatividade, mentres que a gañadora do galardón musical foi para Cousxs. 

“Un referente indiscutible na divulgación didáctica de contidos”. Así definiu o xurado a Xacobo de Toro, quen se alzou co Premio Didáctico, mentres que Recuncho Gamer acadou o Premio Pioneiro. Por último, a canle Orgullo Galego conquistou o Premio do Público con Conversas con Anselmo López Carreira: O reino medieval de Galicia. Cada un destes nove premiados levaron 500 euros.

Os Premios Youtubeiras, que chegaron á súa quinta edición, están organizados polos servizos de Normalización Lingüística dos concellos da Baña, Ames, O Grove, Moaña, Negreira, Pontevedra, Ribadeo, Rianxo, Santiago de Compostela e Teo, das universidades da Coruña, Santiago e Vigo e da Deputación da Coruña. Carme Pereiro, normalizadora da Baña e coordinadora dos galardóns, destacou en nome da organización que este ano se procurou a consolidación das canles. “Non se permitiu que se presentasen vídeos illados coa intención de fomentar a creación e o mantemento de canles en galego, queriamos así valorar aínda máis a figura youtubeira que xurdiu arredor desta iniciativa”, subliñou. Destacou ademais a “calidade dos vídeos” e para concluír, animou “a continuar proxectando o galego como lingua viva e con capacidades magnéticas”, facendo así referencia ao lema que acompañou a esta quinta edición dos Premios Youtubeiras: Magnetismo en liña.

Entre os representantes institucionais que participaron na entrega de premios atopábase a concelleira de Política Social, Emprego, Educación e Cultura da Baña, Mónica González. 

Relación completa de premiados e finalistas

1. PREMIO CANLE

Canle gañadora: O Son das Ideas

https://www.youtube.com/c/OSondasIdeas

Finalistas: Olaxonmario e Neeumátiko.

2 PREMIO YOUTUBEIRA

O gañador: Olaxonmario.

https://www.youtube.com/c/olaxonmario

Finalistas: Neeumátiko, e Cousxs.

3 PREMIO VÍDEO

Vídeo gañador: Por que é que non entendo o portugués? Co @Portuguese With Leo (vídeo de Olaxonmario).

https://www.youtube.com/watch?v=eTgMtKL6xjU

Vídeos finalistas: A nova bomba das Tanxugueiras (vídeo de Cousxs) e Educación franquista (vídeo de Pradorua)

4 PREMIO CALIDADE LINGÜÍSTICA

Canle gañadora: Neeumátiko

https://www.youtube.com/c/neeumatiko

Canles finalistas: Cousxs e Esbardalhando.

5 PREMIO IMPACTO

Canle gañadora: Pablo Rodríguez Vila

https://www.youtube.com/c/PabloRodr%C3%ADguezvila

Canles finalistas: Olaxonmario e Neeumátiko.

6 PREMIO CALIDADE TÉCNICA

Canle gañadora: Toxío

https://www.youtube.com/c/TOX%C3%8DO

Canles finalistas: O Son das Ideas e Xacobo de Toro.

7 PREMIO COMUNICACIÓN

Canle gañadora: AstroXabi.

https://www.youtube.com/channel/UCUXcwKz8lfP9HCmLLS0Jp9A

Canles finalistas: Pablo Rodríguez Vila e Un rapá TRANSquilo.

8 PREMIO CREATIVIDADE

Canle gañadora: Cousas RarísimASMR.

https://www.youtube.com/channel/UC59LurczeXkyHRdBkkAePTg

Canles finalistas: O Son das Ideas e Olaxonmario.

9 PREMIO MUSICAL

Canle gañadora: Cousxs

https://www.youtube.com/watch?v=vUjuYUMCXks

Canles finalistas: FØ Records.

10 PREMIO DIDÁCTICO

Canle gañadora: Xacobo de Toro.

https://www.youtube.com/c/XacobodeToroCacharr%C3%B3n

Canles finalistas: O Son das Ideas e Neeumátiko.

11 PREMIO PIONEIRO

Canle gañadora: Recuncho Gamer

https://www.youtube.com/channel/UCqbohZKRrOTtvsR2H1Qjwig

Canles finalistas: Pingando e Astroxabi.

12 PREMIO DO PÚBLICO

Vídeo gañador: Conversas con Anselmo López Carreira: O reino medieval de Galicia, da canle Orgullo Galego. https://www.youtube.com/watch?v=cn5u-Hqbbac

Vídeos finalistas: Amemos o noso (da canle Xabi Gómez e Sara Sánchez) e “El cuarteto de IBAI” - Lucas Requena (PARODIA / VERSIÓN GALEGA) | Feat. Dani Piñeiro (da canle Fica coa Bola).

  • Desenvolverase no centro social de San Vicenzo entre o 22 de decembro e o 5 de xaneiro polas mañás

  • Pódense apuntar escolares de ata 12 anos e o prezo é de 25 euros

BRINCANADAL 2021 1920 x 1080 px

BrincaNadal volve outro ano máis á Baña para facilitar a conciliación durante as vindeiras vacacións escolares de Nadal. Os días laborais entre o 22 de decembro e o 5 de xaneiro, as nenas e nenos de infantil e primaria poderán gozar de xogos, manualidades e outras moitas actividades no centro social de San Vicenzo entre as 9 e as 14.00 horas. O prezo do campamento é de 25 euros. A partir da/o segunda/o irmá/n pagaranse 20 euros.

As familias interesadas poderán formalizar a inscrición ata o 16 de decembro de forma telemática na sede electrónica a través da páxina web ou de xeito presencial no Rexistro do Concello. Terán que presentar o formulario de inscrición debidamente cuberto (descárgao aquí) e o xustificante de pagamento das taxas de BrincaNadal nalgunha destas contas:

  • Abanca: ES92 2080 0326 1731 1000 0035
  • Santander-Banco Pastor: ES26 0238 8191 8806 6000 1061

Os días de campamento serán 22, 23, 24, 27, 28, 29, 30 e 31 de decembro e 3, 4, e 5 de xaneiro. O formulario de inscrición pódese descargar tamén, en formato Word e PDF, nos arquivos adxuntos.

 

  • Youtubeiras é unha iniciativa organizada polos servizos de normalización lingüística dos concellos da Baña, Ames, O Grove, Moaña, Negreira, Pontevedra, Ribadeo, Rianxo, Santiago de Compostela e Teo, das universidades da Coruña, Santiago e Vigo e da Deputación da Coruña

  •  Olanxonmario e Neeumatiko aspiran a facerse cos premios en cinco categorías, Cousxs opta a catro galardóns e O Son das Ideas compite por tres

 

Tranxugueiras 2Os Premios Youtubeiras, organizados polos servizos de normalización lingüística de dez concellos, das tres universidades e da Deputación da Coruña, darán a coñecer mañá as gañadoras e gañadores da súa quinta edición. Tras a paréntese do ano pasado, os galardóns recuperan neste 2021 a entrega presencial cunha gala que se celebrará na casa da cultura de Bertamiráns (Ames) ás 20.00 h e que estará conducida polo grupo Tanxugueiras. Un total de 35 propostas finalistas aspiran a estes galardóns que reparten 7.500 euros entre as persoas gañadoras das doce categorías. Os premios de canle, youtubeira/o e vídeo contan cunha dotación económica que ascende aos 1.000 euros, mentres que a do resto (calidade lingüística, impacto, calidade técnica, comunicación, creatividade, didáctico e pioneiro) é de 500 euros. Esa mesma cifra recibirá quen leve o Premio do Público, que se escolle a través dunha votación na Rede. 

 As deliberacións do xurado, constituído por Fernando Ramallo, Adrián Lede, Noemí García, Sonia Méndez e Esther Estévez, determinaron que Olaxonmario, Neeumátiko e Cousxs sexan finalistas para o Premio Youtubeira/o 2021. Os dous primeiros ademais aspiran, xunto a O Son das Ideas, a facerse co galardón á canle. Na categoría de vídeo, os finalistas son: Por que non entendo o portugués? Co @Portuguese with Leo, vídeo de Olaxonmario; A nova bomba de Tanxugueiras, vídeo de Cousxs, e Educación Franquista, vídeo de Pradorua. Olanxonmario aspira en total a facerse cos premios en cinco categorías (canle, youtubeiro/a, vídeo, impacto e creatividade). A cinco galardóns opta Neeumatiko (canle, youtubeiro/a, calidade lingüística, impacto e didáctico) e tamén Cousxs (youtubeiro/a, vídeo, calidade lingüística e premio musical). O Son das Ideas pelexa por tres premios (canle, técnica e creatividade). 

Na gala estarán representadas a práctica totalidade das institucións organizadoras dos Premios Youtubeiras, iniciativa que lle dá visibilidade ao uso do galego no  Youtube ao tempo que fomenta a creatividade e xera referentes na nosa lingua dun axente con gran repercusión social no mundo dixital como son os/as youtubeiros/as. Así, á entrega de galardóns asistirán o alcalde de Ames, Blas García; do Grove, José Antonio Cacabelos Rico; o alcalde de Negreira, Manuel Ángel Leis Míguez; a deputada de Igualdade e Normalización Lingüística da Deputación da Coruña, María Muíño, ou a concelleira de Mocidade e Normalización Lingüística de Ames, Escarlata Pampín.

Por parte do Concello de Santiago, está previsto que acudan Rubén Prol, concelleiro de Políticas Lingüísticas, e Mercedes Rosón, concelleira de Acción Cultural, e  dende o de Pontevedra, Alberto Oubiña, concelleiro de Normalización Lingüística. Ribadeo estará representado pola súa concelleira de Cultura e Consumo, Pilar Otero Cabarcos, mentres que dende Teo asistirá María López Álvarez, concelleira de Igualdade, Cultura e Educación.

A concelleira de Política Social, Emprego, Educación, Cultura e de Deportes, Mónica González Blanco, representará A Baña, mentres que de Negreira estarán a concelleira de Servizos Sociais, Muller e Igualdade, Mar García Vidal, e a concelleira de Educación e Sanidade, Teresa Douro Leis. Ames contará tamén co seu concelleiro de Transición Ecolóxica e Medio Rural, Manuel Lens, e por parte de Moaña asistirá o seu concelleiro de Normalización Lingüística, Aldán Santamarina.  

Relación de finalistas por categorías

  1. PREMIO CANLE 

O Son das Ideashttps://www.youtube.com/c/OSondasIdeas

Olaxonmario: https://www.youtube.com/c/olaxonmario

Neeumatiko:https://www.youtube.com/c/neeumatiko

 

  1. PREMIO YOUTUBEIRA

Olaxonmario: https://www.youtube.com/c/olaxonmario

Neeumatiko:https://www.youtube.com/c/neeumatiko

Cousxs:https://www.youtube.com/channel/UCiVIO1EwXrM-nH2AQnlJ5HA

 

  1. PREMIO VÍDEO

Por que é que non entendo o portugués? Co @Portuguese With Leo (vídeo de Olaxonmario):https://www.youtube.com/watch?v=eTgMtKL6xjU

A nova bomba das Tanxugueiras (vídeo de Cousxs):

https://www.youtube.com/watch?v=7i4bL3JMew4

Educación franquista (vídeo de Pradorua):

https://www.youtube.com/watch?v=IHnRDoUFQEo&t=11s

4.PREMIO CALIDADE LINGÜÍSTICA

Neeumatiko:https://www.youtube.com/c/neeumatiko

Cousxs: https://www.youtube.com/channel/UCiVIO1EwXrM-nH2AQnlJ5HA

Esbardalhando:https://www.youtube.com/channel/UC-wZ4BGhn2j6_C8TAbgsIQw

5.PREMIO IMPACTO

Pablo Rodríguez Vila:https://www.youtube.com/c/PabloRodr%C3%ADguezvila

Olaxonmario:https://www.youtube.com/c/olaxonmario

Neeumatiko:https://www.youtube.com/c/neeumatiko

 

6.PREMIO CALIDADE TÉCNICA

Toxíohttps://www.youtube.com/c/TOX%C3%8DO

O Son das Ideas:https://www.youtube.com/results?search_query=o+son+das+ideas

Xacobo de Torohttps://www.youtube.com/c/XacobodeToroCacharr%C3%B3n

 

7.PREMIO COMUNICACIÓN

AstroXabi:https://www.youtube.com/channel/UCUXcwKz8lfP9HCmLLS0Jp9A

Pablo Rodríguez Vila:https://www.youtube.com/c/PabloRodr%C3%ADguezvila

Un rapáTRANSquilo FTM. :https://www.youtube.com/channel/UC6-Bv4wAeqG0fosD0DH8HHw

 

8.PREMIO CREATIVIDADE

Cousas RarismASMR: https://www.youtube.com/channel/UC59LurczeXkyHRdBkkAePTg

O Son das Ideashttps://www.youtube.com/c/OSondasIdeas

Olaxonmariohttps://www.youtube.com/c/olaxonmario

 

9.PREMIO MUSICAL

Cousxs:https://www.youtube.com/watch?v=vUjuYUMCXks

FØ Records:https://www.youtube.com/channel/UCjGf34aYEiKmZJQR23AYGzw

 

  1. 10PREMIO DIDÁCTICO

Xacobo de Toro:https://www.youtube.com/c/XacobodeToroCacharr%C3%B3n

O Son das Ideas:https://www.youtube.com/c/OSondasIdeas

Neeumatiko:https://www.youtube.com/c/neeumatiko

  1. PREMIO PIONEIRO 

Recuncho Gamer:https://www.youtube.com/channel/UCqbohZKRrOTtvsR2H1Qjwig

Pingandohttps://www.youtube.com/channel/UC-Zth6S2QbSNzMsyj4MFAcA

Astroxabi:https://www.youtube.com/channel/UCUXcwKz8lfP9HCmLLS0Jp9A

 

  1. PREMIO DO PÚBLICO

Conversas con Anselmo López Carreira: O reino medieval de Galicia; da canle Orgullo Galego:https://www.youtube.com/watch?v=cn5u-Hqbbac

Amemos o noso de Xabi Gómez e Sara Sánchez: https://www.youtube.com/watch?v=EJQVaZzgAD0

“El cuarteto de IBAI” - Lucas Requena (PARODIA / VERSIÓN GALEGA) | Feat. Dani Piñeiro de Fica coa Bola.: https://www.youtube.com/watch?v=XIn3btCuIoo