A Concellaría de Educación e Cultura da Baña vén de convocar o Entroido divertido 2020, un campamento urbano que terá lugar entre o luns 24 e o mércores 26 de febreiro para favorecer a conciliación familiar. Esta actividade vai dirixida a nenos e nenas de 3 a 12 anos e ten un custo de 5 euros para a veciñanza da Baña e de 10€ para os non empadroados no Concello.

O Entroido divertido inclúe obradoiros e actividades lúdicas que se celebrarán nun local na segunda planta da Escola de Música da Baña, xunto a aula de informática, en horario de 9.00 a 14.00 horas.

As familias interesadas deberán anotarse a partir de hoxe e durante esta semana no Concello da Baña, entregando cuberta a ficha de inscrición que se adxunta nesta nova.

Attachments:
Download this file (Entroido_Divertido_2020.pdf)Inscrición no Entroido Divertido 2020[Inscrición no Entroido Divertido 2020]152 kB

A Deputación Provincial da Coruña vén de publicar as convocatorias de axudas de actividades e investimentos culturais e de promoción económica para entidades.

A tramitación será telemática a través da plataforma SUBTEL da Deputación Provincial da Coruña, https://www.dacoruna.gal/dicoruna-subtel/solicitudes, para todas as fases do procedemento: solicitude, concesión e xustificación, incluíndo en cada unha delas, as notificacións, requirimentos de información e documentación e envíos de documentación. Serán imprescindibles dous requisitos para esta tramitación:

1.- Certificado dixital ou DNI electrónico. Deberán dispor deles:

- a persoa que ocupe a Presidencia da entidade

- a persoa que ocupe a Secretaría da entidade

- a persoa que represente á entidade ante a Deputación (se é distinta das dúas anteriores).

2.- Correo electrónico. A entidade deberá dispor dun enderezo de correo electrónico que non poderá variar ao longo de toda a tramitación do expediente, xa que as comunicacións dirixiranse a ese enderezo.

O prazo para a presentación de solicitudes remata o 6 de marzo de 2020 ás 14.00 horas.

Máis información en https://www.dacoruna.gal/dicoruna-subtel/infoconvocatorias ou no Concello da Baña, concertando unha cita no teléfono 981 886 501.

Ligazóns de interese

 

Programa de subvencións dirixido a entidades asociativas agrarias, labregas, gandeiras, forestais e asociacións de cazadores da provincia da Coruña para á realización de actividades durante o ano 2020.

Programa de subvencións dirixido a entidades asociativas agrarias, labregas, gandeiras, forestais e asociacións de cazadores da provincia da Coruña para a realización de investimentos durante o ano 2020

Programa de subvencións a entidades sen ánimo de lucro para realizar actividades culturais durante o ano 2020.

Programa de subvencións a entidades sen ánimo de lucro para realizar investimentos culturais durante o ano 2020.

Programa de subvencións dirixido a entidades sen ánimo de lucro da provincia da Coruña para á realización de actividades de promoción económica durante o ano 2020.

Programa de subvencións dirixido a entidades sen ánimo de lucro da provincia da Coruña para á realización de inversións de promoción económica durante o año 2020

Programa de subvencións para corais polifónicas, bandas de música populares, entidades de música e baile tradicional galego e formacións musicais de gran formato da provincia da Coruña, para o desenvolvemento de actividades culturais durante o ano 2020.

Programa de subvencións para corais polifónicas, bandas de música populares, entidades de música e baile tradicional galego e formacións musicais de gran formato da provincia da Coruña, para a realización de investimentos culturais no ano 2020.

Programa de subvencións a entidades sen fins de lucro para o desenvolvemento de programas de políticas de igualdade de oportunidades entre mulleres e homes e loita contra a violencia de xénero no ano 2020.

20190309 Entroido Medios 2

O último sábado de febreiro, o día 29, o Concello da Baña organiza o Concurso de disfraces do Entroido, que este ano repartirá 3.750 euros en premios entre as cinco categorías contempladas nas bases: individual (infantil e adulto), grupo, comparsa e carrozas. Para poder participar, os interesados deberán inscribirse antes do xoves día 27 ben de xeito telemático ou presencial nas dependencias municipais.

O desfile comezará ás 16.30 horas e transcorrerá polas rúas Xacinto Rodríguez, Rosalía de Castro e na Praza do Concello. As comparsas estarán compostas por un mínimo de 10 membros que representarán un mesmo motivo, e as carrozas deberán contar tamén cun mínimo de dez integrantes todos eles enriba dun móbil. Os grupos terán de 2 a 9 persoas participantes, representando un mesmo motivo.

A selección de gañadores realizarase a proposta dun xurado composto por persoas alleas ao Concello. No apartado de premios, as tres mellores carrozas e comparsas levarán premios de 1.000, 500 e 200 euros, respectivamente. O mellor grupo recibirá 150 euros e, nas categorías individuais, o premio será de 100 euros tanto para o mellor disfrace infantil como para o adulto.

As bases íntegras do concurso e as fichas de inscrición, pódense descargar na páxina web do Concello da Baña. Todas as persoas menores de idade que desexen participar, ademais de inscribirse, deberán entregar unha autorización asinada pola nai, pai ou titores legais.

Attachments:
Download this file (Autorizacion_Menores_Entroido_Bana_2020.pdf)20200205_Autorizacion_menores_Entroido_Baña_2020[20200205_Autorizacion_menores_Entroido_Baña_2020]103 kB
Download this file (bases.pdf)20200211_Bases_concurso_entroido_Baña_2020[20200211_Bases_concurso_entroido_Baña_2020]99 kB
Download this file (Ficha_inscricion_entroido_bana_2020.pdf)20200205_Ficha_inscricion_entroido_Baña_2020[20200205_Ficha_inscricion_entroido_Baña_2020]104 kB

CARTEL ANTROIDO webO equipo de goberno da Baña, atendendo as peticións veciñais, decidiu incorporar a categoría de grupo no Concurso de disfraces do Entroido, que se celebrará o 29 de febreiro, e que este ano repartirá 3.750 euros en premios entre as cinco categorías contempladas nas bases: individual (infantil e adulto), grupo, comparsa e carrozas. Para poder participar, os interesados deberán inscribirse antes do xoves día 27 ben de xeito telemático ou presencial nas dependencias municipais.

O desfile comezará ás 16.30 horas e transcorrerá polas rúas Xacinto Rodríguez, Rosalía de Castro e na Praza do Concello. As comparsas estarán compostas por un mínimo de 10 membros que representarán un mesmo motivo, e as carrozas deberán contar tamén cun mínimo de dez integrantes todos eles enriba dun móbil. Os grupos terán de 2 a 9 persoas participantes, representando un mesmo motivo.

A selección de gañadores realizarase a proposta dun xurado composto por persoas alleas ao Concello. No apartado de premios, as tres mellores carrozas e comparsas levarán premios de 1.000, 500 e 200 euros, respectivamente. O mellor grupo recibirá 150 euros e, nas categorías individuais, o premio será de 100 euros tanto para o mellor disfrace infantil como para o adulto.

As bases íntegras do concurso e as fichas de inscrición, pódense descargar na páxina web do Concello da Baña. Todas as persoas menores de idade que desexen participar, ademais de inscribirse, deberán entregar unha autorización asinada pola nai, pai ou titores legais.

20200216 Feira Cans Caza webbO Concello da Baña organiza o 16 de febreiro unha feira de cans de caza na finca municipal da rúa Tedelle, detrás do CPI San Vicente. A xornada comezará ás 8.00 horas e rematará ás 13.30 coa entrega de premios das diferentes categorías. O prazo de inscrición remata o 11 de febreiro.

O evento dará comezo ás 10.00 horas aínda que os participantes poderán acomodarse no recinto a partir das 8.00 horas. Ás 13.30 será a entrega de premios.

A feira de cans de caza de A Baña contará con 6 categorías entre as que se repartirán os premios de caza maior, caza menor, pluma, mellor manda de cans, mellor camada de cachorros e o galardón espcial ao mellor can da feira.

Ao rematar todos os asistentes están convidados á XVII Festa da Filloa da Pedra no pavillón municipal, na que poderán degustar este prato típico da Baña , de música e de xogos de todo tipo para a cativada.