- Detalles
- Escrito por Alicentis
- Categoría: Cultura e educación
- Visitas: 1217
Martín Pose Pérez preséntase este luns como novo director da Escola Municipal de Música da Baña nunha reunión coas familias que dará comezo nas instalacións do centro a partir das 20.30 horas, e na dará a coñecer o proxecto docente para este curso escolar e ao novo cadro de profesorado. Ademais, os asistentes recibirán información sobre o proxecto que o novo equipo directivo ten para a Banda Municipal de Música da Baña.
O prazo de matrícula para a Escola Municipal de Música ábrese tamén o luns, día 16, para que os interesados se poidan inscribir ata o 23 de setembro, data na que comezarán as clases. Os formularios de inscrición, tanto para adultos como para infantil, e o de pago, pódense consultar nos documentos adxuntos.
Na escola de música poden matricularse todas as persoas interesadas maiores de 3 anos de idade (tamén os adultos) en algunha das seguintes especialidades: percusión, saxofón, frauta, clarinete, trombón, trompeta, tuba, bombardino, piano, guitarra, acordeón e música e movemento.
Os prezos establecidos son de 10 euros/mes para música en movemento (nenos de 3 a 6 anos) e de 20 euros mensuais para o resto de especialidades. En todos os casos, para o segundo e seguintes membros dunha mesma unidade familiar haberá un desconto do 50%.
 20190916_domiciliacion_escola_musica_Baña | [20190916_domiciliacion_escola_musica_Baña] | 477 kB |
| 20190916_Inscricion_Escoña_Musica_Baña_Adultos | [20190916_Inscricion_Escoña_Musica_Baña_Adultos] | 419 kB |
| 20190916_Inscricion_Escoña_Musica_Baña_infantil | [20190916_Inscricion_Escoña_Musica_Baña_infantil] | 473 kB |
- Detalles
- Escrito por Alicentis
- Categoría: Cultura e educación
- Visitas: 897
O Concello de A Baña organiza un Curso de perfeccionamento e iniciación á informática dirixido a persoas adultas, que se levará a cabo a partir do vindeiro mes de outubro e que terá unha duración de 6 meses. Esta actividade formativa impartirase cada mércores, durante dúas horas, na Aula de informática do Concello e terá un prezo de 25 euros ao mes. As inscricións faranse nas oficinas da Casa Consistorial, tendo preferencia aqueles veciños e veciñas que estean empadroadas na Baña.
Para máis información, déixase a disposición de todos os interesados o seguinte número de teléfono: 615 401 264.
 20190912_Cartel_Curso_informatica.jpg | [ ] | 1122 kB |
- Detalles
- Escrito por Alicentis
- Categoría: Cultura e educación
- Visitas: 1270
Un grupo de 20 persoas acompañadas polo guía de turismo Francisco González visitaron esta mañá a igrexa de Santa Baia de Lañas, na Baña, e as outras catro que os concellos da comarca inclúen na Ruta do Románico, para poñer en valor o patrimonio arquitectónico da Baña, Negreira e Val do Dubra. Esta iniciativa, que está financiada pola Deputación da Coruña, comezou na igrexa de Santa María de Paramos (Val do Dubra), e continuou pola de Santa Baia de Lañas (A Baña) e as de Portor e Gonte (Negreira).
A igrexa de Santa Baia de Lañas foi construída a finais do século XII. Pertencente ao concello da Baña (aínda que baixo o arciprestado de Val do Dubra), rende culto á martir adolescente meridana Santa Baia (Eulalia ou Olaia), martirizada e queimada viva con ramas de palma. Así é representada nos motivos dos capiteis do arco triunfal, orixinais da fábrica románica. A capela maior, xunto coa capela norte do Rosario foi reconstruída no primeiro terzo do século XVII. A sancristía data de 1754, e de 1792 a nova fachada e a espadana coas campás. Esta igrexa ten unha gran riqueza e profusión de canzorros historiados e conserva un arco con arquivoltas ao oeste desafortunadamente tapiado hoxe en día.
Un dos canzorros é un dolio, un instrumento de vento xa desaparecido –que se pode confundir cun pipo de viño– e que grazas á investigación do profesor Porras permítenos datar a igrexa de Santa Baia de Lañas na segunda metade do século XII, xa que os dolios unicamente existiron nesta época.
Santa María de Paramos (Val do Dubra) é unha igrexa do século XIII en planta de cruz latina con ábsida rectangular. Ten unha ventá con columnas e una arquivolta axadrezada. No norte ábrese unha porta en cuxas xambas hai columnas prerrománicas reutilizadas e capiteis con follas de acanto ou sogueados. O arco de medio punto desta porta esténdese alternando granito e pedra caliza de dúas cores cunha influencia clara da arte mudéxar da Mezquita de Córdoba. Destaca a cruz antefixa de adscrición aos templarios. A sancristía foi completada en 1646 e a bóveda da capela maior en 1741.
A igrexa de Santa María de Portor (Negreira), construída a finais do século XII, ten un regusto e referencias claras ao Pórtico da Gloria e á fachada de Praterías da Catedral de Santiago de Compostela tanto nos capiteis dos arcos triunfais como nos faxóns da nave principal. Os sobresaíntes arcos cegos do norte e os seus arquillos ornamentais superiores falan do gusto e do poderío económico desta igrexa monacal, da que dependía Pontemaceira.
Resaltar o amplo legado arquitectónico dos ancestros e potenciar unha variada paisaxe, con rutas que espertan admiración entre amantes do sendeirismo, son algunhas das iniciativas que promove o Concello da Baña para potenciar o turismo no municipio. Con esta idea naceu a Ruta do Románico, que promocionou conxuntamente cos concellos de Negreira e Val do Dubra, para dar a coñecer as características das cinco igrexas construídas na comarca durante esta época. No último semestre do 2018 fixéronse seis visitas guiadas para coñecer as igrexas de Santa Baia de Lañas (A Baña), Santa María de Paramos e San Román (Val do Dubra), e Santa María de Portor e San Pedro de Gonte (Negreira).
En todas as rutas realizadas ata o de agora, os técnicos de turismo contratados polos concellos foron quen explicaron aos participantes as peculiaridades de cada templo, Eutropio Rodríguez o ano apsado, e Francisco González no día de hoxe.
Para o mes de outubro, o Concello da Baña ten previsto ten previsto facer outra ruta de sendeirimos, nesta ocasión seguindo a Vía Mariana, despois da que o pasado 19 de agosto se fixo pola ribeira do Tambre dende a área recreativa de Fiopans.
- Detalles
- Escrito por Alicentis
- Categoría: Cultura e educación
- Visitas: 680
O Concello da Baña pon en marcha este curso escolar “A Baña Madruga”, o servizo de almorzo e ludoteca para o alumnado do CPI de San Vicente.
O programa de conciliación laboral e familiar do CPI xa ten todo preparado para comezar co “A Baña Madruga” correspondente ao curso 2019/2020, que se levará a cabo nas instalacións do mesmo centro educativo de luns a venres entre as 7.30 e as 9.15 horas. Durante o mes de setembro as familias interesadas poderán probar este servizo de xeito gratuíto, para familiarizarse co seu funcionamento e decidir se, a partir de outubro, queren participar no mesmo.
Para gozar de dito servizo hai dispoñibles dous abonos mensuais diferentes segundo inclúa almorzo (50 €) ou non (40 €), mais quen queira participar días soltos tamén poderá facelo por 4 euros cada xornada. Estas cotas pagaranse as partir do mes de outubro.
Os interesados poden inscribir aos seus cativos e cativas nas oficinas do Concello.
Ligazón á resolución do BOP: http://bop.dicoruna.es/bopportal/publicado/2019/09/10/2019_0000007204.html
- Detalles
- Escrito por Alicentis
- Categoría: Cultura e educación
- Visitas: 1296
A Escola Oficial de Idiomas de Santiago de Compostela conta cunha sección no IES Xulián Magariños de Negreira, á que pode acudir toda a veciñanza da Baña que pase todos os procesos de preinscrición e matrícula pertinentes para cada curso.
Deste xeito, informamos de que a EOI xa ten na súa páxina web o procedemento de matrícula, prazos, prezos e a oferta do curso 2019/2020, que está a piques de comezar.
Para máis información, visita o IES Xulián Magariños (Rúa Castelao, núm. 23, 15893, Negreira) ou chama ao 881 867 126.