imprimir
Categoría: Cultura e educación
Visitas: 126

20181228 Troula Nadal

A música tradicional galega volverá mañá a ser a protagonista na Troula de Nadal, unha iniciativa do Concello da Baña en colaboración coa ACM Os Campantes, para que os grupos de música tradicional do municipio e arredores teñan un espazo no que amosar o seu bo facer, ao tempo que se mantén a aposta por potenciar a cultura do país.

A Troula de Nadal comezará ás 20.30 horas nas Escolas Vellas da Baña nun concerto no que participarán integrantes da Escola de Música Tradicional da Baña, as Pandereteiras da Baña, Escola do Obradoiro de Cultura Tradicional Ultreia, de Santiago; as Dedaleiras de Sarandón (Vedra), Vai de Roda, de Rianxo, e Sarillo de Aiazo (Frades).