20190920 CMP Trail Baña 2018 16

Roberto Tuñas González, membro do Club Atletismo Negreira que ven de conseguir a terceira praza no Campionato Galego de Trail celebrado en maio, quere repetir podio tamén este ano no CMP Trail da Baña, que na pasada edición rematou na terceira posición. Tuñas é un dos inscritos na trail longo, que vai percorrer 26,5 quilómetros polos fermosos paisaxes da Baña o vindeiro 6 de outubro. A carreira de montaña da Baña contará tamén cun trail curto de 17 km, e dúas andainas non competitivas, una de 16 km (pro) e outra amateur de 10,5 km.

O Concello da Baña e o Grupo de Trail e Montaña (GtraM) Val de Barcala, organizadores da proba, contan co patrocino da prestixiosa marca italiana de roupa deportiva CMP e de Deportes Alvite, tras o éxito da edición do ano pasado, na que participaron 300 atletas. A inscrición poderase facer a través da web emesports.es ta as 23.59 horas do xoves 3 de outubro.

Nesta cuarta edición do Trail da Baña, a segunda patrocinada por CMP, a proba mantén as características de anos anteriores e contará con dúas distancias: haberá un percorrido de 26,5 quilómetros, cun desnivel de 780 metros positivos; e outro de 17 km, con 500 metros de desnivel. Quen o prefira, tamén poderá percorrer os montes da bisbarra da Barcala participando nas andainas non competitivas proTrail (16 km) e amateur (10,5 km). A organización modificou en gran parte as zonas do percorrido este ano, aínda que deixou a estrutura da edición anterior que segue tendo unha dificultade media no trail e baixa no mini trail.

20190920 CMP Trail Baña 2018 8

A inscrición na proba de 26,5 quilómetros custa 15€, mentres que a de 17 quilómetros custa 10. Para participar na andaina ProTrail hai que abonar 8 euros, e 5 euros na amateur. A idade mínima para participar é de 16 anos para todas as categorías, nas que os  menores de idade necesitan consentimento paterno firmado e, no caso da andaina amateur, terán que ir acompañados dun titor. A inscrición xa está aberta e pode facerse a través da web emesports.esata as 23.59 horas do vindeiro xoves 3 de outubro.

Gráficas Esteiro (Santiago), Talleres Baleato (Val do Dubra), Coca Cola, e emesports.es patrocinan tamén esta actividade que se está a converter nun referente galego das cada vez máis populares carreiras de montaña.

Na edición do ano pasado, os tres primeiros clasificados na categoría absoluta foron Víctor Cousillas, Hamza Belhadj e Roberto Tuñas González, en homes; e María Fabeiro Romero, María Marque e Sonia Botana, en mulleres.

Cátering, gardería e fisioterapia gratuítos para participantes

Esta é a cuarta edición do trail que organiza o Concello da Baña, que segue apostando “polo deporte, ven sexa coa organización de diferentes probas, como polo reforzo das escolas deportivas, para fomentar hábitos de vida saudables e o espírito olímpico entre a veciñanza”, indica o alcalde. José Antonio Pereira Gil agradece a colaboración das empresas patrocinadoras, que fan posible que A Baña “siga contando cunha carreira de montaña que quere ser referente dentro do circuíto galego e nos permite amosar as fermosas paisaxes que temos na Baña”.

Os corredores tomarán a saída dende a praza do Concello da Baa ás 09.45 (trail) e ás 10.15 horas (andaina). A meta estará situada tamén na praza do Concello, e os atletas deberán recoller os dorsais no campo de fútbol de Cartas o mesmo domingo, 6 de outubro, dende as 08.00 horas.

20190920 CMP Trail Baña 2018 23

O percorrido, que ten unha dificultade media, transcorre polos montes da Baña. Estará sinalizado e contará con tres puntos de avituallamento líquido e sólido (para o trail), e dous puntos para o mini trail. Nas andainas haberá tamén un avituallamento por cada proba. O presidente do GtraM Val de Barcala, Sergio Vieites, aconsella aos participantes levar, como material recomendado para esta proba, impermeable, teléfono móbil cargado, vaso e sistema de hidratación propio. “É unha cuestión de prevención, aínda que cada atleta coñece ben as súas posibilidades e xa sabe o que ten que levar”, sinala.

Haberá premios para os tres primeiros da xeral, e de cada unha das tres categorías establecidas para o trail, tanto en homes como en mulleres: absoluta (maiores 18 anos), veteranos 1 (maiores 40 anos) e veteranos 2 (maiores 55 anos).

Para fomentar a participación familiar, o Concello ofrecerá  servizo de gardería gratuíto para os atletas, e tamén de fisioterapia para facilitar a súa recuperación física unha vez rematada a proba. Na liña de meta haberá tamén un servizo de cátering para que os atletas repoñan forzas.

20190913 horarios escolas deportivas novaPsicomotricidade, patinaxe artística, xadrez, tiro con arco e karate son as novidades que ofrecen este ano as escolas deportivas municipais que promove a Concellaría de Deportes da Baña para os nenos e nenas que queiran facer deporte. Ademais, tamén poderán aprender ou perfeccionarse en fútbol sala, baloncesto, baile moderno, pilates ou tenis de mesa. A ficha de inscrición para as actividades do curso escolar 2019-2020 e o documento de domiciliación da cota figuran nos documentos adxuntos. 

As persoas interesadas deberán inscribirse na Concellería de Deportes da Baña, nas dependencias municipais, dende o luns, día 16, ata o venres 20 de setembro. Unha vez cubertos debense entregar nas oficinas municipais, ben presencialmente ou a través da sede electrónica (neste enlace).

O alumnado do CPI San Vicente xa puido coñecer algunhas destas disciplinas nas xornadas de portas abertas que se realizan esta semana no polideportivo municipal, e que contaron con bastante asistencia. 

No caso de psicomotricidade, esta actividade ofrécese nova este curso e está dirixida a nenos e nenas de 3 a 6 anos e desenvolverase no ximnasio do CPI San Vicente os luns e xoves de 15.30 a 16.30 horas. Para levala a cabo será necesario conformar un grupo mínimo.

Excepto xadrez (luns), baloncesto (martes), karate (xoves) e tiro con arco (sábados), as demais disciplinas terán dúas sesións semanais, segundo os horarios que se poden consultar no arquivo adxunto e que se reproducen a continuación.

Xadrez: luns (14.30-15.30)

Patinaxe artística: luns e xoves (15.45-16.45)

Psicomotricidade, no ximnasio do colexio: Luns e xoves (15.30 a 16.30)

Fútbol sala: martes e venres (15.45-16.45)

Tenis de mesa, que se practicará no ximnasio do colexio: martes e xoves (16.00-17.30)

Baloncesto: martes (17.00-18.00)

Baile moderno, no ximnasio do colexio: Martes (19.00-20.00) e xoves (18.30-19.30)

Pilates: martes (20.00-21.00) e xoves (19.30-20.30)

Kárate, no ximnasio do colexio: xoves (17.00-18.00)

Tiro con arco: sábado, 11.00-13.00

20190912 Patinaxe escolas deportivas

Attachments:
Download this file (20190916_domiciliacion_Escolas_Deportivas_2019-20.pdf)20190916_Domiciliacion_cota_Escolas_Deportivas_municipais[20190916_Domiciliacion_cota_Escolas_Deportivas_municipais]152 kB
Download this file (FICHA INSCRICIÓN.pdf)Ficha de inscrición[ ]551 kB

20191006 Cartel CMP Trail A Baña FBO Concello da Baña e o Grupo de Trail e Montaña (GtraM) Val de Barcala xa teñen todo preparado para celebrar unha nova edición do CMP Trail o vindeiro domingo, 6 de outubro. Tras o éxito acadado o ano pasado co patrocinio da marca italiana CMP con 300 participantes, esta carreira de montaña contará cunha distancia de 26,5 quilómetros e incluirá a categoría de Mini Trail (17 km), ademais de dúas andainas non competitivas de 16 e 10,5 km. A inscrición poderase facer a través da web emesports.es ata as 23.59 horas do xoves, 3 de outubro.

Nesta cuarta edición do Trail da Baña, a segunda patrocinada por CMP, a proba mantén as características de anos anteriores e contará con dúas distancias: haberá un percorrido de 26,5 quilómetros, cun desnivel de 780 metros positivos; e outro de 17, con 500 metros de subida. Quen o prefira, tamén poderá percorrer os montes da bisbarra da Barcala participando nas andainas non competitivas proTrail (16 km) e amateur (10,5 km).

A inscrición na proba de 26,5 quilómetros custa 15€, mentres que a de 17 quilómetros custa 10. Para participar en calquera das dúas categorías da andaina hai que aboar 5€. A idade mínima para participar é de 16 anos para todas as categorías, nas que os menores de idade necesitan consentimento paterno firmado e no caso da andaina Amateur, terán que ir acompañados dun titor. A inscrición xa está aberta e pode facerse a través da web emesports.es ata as 23.59 horas do vindeiro xoves, 3 de outubro.

Corredores de renome como Pedro Nimo e Alberto Carou participaron na anterior edición da carreira, na que Víctor Cousillas, María Fabeiro, Moisés Bereijo e Vanesa Mella se fixeron coas victorias das diferentes modalidades.

Gráficas Esteiro (Santiago), Deportes P. Alvite (Santa Comba), Talleres Baleato (Val do Dubra), Coca Cola, e emesports.es patrocinan esta actividade que se está a converter nun referente galego das cada vez máis populares carreiras de montaña.

20190912 Cartel A Baña Portas AbertasA Concellaría de Xuventude e Deportes da Baña organiza mañá e pasado, días 12 e 13 de setembro, dúas xornadas de portas abertas nas que os nenos e nenas poderán coñecer a oferta das escolas deportivas municipais para o presente curso escolar.

Dende as 15.45 horas do xoves, día 12, nenos e nenas poderán practicar baloncesto, patinaxe artística (17.00 h) e pilates (19.30 h).

O venres, día 13, poderán xogar a tenis de mesa (15.45 h), fútbol sala (17.30 h), tiro con arco (18.30 h), xadrez (19.00 h) e baile moderno (19.30 h).

Coa finalidade de que a cativada poida inscribirse no deporte que máis lle guste, o venres estarán xa postos os días e horarios nos que se ofrecerá cada modalidade.

A vindeira semana, de luns 16 ata o venres 20, estará aberto o prazo de inscrición nas dependencias municipais.

Estas actividades darán comezo o luns, 23 de setembro.

Ademais das escolas deportivas, o Concello da Baña ofrecerá tamén este ano clases de robótica e informática, así como a ampla oferta da Escola Municipal de Música.

20190907 torneo futbol 8 entero fbUn ano máis, O Concello e a SD A Baña organizan o xa tradicional Torneo de Fútbol Base nas categorías benxamín e alevín, baixo a modalidade de fútbol 8. A sexta edición do campionato celebrarase o sábado 7 de setembro no Campo municipal de Cartas e comezará ás 9.00 horas. Os equipos participantes deste ano son as SD A Baña, SD Tordoia, SD Dubra, AD Nicrariense, SD Negreira e os Noia CF e Xallas CF.

O vindeiro sábado 7 de setembro o fútbol convertirase no protagonista indiscutible do Concello da Baña. A SD A Baña, xunto coa colaboración co Concello, organiza un ano máis o seu xa tradicional Torneo de Fútbol Base nas categorías benxamín e alevín, baixo a modalidade de fútbol 8. O lugar da celebración será o Campo municipal de Cartas, igual que en ateriores edicións, do mesmo xeito que tamén comezará ás 9.00 horas.

Nesta ocasión, os equipos que competirán por ser os campións do VI Torneo de Fúbol Base da Baña serán as SD A Baña, SD Tordoia, SD Dubra, AD Nicrariense, SD Negreira e os Noia CF e Xallas CF.