• Alumnado de patinaxe, expresión corporal e karate fixeron unha exhibición do que aprenderon este ano

  • Levaron como agasallo unha gorra e unha mochila

20220604 Festival Escolas Deportivas Municipais Bana 34

O alumnado de patinaxe, expresión corporal e karate das Escolas deportivas municipais da Baña recibiron hoxe numerosos aplausos no festival de fin de curso que ofreceron esta mañá no polideportivo de San Vicenzo. Nenas e nenos fixeron unha exhibición das súas disciplinas, nas que amosaron o que aprenderon durante este ano, mentres recibían os aplausos de familiares e amigos que estaban nas gradas do polideportivo.

20220604 Festival Escolas Deportivas Municipais Bana 36

No festival participou o alumnado de patinaxe artística, tanto os máis novos como as xa veteranas, que realizaron diferentes acrobacias e figuras no polideportivo. Despois foi a quenda do alumnado de expresión corporal e ao de karate.

20220604 Festival Escolas Deportivas Municipais Bana 48

Como recordo desta exhibición, o alcalde e o tenente de alcaldes agasallaron a cada participante cunha gorra e unha mochila de recordo.

Para rematar a xornada, e mentres a maioría da cativada gozada cos hinchables que se instalaron no polideportivo, outros xogaban ao xadrez ou ao tenis de mesa.  Dúas disciplinas ás que tamén se apuntaron algunhas das persoas asistentes a esta xornada festiva.

20220604 Festival Escolas Deportivas Municipais Bana 37

Durante o mes de xuño, continuarán as actividades nas escolas deportivas municipais da Baña. Dende o Concello animaron a todos os nenos e nenas do municipio a volver matricularse no mes de setembro, para seguir facendo deporte e manterse activos.

As Escolas deportivas municipais manteranse con actividade ata o 22 de xuño, parfa compensar o parón provocado pola covid19 durante este curso.

20220604 Festival Escolas Deportivas Municipais Bana 38

20220430 Subvencions deputacion deportes

O Concello da Baña vai recibir unha subvención de 15.000 euros da Deputación da Coruña para o mantemento do persoal técnico de deporte con titulación universitaria durante o presente exercicio 2022.

O Boletín Oficial da Provincia da Coruña publicaba onte a resolución definitiva pola cal se concede este importe ao Concello bañense ao abeiro da convocatoria do programa FO106: Convocatoria do programa de subvencións a concellos e outras entidades locais para o mantemento ou contratación de persoal técnico nos servizos municipais de Deporte en 2022.

Consulta a resolución do BOP no documento adxunto.

  • A Baña dispón de tres prazas na quenda que vai do 3 ao 8 de xullo //

  • As solicitudes deberán presentarse no Concello ata o 20 de maio //

A Deputación da Coruña vén de abrir o prazo de inscrición para participar nos Campamentos Deportivos de Verán 2022. Están dirixidos a rapazas e rapaces de entre 9 e 14 anos e celebraranse nas instalacións do instituto Rosalía Mera, na Coruña. Ao Concello da Baña concedéronlle 3 prazas na quenda que vai do 3 ao 8 de xullo. As inscricións realizaranse na casa do concello ata o 20 de maio.

CAMPAMENTOS DEPORTIVOS DE VERÁN 2022

  • Lugar: Instalacións do IES Rosalía Mera, rúa Archer Milton Huntington, 24, A Coruña.
  • Datas: do 3 ao 8 de xullo de 2022.
  • Destinatarios: rapaces/as de entre 9 e 14 anos, cumpridos no presente ano.
  • Programación: actividades e xogos ao aire libre e nas instalacións do instituto; deportes náuticos, xornada de praia, visitas culturais, deportivas e etnográficas.
  • Prezo: 85 €
  • Inclúe: transporte interno, estadía, manutención e actividades.
  • Número de prazas: 3. Teñen preferencia as/os rapazas/es que non participasen no campamento deportivo da Deputación en edicións anteriores. No caso de ter máis solicitudes que prazas, o Concello realizará un sorteo público diante do secretario.
  • Inscrición: no Concello da Baña ata o 20 de maio.  

Atoparedes máis información e a ficha de inscrición no arquivo adxunto.

20220416 Memorial Ivan Paredes web

O Memorial Iván Paredes celebrado este sábado, 16 de abril, no campo de Cartas na Baña, recadou máis de mil euros que se destinarán na súa totalidade para axuda humanitaria ás vítimas da guerra en Ucraína. O ex xogador internacional do Deportivo, Donato Gama da Silva, realizou o saque de honra dun torneo no que participaron os equipos alevíns e infantís da SD A Baña e da AD Nicrariense, máis os veteranos da Baña e do Advoc Taberna A Roda.

A homenaxe a Iván Paredes, falecido en 2004 aos 15 anos e cando empezaba a despuntar como futbolista, contou coa participación de familiares do mozo bañés. O Concello da Baña agradece a colaboración neste evento de Donato; de Alberto Romar (árbitro do encontro de veteranos); dos clubes participantes; do presidente da A Baña Emprende, Rafa Vieito; do presentador e animador do acto, Miguel Villaverde; de Emilio Lois e o grupo de gaitas; e de toda a xente que colaborou coas súas doazóns e mercando rifas e produtos conmemorativos.

·        A próxima cita será un obradoiro de  nutrición o sábado 26 de  marzo

·        Maio será o mes da aventura coa práctica de kayak, rafting, corda tirolesa e pontismo

·        O Día do Deporte acollerá exhibicións e competicións de pilates, zumba, tenis de mesa, xadrez, patinaxe, fútbol sala ou petanca

20220311 actividades deportivas

 

Un obradoiro de nutrición que se celebrará o sábado 26 de marzo daralle continuidade ao programa de actividades saudables e deporte que desenvolverá ata setembro o Concello da Baña e que deu comezo o pasado 26 de febreiro cun curso de defensa persoal para mulleres impartido pola adestradora nacional de karate Carolina Vázquez. O programa, organizado pola Concellaría de Promoción da Vida Activa e Deporte e orientado tanto ao benestar físico como psíquico da veciñanza, recolle unha variada oferta que abrangue dende un curso de primeiros auxilios ata talleres de arteterapia ou mindfulness e a práctica de deportes de aventura.

Abril terá dúas citas. A primeira, programada para o sábado 2, será un curso de primeiros auxilios e uso de desfibriladores DESA. A segunda, o sábado 30, centrarase na arteterapia creativa, o mindufulness e o desenvolvemento persoal.

Maio, pola súa parte, será o mes da aventura. Cada sábado dedicarase a realizar ata catro deportes diferentes, como son kayak, rafting, corda tiloresa e pontismo.

Xa en xuño, o día 4 clausurarase o curso das escolas deportivas municipais. O sábado seguinte, día 11, o ioga tomará o protagonismo con Ana Prema e, en data aínda por determinar, farase unha exhibición de patinaxe na que participará alumnado de diversos clubs e que incluirá tamén unha masterclass.

 

O Día do Deporte pechará a programación en setembro cunha xornada festiva dedicada ao desenvolvemento de exhibicións e competicións de distintas modalidades deportivas como pilates, zumba, tenis de mesa, xadrez, patinaxes, fútbol sala ou petanca. 

A Baña desenvolverá ata setembro un amplo programa de actividades saudables e de deporte