imprimir
Categoría: Deportes
Visitas: 324

Cartel Andaina web

O próximo 30 de xuño organízase unha cita deportiva accesible para todas as persoas, a ‘Andaina da Baña’. A ruta, que percorrerá o concello, ten unha distancia total de 13 kilómetros, aínda que se define como un treito sinxelo. A saída terá lugar ás 10:00 horas dende a área recreativa de Chans e, como se trata dun traxecto circular, tamén será alí onde se remate.

A actividade, organizada polo equipo de trail da Baña, é totalmente de balde, aínda así, para inscribirse tense que chamar obrigatoriamente ao número 650 128 586.

Animámosvos a participar nesta andaina popular, non só polos beneficios que ten a práctica deportiva nas persoas, senón tamén porque é unha boa forma de achegarse aos distintos paraxes naturais que ten o concello da Baña.