20240307 Campus deportivo

 

O Concello da Baña organiza un campus deportivo para axudar ás familias a conciliar durante as vacacións de Semana Santa. A actividade é gratuíta e vai destinada a nenos e nenas de idades comprendidas entre os 3 e os 14 anos.

O campus desenvolverase os días 25, 26, 27 de marzo e 1 de abril, en horario de 9.00 a 14.00 horas. As sesións realizaranse nas instalacións deportivas municipais, adaptándose ao lugar máis axeitado tendo en conta as características das actividades e as condicións meteorolóxicas previstas.

As inscricións poderán formalizarse chamando aos teléfonos 981 886 501 e 669 368 413, desde o luns 11 ata o 18 de marzo. A partir do martes 19 de marzo, procederase a contactar coas familias dos participantes para proporcionarlles toda a información necesaria.

Este campus deportivo ofrécelle a oportunidade a nenas e nenos de gozar dunha Semana Santa activa e saudable, participando en diversas actividades deportivas e lúdicas baixo a supervisión de monitorado cualificado. Está organizado polo Concello da Baña en colaboración coa Sociedade Deportiva A Baña e coa Deputación da Coruña.

As bases poden consultarse no arquivo adxunto ou premendo nesta ligazón.

  • O alcalde José Antonio Pereira e a concelleira de Deporte, Ana Pensado, presidiron a entrega de trofeos

  • O pavillón de Lañas acolleu os encontros das 36 parellas divididas en cinco categorías

  • Jano e Chu foron os gañadores na 2ª Masculina

20240128 II torneo padel A Banha 18

O bo ambiente, a camaradería e as ganas por desfrutar do deporte acompañaron a celebración da segunda edición do Torneo de Pádel A Baña que se disputou esta fin de semana.

O pavillón polideportivo de Lañas acolleu a competición cun récord de participación de 36 parellas que completaron o cadro de encontros do sábado e do domingo amosando o seu talento e as súas habilidades.

O evento, organizado polo Concello da Baña, disputouse en cinco categorías coa parella formada por Nuria e Rocío como campioa na categoría Iniciación feminina. Noelia e Gemma foron as segundas clasificadas.

En 3ª Mixta venceron Óscar e Mónica, que superaron na final a Damián e a Alicia, e en 3º Masculina os gañadores desta edición foron Miguel e Luis, con Pepe e Santi segundos na clasificación.

Ademais, Jano e Chu foron os mellores na 2ª Masculina tras vencer a Iván e a Damián no encontro definitivo.

A alcalde da Baña, José Antonio Pereira, e a concelleira de Deporte, Ana Pensado, foron os encargados de entregar os trofeos ás parellas vencedoras a amosaron a súa disposición a continuar coa celebración deste torneo xa que cada vez son máis as parellas que confirman a súa disposición a participar.

Galería de fotos do II Torneo de Pádel A Baña, nesta ligazón: https://www.facebook.com/ConcellodaBana/posts/776908211134029

  • A inscrición, aberta ata o mércores 24 de xaneiro, farase por parellas e terá un custo de 5 euros para cada unha das persoas integrantes
  • Mantéñense as dez categorías en xogo
  • Haberá obsequios de benvida para todos os participantes

Tralo éxito da primeira edición disputada o pasado mes de novembro coa participación de 27 parellas, as pistas do pavillón de Lañas acollerán os días 27 e 28 de xaneiro a segunda edición do Torneo de Pádel Concello da Baña.

Na competición, dirixida principalmente a xogadores amateurs, poderán participar todas as persoas maiores de 14 anos apuntándose por parellas.

O prazo de inscrición remata o mércores 24 de xaneiro ás 23:59 horas. O custo xeral da inscrición é de 5 euros por cada xogador que forma a parella, pero no caso de que unha persoa participe en dúas categorías diferentes pagará só 8 euros polas dúas inscricións. As inscricións poderán facerse nos teléfonos 633 499 635 (Dani) e 669 368 413 (departamento de Deportes do Concello da Baña).

O II Torneo de Pádel da Baña aumenta ata oito o número de categorías neste 2024: iniciación masculina e feminina; 2ª masculina, feminina e mixta; e 3ª masculina, feminina e mixta). Cada unha delas debe contar cun mínimo de oito parellas inscritas para poder formar grupo. En cada categoría existirá un cadro principal e un cadro de consolación.

Todos os participantes recibirán obsequios de benvida. Tamén levarán premio, consistente en trofeo máis material deportivo, as persoas finalistas de cada categoría.

A organización publicará os cadros de xogo e os horarios na web municipal (www.concellodabana.gal) e nas oficinas do Concello o xoves 25 de xaneiro. No caso de que algunha parella non poida xogar na hora asignada, deberá dalo a coñecer para que se poidan facer as correspondentes modificacións sempre que sexa posible.

As bases de participación poden consultarse na páxina web do Concello da Baña nesta ligazón e no arquivo adxunto.

  • Un total de 35 parellas tomarán parte nesta competición que se disputa no pavillón de Lañas o sábado e o domingo

  • Establécense ata cinco categorías cun cadro principal e un de consolaciónHaberá obsequios de benvida para todos os participantes

O II Torneo de Pádel Concello da Baña disputarase esta fin de semana cun récord de participación. Un total de 35 parellas tomarán parte na segunda edición deste campeonato que se celebra nas pistas do pavillón de Lañas o sábado 27 e o domingo 28 de xaneiro e que confirma o compromiso do Concello da Baña coa promoción do deporte.

O II Torneo de Pádel da Baña inclúe ata 5 categorías neste 2024: iniciación feminina; 2ª masculina; e 3ª masculina, feminina e mixta a petición da propia veciñanza pese a que non se cubrían o número mínimo de parellas en algúns dos grupos.

En cada categoría disputarase un cadro principal e un cadro de consolación.

Todos os participantes recibirán obsequios de benvida. Tamén levarán premio, consistente en trofeo máis material deportivo, as persoas finalistas de cada categoría.

Os cadros de xogo e os horarios definitivos poden consultarse nas imaxes a continuación.

Cadro xogo Iniciacion feminina2

Cadro xogo 3ªmixta

Cadro xogo 3ªmasculina

Cadro xogo 3ªfeminina

Cadro xogo 2ªmasculina

Ao redor de 700 escolares das categorías benxamín, alevín, infantil e cadete participaron o pasado venres 24 de novembro na Baña no campionato zonal de campo a través. 
A competición, organizada polo Concello da Baña, a Agrupación Deportiva Escolarix e a Secretaría Xeral para o Deporte, reuniu diferentes centros educativos, clubes e asociacións da contorna. Entre eles, contábanse CPI San Vicente, da Baña; CEIP Xacinto Amigo Lera, de Portomouro; CEIP Barrié de la Maza, de Santa Comba; CPI de Bembibre, de Val do Dubra; CEIP Víctor Saenz, de Mazaricos; CPI de Zas; IES Terra do Xallas, de Santa Comba; Concello de Negreira e Xuventude Dubresa.
O CPI San Vicente da Baña sumou, como equipo, un segundo posto en alevín feminino e un terceiro en cadete feminino, cadete masculino e benxamín masculino.
O alcalde da Baña, José Antonio Pereira; a tenente alcalde, Mónica González; e a concelleira de Deportes, Ana Pensado, asistiron á proba e colaboraron na entrega de medallas.
As clasificacións das distintas categorías pódense consultar nos arquivos adxuntos.