20190307 Cortes Carretera Desfile EntroidoO Concello da Baña celebra este sábado, 9 de marzo de 2019, o desfile de carrozas e comparsas de Entroido. As celebracións comezarán as 17.00 horas e están abertas a todas aquelas persoas que desexen participar. O desfile sairá da praza do Concello e dirixirase ata o polideportivo municipal pola rúa Tedelle. Os cortes de tráfico afectarán á Praza do Concello e á rúa Xacinto Rodríguez de 16.30 a 18.00 horas. As inscricións faranse de forma presencial o día do desfile.

Os festexos que pechan o Entroido da Baña comezarán este sábado ás 17.00 horas na Praza do Concello. Para participar é preciso aceptar as bases do concurso e anotarse o mesmo día do evento antes das 16:00 horas na Casa Consistorial, ou no teléfono 981 886 501. Os participantes dividiranse nas categorías de individual, parella, comparsa e carroza. Os gañadores por parellas e individuais, conseguirán 70 euros de premio. No caso das comparsas e as carrozas, o 1º premio será de 400 euros, o 2º de 200 euros, o 3º de 100 euros e o 4º de 75 euros. Repartiranse en total máis de 700 euros.

O xurado estará composto por 3 persoas como mínimo e sempre en número impar. A súa valoración basearase na orixinalidade, elaboración e acabados, adaptación e interpretación da temática escollida polos participantes.

Por outra banda, a cativada poderá gozar das actividades organizadas no polideportivo. Os cortes de tráfico afectarán á Rúa Xacinto Rodríguez dende as 16.30 ata as 18.00 horas.

 

 

Un total de 14 persoas participan no curso Como poñer en marcha un proxecto turístico local?, organizado polo Concello da Baña e impartido por Sandra Touza, directora da empresa Ponle cara al turismo. O curso ten unha duración total de 10 horas distribuídas en tres xornadas de traballo, os días 12, 13 e 14 de novembro.

A empresa Ponle cara al turismo aposta por un enfoque diferente ao fomentar un turismo responsable mediante a súa integración na comunidade. A súa directora, Sandra Touza, dará a coñecer os diferentes segmentos de mercado e as novas tendencias turísticas e profundará nas distintas fases dun proxecto, no ciclo de vida dun produto e dun destino turístico.

A través dunha dinámica de traballo en equipo, fomentarase a creatividade e a cooperación para que cada participante, cos coñecementos acadados, sexa quen de presentar seu propio proxecto turístico unha vez finalizada a formación. No curso utilízase o método Lean Startup, axudándose de pezas Lego para fomentar a creatividade e as competencias clave.

20181019 Curso Cociña TradicionalO Concello da Baña, en colaboración con + de 3 Asociación e a UNED Senior, organiza un curso de cociña tradicional galega que ten como principal obxectivo poñer en valor a cultura gastronómica do noso país.

O curso ten unha duración de catro meses (de novembro de 2018 a febreiro de 2019), cun total de 30 horas formativas que se desenvolven en sesións de dúas horas semanais, na vivenda rectoral de San Mamede.

Se ben ten un custo de 50 euros, conta coa subvención do Concello da Baña, polo que o alumnado participante só deberá aboar 15€ en concepto de matrícula.

As prazas son limitadas (15 persoas). Para máis información e inscricións, podes dirixirte á Axencia de Desenvolvemento Local do Concello da Baña nos teléfonos 981 886 777 - 981 886 501.

20181026 Carte curso TurismoO Concello da Baña organiza un curso sobre como sentar as bases dun proxecto turístico local. Técnicas da empresa 'Ponle cara al turismo. Turismo comunitario, creativo e industrial' darán as claves do que se debe facer para botar a andar unha empresa local dedicada ao sector turístico.

O curso ten unha duración de dez horas, que se distribúen en tres xornadas: o luns 12 e o martes 13 de novembro, de 17:00 a 20:00 h; e o mércores día 14, de 17:00 a 21:00 h.

O importe da matrícula é de 20€ por persoa e está subvencionado polo Concello da Baña. Para máis información e inscricións, hai que dirixirse á Axencia de desenvolvemento local do Concello da Baña nos teléfonos 981 886 777 ou 981 886 501; ou no correo electrónico Este enderezo de correo está a ser protexido dos robots de correo lixo. Precisa activar o JavaScript para velo..

20181019 Curso socorrista cartel
A Deputación da Coruña un curso de coordinación de servizos de socorrismo acuático, a través do proxecto EIXO do Plan de Emprego Local, do que poderán beneficiarse mozos e mozas desempregados de entre 16 e 30 anos. Trátase dunha acción formativa acreditada polaque se expedirá o correspondente certificado de profesionalidade de nivel 3 logo de cumprir os requisitos previstos no itinerario.

O curso conta cun total de 15 prazas, ás que pode optar a poboación xove de entre 16 e 30 anos empadroada en concellos da provincia da Coruña de menos de 50.000 habitantes. No caso do Concello da Baña, aquelas persoas que estean interesadas en anotarse deberán facelo antes do 14 de novembro na Axencia de Desenvolvemento Local, onde tamén deberán dirixirse para informarse sobre o proxecto (teléfono: 981 886 777).

O obxectivo deste curso é aprender a coordinar os recursos e a loxística dos servizos de socorrismo en espazos acuáticos, supervisando instalacións e recursos humanos e garantindo que se preveñan situacións perigosas, se vixíen as zonas de baño e se realicen, en caso de ser preciso, intervencións de salvamento. Pero ademais, o curso conta cunha formación complementaria sobre sensibilización en igualdade de oportunidades; formación en idiomas (Inglés A1/A2); fomento das novas tecnoloxías da información e comunicación; alfabetización informática e redes sociais; e orientación para a busca de emprego.

Podes obter información máis información sobre o Proxecto EIXO do Plan de Emprego Local da Deputación da Coruña neste enlace.