O 25 de outubro, ás 18.15 horas chegará á casa de cultura da Baña o espectáculo Contos que veñen e van de Pavís Pavós, cheo de historias de medo, amor, sorpresa, de xigantes e de ananos, bruxas e trasnos, apócemas máxicas, viaxes marabillosas, princesas e dragóns que veñen voando, que se pousan nas orellas e que entran para, logo, seguir o seu camiño.

O espectáculo está dirixido a maiores de 4 anos, mais todos os membros da familia están convidados a pasalo en grande cos relatos de Pavís Pavós.